نسائم نسيم

ياحليلك وسواليفك

شكلك تحاكي نفسك في اوقات ليه طيب

اقتباس: المشاركة الأصلية كتبت بواسطة خطوة أمل    ياحليلك وسواليفك شكلك تحاكي نفسك في اوقات ليه طيب

ياحبي لك والله.
دايم اكلم نفسي.ليه؟عشان تجي وتنشدني وشوفك !!!!!!!!!!!!!!!!!!!!!!

اليوم مانمت ومقصر ،نوم الظهر هذا ماله ثمن ابد.
تقوم وانت تضحك من الاناسة ،وفيه ناس ابد راسه كنه صخره ما يقيّل ولا يعرف المقيال ولايجيه صداع كنه هايلكس.

الله يقطع بليسك
وين جبت كنه هايلكس
أنت تحفه

وعلى طاري نوم الضحى
فيه مثل يقول نوم الضحى يزيد الرجال فنون
ومدام وقتنا هذا مايجينا الفرصه للنوم إلا الظهر نبي نخلي الظهر ضحى.

اقتباس: المشاركة الأصلية كتبت بواسطة الأنيق    الله يقطع بليسك وين جبت كنه هايلكس أنت تحفه وعلى طاري نوم الضحى فيه مثل يقول نوم الضحى يزيد الرجال فنون ومدام وقتنا هذا مايجينا الفرصه للنوم إلا الظهر نبي نخلي الظهر ضحى.

انا نسيم ولست تحفة!!!!!!!!!!!!!!
مدري وين جبت هالمثال منه يالانيق،لكن يالله محد ماخذ منها شي.

اقتباس: المشاركة الأصلية كتبت بواسطة نسيم    الناس صفات وطبائع ،فيهم متأثر ويندمج ويقبل التجديد ويغير وفيهم لا ثابت على شغله.على لبسه وشخصيته وتصرفاته من يوم طلع وطلّع التابعية وتوظف. شف عندك اللي مايلبسون العقال زقرت الاولين قبل اربعين سنة وهو ،هو ماتغير شنب وسكسوكه والصبغة ثابته ،ولافيه ضغط ولا سكر ولا يعرف المستشفى الا بسمه ماشاء الله عليهم والحلاقة رقم واحد حتى يبطي عن الحلاق خمسة اريل كل ستة اشهر نعمة الله لايغيرها. والراتب مايصرف منه الا 1550ريال فقط واكله من البيئة عشاهم مرقه بيدجان وقرع وشلايخ بصل وباقيها فطور الصبح.ةالغداء دجن مع ودك(ودس)وجريّشه ونعمة الله لايغيرها. هذولا ناس طيبين وحريصين في نفس الوقت ،وعندهم دقه متناهية في الحساب تقول (الة حاسبه)تمشي،والجهاز عنده لا يقبل التطوير والبرمجه ثابت.تلقاه مايرقد ذيك الليلة وهو ماشاف فاتورة الكهرب ويقعد يحسب وعليه مناظر قراءة ومولع نجفه وحده، وعنده ملف مخصص للفواتير. جاهم ازمة يوم صار التسديد عن طريق الصراف الالي ،يبي الفاتورة تختم !!!!!!!!! اذا شفته مناك لينه لابس كوت مخطط والشماغ طرف ناسفه فوق والطرف الثاني على الكتف ،واذا بغى يكشخ ذاك اليوم طلع الغترة البيضاء والكنادر ام زقم بنية، خلاص وصل منتهاه في الزين،ومخباة القدامية قلم ابونصف ريال حق الحكومة،والبوك اسود مليان كروت مايتلاقا على بعض الا بمغاط كنه مسدد يرجح في مخباته ،وسكروب مثل القلم يقيس به افياش الكهرب هذا 110ـوهذا 220ـ ومخباته الامامية منخرعة من الاوراق مايخلي ورقه مايحطها في مخباته.ومخابيه الثانية مليانه مفاتيح تقول حارس سجن. وعلاقاتهم محدوده ،ويحبون النشدة ،اذا شفته قام ينشدك عن فلان وفلان ومنول يوم حنا في البر ونحش وقبل فلان الله يرحمه وفلان الله يرحمه،وهو حي ماعنده طاري!!!!!!!!!!!!!! وتلقاه دقيق ولا يعرف الا دينمو حق الماء ،والبناء والخزان والميدة ،وترويب البلاط !!!!!وهم اللي يعرفون وغيرهم مايدري!!!!! بس كنهم قلوا صاروا شويين يسفابهم،

