نسائم نسيم

لكل بداية نهاية.
حنا بدينا ونمشي في طريق طويل !!!!!!!!!!!!!!!!!!!!بس ماشفت ولا لوحة مكتوب فيها النهاية ،،،،،كم!!!!!
كم بقي من كيلو؟
كم بقي من يوم؟
وين؟ا
عداد مستمر يحسب لكن النتيجة وش هي؟
سؤال حيرني مالقيت له اجابة!!!!!!!!!!!!!!!!

فيه هذه اللحظات الاخيرة والحاسمة ومن مدونتي سوف يتم تنفيذ حكم الاعدام للاخت شموخ انثى .اعذريني !!!
هذا حال الدنيا.
الوقت والزمن اجبرني ان اطيح بك واجلس مكانك.
بعد مشاركتين من الان نترحم عليها.
نسيم

بسم الله
في هذه اللحظة التاريخية والحاسمة، يتم التنفيذ للاسف الشديد،وشموخ انثى ترحل بعيد، في عالم بعيد ولكن في القلب والذاكرة نقشت اسمها بماء من الذهب ،
اسطورة مرت على هذه المنتدى،كأنها علم في راسه نار ،وانتهت على يدي،يالها من صدفها غريبة!!!!!!!!!!!!
لكن هذا الاسم شموخ انثى لايمر مرور الكرام ابداً،ابداً.
نفذ الحكم صباح هذا اليوم السبت 19/5/1432هـ
الساعة 11,4
نسيم

الناس صفات وطبائع ،فيهم متأثر ويندمج ويقبل التجديد ويغير وفيهم لا ثابت على شغله.على لبسه وشخصيته وتصرفاته من يوم طلع وطلّع التابعية وتوظف.
شف عندك اللي مايلبسون العقال زقرت الاولين قبل اربعين سنة وهو ،هو ماتغير شنب وسكسوكه والصبغة ثابته ،ولافيه ضغط ولا سكر ولا يعرف المستشفى الا بسمه ماشاء الله عليهم والحلاقة رقم واحد حتى يبطي عن الحلاق خمسة اريل كل ستة اشهر نعمة الله لايغيرها.
والراتب مايصرف منه الا 1550ريال فقط واكله من البيئة عشاهم مرقه بيدجان وقرع وشلايخ بصل وباقيها فطور الصبح.ةالغداء دجن مع ودك(ودس)وجريّشه ونعمة الله لايغيرها.
هذولا ناس طيبين وحريصين في نفس الوقت ،وعندهم دقه متناهية في الحساب تقول (الة حاسبه)تمشي،والجهاز عنده لا يقبل التطوير والبرمجه ثابت.تلقاه مايرقد ذيك الليلة وهو ماشاف فاتورة الكهرب ويقعد يحسب وعليه مناظر قراءة ومولع نجفه وحده، وعنده ملف مخصص للفواتير.
جاهم ازمة يوم صار التسديد عن طريق الصراف الالي ،يبي الفاتورة تختم !!!!!!!!!
اذا شفته مناك لينه لابس كوت مخطط والشماغ طرف ناسفه فوق والطرف الثاني على الكتف ،واذا بغى يكشخ ذاك اليوم طلع الغترة البيضاء والكنادر ام زقم بنية، خلاص وصل منتهاه في الزين،ومخباة القدامية قلم ابونصف ريال حق الحكومة،والبوك اسود مليان كروت مايتلاقا على بعض الا بمغاط كنه مسدد يرجح في مخباته ،وسكروب مثل القلم يقيس به افياش الكهرب هذا 110ـوهذا 220ـ
ومخباته الامامية منخرعة من الاوراق مايخلي ورقه مايحطها في مخباته.ومخابيه الثانية مليانه مفاتيح تقول حارس سجن.
وعلاقاتهم محدوده ،ويحبون النشدة ،اذا شفته قام ينشدك عن فلان وفلان ومنول يوم حنا في البر ونحش وقبل فلان الله يرحمه وفلان الله يرحمه،وهو حي ماعنده طاري!!!!!!!!!!!!!!
وتلقاه دقيق ولا يعرف الا دينمو حق الماء ،والبناء والخزان والميدة ،وترويب البلاط !!!!!وهم اللي يعرفون وغيرهم مايدري!!!!!
بس كنهم قلوا صاروا شويين يسفابهم،

والاخوان هذولا الرعي الاول اللي لايزالون موجودين ،تشوفهم تقول مايملك عشاء عياله وهو عنده اسهم ومؤسس في شركات الاسمنت والراجحي وناسي ان عنده شي،والموتر هيلكس غمارتين !!!!!!!!!!!!طيب الى متى وهي تنمو؟شف حالك شوي؟
ماشاء الله عليهم

