●• خزآمىَ الصَحآرى « للشعْر والخَوآطرْ !

أكسب رضا الله لا تدوّر رضا الناس
،،،،،،،،،،،،،،،،،،،،،،،،قد قال الأول: مرضي الناس كايد!

تعطي ولو تاقف على درب الافلاس
،،،،،،،،،،،،،،،،،،،،،،،،يجفاك من حصَّل وراك الفوايد

أسرق أشباه وجهي من مرايا العيون
،،،،،،،،،،،،،،،،،،،،،،،،،،،،،،،وفي عيونك حبيبي ما لمحت الشبه

أبتدي من ظنون ما اوصل إلا لظنون
،،،،،،،،،،،،،،،،،،،،،،،،،،،،،أصرخ بكل حسِّي وما سواي انتبه

طَلْ الصباح وغرَّد الطير
،،،،،،،،،،،،،،،،،،،،،،،،،واليوم شفت الصبح ضاحك

من قلت لي.. تصبح على خير
،،،،،،،،،،،،،،،،،،،،،،،،،وأنا أنتظر طلَّتك صباحك

ياكثر ما في صدري علوم وعلوم
،،،،،،،،،،،،،،،،،،،،،،،،وتردّني بعض القيم والمبادي

عادي يقوم الرجل ويطيح ويقوم
،،،،،،،،،،،،،،،،،،،لكن يهين النفس ماهوب عادي

العمر ينقص والليالي سريعه
،،،،،،،،،،،،،،،،،،،،،،،،،،والوقت ماهو للمخاليق دايم

والعبد لوهو عاش باحلى ربيعه
،،،،،،،،،،،،،،،،،،،،،،،،،لابد مايفنى ويصبح رمايم

الصدر ضايق والجفن سد عالي
..............يحبس وراه أسرار وأحزان ودموع

اللي يبي قربك ،، وشاري وصالك
إحفظ وصاله وإشتر القرب بالقرب
واللي يفلّت من ، ، حباله حبالك
خلك عليه أبعد من الشرق لـ الغرب"

كل ناقص لا حكَى يمدح أفعاله
........... وكل وَاثق عنّه أفعاله حكت

مآ فيه هم إلا مع ( الصبر ) ينزآل/
ولآ فيه جرح إلا مع إلوقت يبرى/
نصبر ورب النآس هو يصلح الحآل/
ربي يقول : إنآ مع إلعسر يسرا ♡'/

يالله يالله من جودك وفضلك نريد
،،،،،،،،،،،،،،،،،،،،،،،،،،غيث يغيث العباد بكلّ دار ومحل