●• خزآمىَ الصَحآرى « للشعْر والخَوآطرْ !

الارض مثل النفس تجزع وترتاب
- ماتنبت إن كان السماء علقتها

مـن [عـجز] لايدوس الهـم باقدامه
...................لازم انـه مـع الايـام [يـــــنداسي]

ودنا بالطيب مير الدهر جحـاد طيـب
كلما تخلص مع النـاس كنـك تغشهـا
يدك لا مدّت وفا لا تحرّى وش تجيـب
كان جاتك سالمه حـب يـدك وخشّهـا
كلما شبيت نـار المحبـه مـع حبيـب
قام يسحـل فـي مشاهيبهـا ويرشهـا
وكلما واجهت لك في الزمن وجه غريب
مثل ماقـال المثـل دام تمشـي مشهـا
وذمة ماهيب تنـدار للحـق المصيـب
جعل قشاش الحطب لا سـرح يقشهـا

و لا كــل حـيـد تـنـقلـه يـصلـح بـنـايـه
........................و لا كــل جــدر لا تـراكـيـت بـه قــوي

القلب يبرم بالهواجيس ويدير
،،،،،،،،،،،،،،،،،،،،،،،،،،،،،من جادل جتنا طوارف طروشه

خده من الموت الحمر به دواوير
،،،،،،،،،،،،،،،،،،،،،،،،،،كن الصعيوي دورجن في نقوشه

أمك ماغير أمك وطن يابن الاجواد
فرصة حياتك ضمها واغتنمها

في حضنها رحمه وقصه وميلاد
مايكفي الجنه مواطي قدمها

لاصد عنك من توده وجافـاك
................ خله وجازه بالجفى مثل صـده
خلك عزيز النفس والعز ماواك
................وكلن عطه تفصيل ثوبـه بقـده
خص الرفيق اللي اذا جيت حياك
................. واللي اذا غبت يوصلك يالموده

مجبـور يالغالـي اداريـك وارضيـك
،،،،،،،،،،،،،،،،،،،،،،،،،،،،،،،.. مجـبـور اخـفــي عـلـتـي واتـصـبـر

مشـكـاي ياملـجـاي ياعلـتـي فـيــك
،،،،،،،،،،،،،،،،،،،،،،،،،،،،،،،،.. تـغـيـر الـدنـيـا وانـــا مــــا اتـغـيــر

اذا تهيض خاطـري صحـت اناديـك
،،،،،،،،،،،،،،،،،،،،،،،،،،،،،،،، .. اجـاهـد الـعـبـرات والـحــب يـكـبـر

لـو تنسـى يالغالـي فلانيـب ناسيـك
،،،،،،،،،،،،،،،،،،،،،،،،،،،،،،،،،.. نـهـر مــن العينـيـن لاجـلـك تـحـدر

والله يلولا الطير بالقلب غالي ** إني لاجوز من العنا والمطاريش

القيظ راح وبردن الليالي
،،،،،،،،،،،،،،،،،،،،،،،،،،،والطير عقب القرنسة كمّل الريش

والمزن بالمنشأ غدا له ظلالي
،،،،،،،،،،،،،،،،،،،،،،،،،،،وتراكمت غر المزون المراهيش