هههههههههههههههههههههههههههههههههههه وجعني بطني يا نسيم

حلوه مرقة وبيدجان وباقيها فطور

تراي عاد اقدرها بحكم اني ساكن في المزرعة

وامك جنبك تقرص وتاخذ من المقرصة وتغط في المرقه اللي تصقع في الراس من طعمها

اسجل اعجابي لأول شخص في المنتدى ( نسيم)

اقتباس: المشاركة الأصلية كتبت بواسطة هبوب الريح    هههههههههههههههههههههههههههههههههههه وجعني بطني يا نسيم حلوه مرقة وبيدجان وباقيها فطور تراي عاد اقدرها بحكم اني ساكن في المزرعة وامك جنبك تقرص وتاخذ من المقرصة وتغط في المرقه اللي تصقع في الراس من طعمها اسجل اعجابي لأول شخص في المنتدى ( نسيم)

الله يخليك اخوي وهذا من ذوقك الله يرحم والديك عن النار وكل مسلم.

1ـ الرحيل،،،،،،،،،،2ـ او مليت،،،،،،،،،،3ـ او قصرت،،،،،،،،،،،4ـ او زعلت ،،،،،،،،5ـ او اعتذرت.
كلها كذب وخرطي..صدقوني كذابين، والله كذابين.
وين يروح اذا اختار احد الخمس؟
لكن يجي واحد منسدح ويقول ابختار واحد من الخمس اقول هذا والله صادق,لانه منسدح محد يدري وينه؟
لكن يجي واحد معروف يبي يختبر غلاه ويختار وحده من الخمس !!!!!!!!!!!!هذا اقوله اسمح لي انت كذاب ،معليش مشيها على غير ياحبيبي.
نفرض قلت انا ابختار من الخمس وحده اقول روح ،،،،،لانك فشلت ،وعاجز ،وحسيت بضياعك، لانك نضحت ،جف ماك.
لكن متى ماكنت ذا علاقات وعرفت كيف تصل للقلوب وعرفت ان لك منافسين فأنت باقي غصب عنك وهذا الكلام انا مسئول عنه.

لا تساوم على نفسك ،ولا تحاول تعرف ماكانتك عند احد،فيه افعال واقول غير مباشرة حاول تفهمها!!
فيه وسائل للاسف الشديد يستخدمها ناس كثير لكي يعرف مدى اهميته ومكانته!!!!!!!!!!هذي حركات بزران.
صدقوني والله العظيم اتكلم من جد ما راح احد يحبك اكثر من امك وابوك!!اللي يبي يصدق يصدق واللي ما وده توريه الايام خافيها.

من حقك تحافظ على كيانك، وكرامتك، وانك تحط نفسك فوق ولو انك منتب حول الدعوى لكن ماشي ،بس الواقع وينك عنه؟؟؟؟؟؟؟؟؟
مهما كُنت، ومهما وصلت، مردك تعود غصب لان التاريخ يعيد نفسه، وانت تشوف بعينك العبر والايات اللي حاصلة ،
توقع شوي، شوي، حتى تصير الطيحة خفيفة ،ويمكن تلاحق على باقي قشك لايضيع.
او اذا بغيت تكلم تلقى واحد يقول وشو؟وش يقول هذا؟او يهز راسه ويخليك!!!!!
اذا بغيت تقضب عليك باللي مقاضبهم بعد الله سبحانه متينه ،اذا قلت: يا ،،،،،،،قال سم وحاضر.
الحياة صعبة، وتبي صبر، وتبي بعد نظر، للي له نظر، ووده يستمر،اما اللي له تاريخ نهاية كنه علبة لبن ماعلينا منه لان مرده هناك.