الصداقة هي حب متبادل تحمل معاني الاخلاص والايثار والتنازل من اجل الاستمرارية،والتنازل بكل تأكيد تكون من طرف واحد اكثر،وعدم التدقيق على الصديق في كل صغيرة وكبيرة.
اذا احستت بنوع ماء من صديقك تذكر كل جميل وقفات حصلت بينكم،تذكر الماضي والايام الخوالي،وهذي تعتبر معالجة وتجديد.والشيء الاخر لاتكون حساس خل الامور تمشي .
يحق لك ياصاحبي شفت حالك
،،،،،،،،،،،،،،،،،،،من يوم بينت الغلا بان خافيك
اسمع كلام الصدق والرد جالك
،،،،،،،،،،،،،،،،،،لو ان طب الموت عندك فلا ارجيك

اسجل اعجابي بهذا المدونه واللتي يفوق زوارها 20الف <<ياليتها تصرف بدالها ريالات
مدونه لايعملها الا الكبار
نسيم اعجبني ردك السابق صاحب 1550 بس لاتصير منهم!!

اقتباس: المشاركة الأصلية كتبت بواسطة نسيم    الناس صفات وطبائع ،فيهم متأثر ويندمج ويقبل التجديد ويغير وفيهم لا ثابت على شغله.على لبسه وشخصيته وتصرفاته من يوم طلع وطلّع التابعية وتوظف. شف عندك اللي مايلبسون العقال زقرت الاولين قبل اربعين سنة وهو ،هو ماتغير شنب وسكسوكه والصبغة ثابته ،ولافيه ضغط ولا سكر ولا يعرف المستشفى الا بسمه ماشاء الله عليهم والحلاقة رقم واحد حتى يبطي عن الحلاق خمسة اريل كل ستة اشهر نعمة الله لايغيرها. والراتب مايصرف منه الا 1550ريال فقط واكله من البيئة عشاهم مرقه بيدجان وقرع وشلايخ بصل وباقيها فطور الصبح.ةالغداء دجن مع ودك(ودس)وجريّشه ونعمة الله لايغيرها. هذولا ناس طيبين وحريصين في نفس الوقت ،وعندهم دقه متناهية في الحساب تقول (الة حاسبه)تمشي،والجهاز عنده لا يقبل التطوير والبرمجه ثابت.تلقاه مايرقد ذيك الليلة وهو ماشاف فاتورة الكهرب ويقعد يحسب وعليه مناظر قراءة ومولع نجفه وحده، وعنده ملف مخصص للفواتير. جاهم ازمة يوم صار التسديد عن طريق الصراف الالي ،يبي الفاتورة تختم !!!!!!!!! اذا شفته مناك لينه لابس كوت مخطط والشماغ طرف ناسفه فوق والطرف الثاني على الكتف ،واذا بغى يكشخ ذاك اليوم طلع الغترة البيضاء والكنادر ام زقم بنية، خلاص وصل منتهاه في الزين،ومخباة القدامية قلم ابونصف ريال حق الحكومة،والبوك اسود مليان كروت مايتلاقا على بعض الا بمغاط كنه مسدد يرجح في مخباته ،وسكروب مثل القلم يقيس به افياش الكهرب هذا 110ـوهذا 220ـ ومخباته الامامية منخرعة من الاوراق مايخلي ورقه مايحطها في مخباته.ومخابيه الثانية مليانه مفاتيح تقول حارس سجن. وعلاقاتهم محدوده ،ويحبون النشدة ،اذا شفته قام ينشدك عن فلان وفلان ومنول يوم حنا في البر ونحش وقبل فلان الله يرحمه وفلان الله يرحمه،وهو حي ماعنده طاري!!!!!!!!!!!!!! وتلقاه دقيق ولا يعرف الا دينمو حق الماء ،والبناء والخزان والميدة ،وترويب البلاط !!!!!وهم اللي يعرفون وغيرهم مايدري!!!!! بس كنهم قلوا صاروا شويين يسفابهم،

ما شاء الله عليك يا نسيم حافظهم حفظ

الله العالم انك منهم ومن شخصياتهم

عااااااااااد انت من اللي يجمعونها في قواطي النيدو

استانستم يوم نزلوا القواطي صرتوا تحفظونها وتستغلونها

في جمع الدراهم ... والصابون ... والطحين

اقتباس: المشاركة الأصلية كتبت بواسطة نسيم    فيه هذه اللحظات الاخيرة والحاسمة ومن مدونتي سوف يتم تنفيذ حكم الاعدام للاخت شموخ انثى .اعذريني !!! هذا حال الدنيا. الوقت والزمن اجبرني ان اطيح بك واجلس مكانك. بعد مشاركتين من الان نترحم عليها. نسيم

الله يرحمك يا نسيم

الدوريات الامنية تبحث عن عزوز الرياض

اقتباس: المشاركة الأصلية كتبت بواسطة متعب بن عبدالرحمن    الله يرحمك يا نسيم الدوريات الامنية تبحث عن عزوز الرياض

متعب ،لايهمك،،،،،،،،،،،،
حنا اذا نوينا على امر نسويه،واذا قمنا مانقوم الا على الكبار مثل شموخ.!!!!!!!!!!!!!!!!!!!