نسائم نسيم

اقتباس: المشاركة الأصلية كتبت بواسطة ولد العز    اسجل اعجابي بهذا المدونه واللتي يفوق زوارها 20الف <<ياليتها تصرف بدالها ريالات مدونه لايعملها الا الكبار نسيم اعجبني ردك السابق صاحب 1550 بس لاتصير منهم!!

ولد العز،،كلمة واسمعها من قلبي
والله انك ولد عز ومعدنك ذهب ،وكل مايطول الوقت معك يتضح لي جوهرك النقي .
يشهد الله على حبي وتقديري لك ،انا قلت هذا الكلام لا لانك حضرتك واشدت لا والله واللي خلقني ،بس حبيت اسجل اسمك هنا في قلبي في قائمة احبابي واصدقائي .عسى جنسك مع العالم كثير.
لك خالص التقدير والامتنان
اخوك
نسيم

فاقد قابوس تمير،،،،،،،
فاقده والله فاقدة ،منول اسهر انا وايها ايام الشتاءفي ساحة البراري عند النشرة الجوية،وبيني وبينه سوالف طيبة ومتواعدين نبي نسافر جميع.
ثم معد شفته.
الله يذكره بالخير.

يجب على كل انسان ان يكون واقعي ،يعرف حجمه،وقدراته،وان لايجعل له اعداء وهو ضعيف.
واللي اهم ويجب ان يعرفه الواحد اذا بغى يختبر قدراته الهجومية او يكون على قولهم قوي لايقرب اللي اكبر منه،يدور مثله وادون منه.
لكن تجي يم واحد الكلمة اللي يطلعها تقعد سنة ماحفظتها وتبي تعانده هذي صعبة مره.
الحوار والنقاش والجدال القوي والغمز اي تبطين الكلمة والتلميح مايتقنه الانسان العجل او الاحمق.لان الاحمق كلمتين تقولها له على طول يكع باللي في خاطره وينتهي ،ثم تبدء فيه مع كل جمب ،ويصير عندك خيارات اما تقول حرام وضعيف وتتركه،والا تقول كوده يتعلم وتعطيه لذعات ماينساها.
الثقة في النفس مطلوبة،والاعتماد على النفس بعد الله شي مهم جدا ولا تستعين بحد، ثباتك رغم ضعفك يعطيك قوة مع ممر الايام وتصير جمل تشيل الثقال .
لكن اذا تعودت الشرب على يدين الناس هذي مشكلة كبيره(لانه يقال شرب على يدين الرجال هماج)هماج يعني مر حتى لو كان طعمه قراح.
نعود للتبطين او التلميح استخدامة يكون لشخص او شخصين او ثلاثة يفهمون وباقي الناس مالي فيهم لزوم،انا لا احب التوضيح في الامور الخاصة واللي تعنيني وهذا حق من حقوقي.ولا امنع احد ان يناقشني فيها مهما كان سواء قريب والا بعيد والا اي كانت نظرته لي.بس يكون مؤدب وانسان واعي.
احس بمتعه كبيره وراحة ماتتصورونه اذا وجدت انسان يغطي ويبطن الكلام اي والله حتى لو كان يهاجم ويشتم كذا يكون الكلام .لكن يجي كلام واضح يحوم الكبد ماحبه ،مثل واحد من الاعضاء يراكض قدامنا خرب علينا وقام يقطع كلامنا !!!!!!!!!!!
وش نسوي ؟
ومن حقه يشارك بس لازم يحاول يشغل النظام اللي الله حطه له في راسه.

العلاقات مع الاخرين وفي هذا الوقت للاسف الشديد يجب ان تكون حذر فيها !!!!
بعض الناس اذا عرفته وجاء بينك وبينه علوم ورفقه ياخذ وقت ماهوب واجد ثم ينقلب انقلابة داب!!!!!!!!!
وبعض الناس كل ماتقرب منه كل ماتلقى ذهب يحرجك في وقفاته واخلاصه الى درجة انك تتهرب من مقابلته حياء منه لانك مهما تقدم له تعتبر مقصر في حقه!!!!!!!!!!!!
اللي يتقلب هذا او يتغير ليته اذا راح يفكنا من خيره وشره!!!!!!!!!يلحقنا منه اذى .
العلاقات اليوم يجب ان يكون فيها حذر للاسف الشديد .
ليه ؟كذا.وش هلاسلوب كل يوم لك رفيق!!!!
واذا عرفك الشخص المتقلب يقعد يشغلك بلانتقاد ،وانت مخطي في نظرة،ويحتقرك،وذا جت المصافيط والمبرات لينك منسي!!!!!!!!!!
والله بعض الاحيان نقول ليت فيه فرمته او ازالة صداقات تنتهي من الوجود ،تمر من عنده كن توه مخلوق ماقد مر في حياتك هذا الشخص.
الحياة والتعامل مع الاخرين صعب .لان النوايا في هذا الوقت ليست سليمة اطلاقا.

من ردى الحظ قلبي طول الايام خايف
،،،،،،،،،،،،،،،،،،،،خايفٍ والليالي ما تجـي لـه بكيفـه
ما تجي له بكيفه مثل ما كان شايـف
،،،،،،،،،،،،،،،،،،غيب الايام جاله بالحيـاه الكسيفـه
الحياه الكسيفـه والعنـا والكلايـف
،،،،،،،،،،،،،،،عقب عزه تعرقل بالظـروف الكليفـه
الظروف الكليفه والدمـوع الذرايـف
،،،،،،،،،،،،،،والسهر والترجي بعـد فرقـا وليفـه
بعد فرقا وليفـه مالقـا لـه ولايـف
،،،،،،،،،،،،،،غيّم الجو واظلـم بالهمـوم العنيفـه
الهموم العنيفـه بالظلـوع النحايـف
،،،،،،،،،،،،خلّت القلب يرجف بالظلوع النحيفـه
بالظلوع النحيفه عقب يأس وحسايف
،،،،،،،،،،وش تفيد الحسايف والقدر حط سيفه
القدر حط سيفه دون زين الوصايـف
،،،،،،،،،حال من دون شوفه ما بقى غير طيفه
ما بقى غير طيفه داخل القلب طايـف
،،،،،،،طيف زين الوصايف والخدود النظيفه
الخدود النظيفـه والثمـان الرهايـف
،،،،،،،،يوم جيته وجاني بالعبـاة الرهيفـه
العبـاة الرهيفه فوق ذيـك ،،،،،،،
،،،خلت القلب يرجف غصب ماهو بكيفه

تراي والله قاعد اضحك من قلب ،سير على صديق وانا اتصفح الانترنت المهم سلم وجاني لين بوبز قدامي (بوبز يعني قعد قعده سفري)المهم قال انت وش عندك؟قلت ابد شوفتك عينك!!!قال وش غيره؟قلت سلامتك،قال الحمدلله !!!!!!!!!!!!
قال هالعالم مدري وش جايز لهم في الاجهزة وهالخرابيط !!!!!!!!!!هو معه جهاز شراه وفتحة وناظر ووقف عنده عاجز ماله هدف!!قام يناظر قوقل يحسب ان قوقل يبي يحاكيه لانه يقول فتحت قوقل ولا لقيت شي!!!زعل على قوقل ليه مايحاكيه !!
المهم تذكرت قبل 10سنوات شريته ونحطه في المقلط ونتردد عليه انا والبزور وملينا منه ماشفنا منه وناسه وقعد يومين كنه فوق راسي ابي فراقه باللي هيبه،وهو يسير علي رجال وجاب طاري الكمبيوتر ويبي يشري قلت زين،قلت فلان ترى جهازك عندي والله ثم والله العظيم مامشى الا وهو في موتره.
عاد حنا محاربين لكل مانجهل ،مقلدين ،مخربين لاصحاب الصنف واصحاب الاتجاه الواضح ،مره في اسهم ،مرة اراضي.مرة منتديات مرة كنود،وانت ماشي.

دائمًا احس اني غريب،مدري ليه؟
انتم مثلي؟
احس كني ضيف؟وثقلت الزيارة!!!!طولتها،،،،
احس اذا مريت اسمع اصوات جماهير تهتف بمثل هذا الصوت(وووو صموت مزعج وووووو)وتهتف يسقط،برا،وفيه واحد فوق في غرفة زجاجية ينظر لنا من اعلا وهو ساكت،ثم يعود مرة اخر الى مكانه ويشرب كوفي .
وضع غريب!!!!!!!مريب!!!!فيه شيء.
نسيم حضر غريباً،ورحل غريباً!!!!عبارة دائما اكررها وارددها في نفسي،كنت اخفيها .

معرفة الرجال تجارة، ورصيد ماينقص منه شي ،ولا تجامل وتخسر ربعك على مصلحة لاتدوم.
رفيقك وصديقك الغالي وجوب ترضيه لو تخسر مصالحك، لان الرجال لهم وقفات يمكن ماتتخيلها وانت في حالة رغد وانبطاح ،المصالح زائله لا محاله والمصلحة صدقني ماينوثق فيها، وخذها من مجرب.خلك قوي قدام مصالحك عشان يحترمونك ويحسبون لك حساب.
الانسان لايملك الا شخصيته والشخصية مقترنه بأشياء مهمه القوة عدم المجاملة انصاف الاخرين ولو جاء منها خسران مصلحة لكن تبقى
كبير عندهم ويحبونك رغم قوتك لانك منصف ،لكن اذا انت جاملت ومرة كذا ومرة كذا،صدقني تفقد القريب والبعيد وايضا من جاملته والايام بيننا وتشوف وتشرب بكفوفك.

تسجل أعجاب

اقتباس: المشاركة الأصلية كتبت بواسطة الأنيق    تسجل أعجاب

اسجل ترحيبي