نسائم نسيم

اقتباس: المشاركة الأصلية كتبت بواسطة عَ ـزَوـوفْ ..(~    هههههههههههههههههههههه الله يرجع عدوانك قسمن ضحكتنى اقول وش يجلسك في البيت انت اطلع وخلهم عند الحريم وهذا كلام ابوي ليكون ابوي انت تطقطق وانا مدري ..

هذا الواقع.
يمكن اكون ابوك ليه لا.المشكلة انا اللي اروح اجيبهم اشتاق لهم، لكن اذا ابطوا تضيق بي الارض، واذا راحوا ضاق صدري.
من بلاه الله بحصاة شالها.
اذا رحت عنهم من يقوم بهم اللي يبي المستشفى واللي يبي ويبي .

هلي دمعي على خدي نهار الوداع
يوم قالوا فمان الله جاني بلاي

ألتفت والتحضني با لعيون الوساع

وأرسل الدمعه اللي زاد منهاعناي

خايف من فراق ماوراه اجتماع

يالله اليوم لاتقطع رجاه ورجاي

صرت مثل الغرير اللي بسن الرضاع

اتضيم واصيح صياح من غير راي

راحت أقدام رجلي في محلي ذراع

مقدر المشي قدامي ولاارجع وراي

المصيبه أن كان الحب والعرف ضاع

ثم زادت أجروحي من خلاي بخلاي

مبغي السر من بينه وبيني يذاع

يضرب الوصل دايم في غلاه وغلاي

الهوى له يذل القلب لوهو شجاع

مثل ماردني ترف القدم عن هواي

جعل من لاع قلبي في فراقه يلاع

حيث وصله هوى بالي وغايةمناي

أتصبرولا ودي يطول النزاع

واكضم الغيض بسبابه وهذا جزاي

اليوم اصبت برمح في صدري ،فتح جرح عميق .يصعب نسيانه.
حي الضمير الحي ،
يجب على الانسان ان لايُغيَب ضميره .

ايه كل يوم درس بس !!!!!!!!!!سريع النسيان،كل يوم نغلط ونتحسف.
الى متى؟
طبيعة الانسان .
الا متى تنتهي الاجازة؟نفتك ونخلص من الازعاج والزحام.

والله ياهي سامرية جميلة جدا ايام زمان وذكريات قديمة شباب

بلا خطية صاحبـي بـاح الاسـرار ... بـلا خطيـة عافنـي مـا يبينـي

من دون ذنب ٍ صاحبي ولع النار
،،،،،،،،،،،،،،،،،،،،، من دون ذنب قاطع ٍ ما يجيني

لامن زهمت الزين جامل بالاعذار
،،،،،،،،،،،،،،،،،،،،، والزين كذاب ٍ علومـه تجينـي

اكيد خلي سامع ٍ هرج الاشرار
،،،،،،،،،،،،،،،،،،، وان كان ظني صح لازم يبينـي

ياقلبي اصبر لو تحدتك الاقدار
،،،،،،،،،،،،،،،،،، واسأل وليّ ٍ بالسمـا لـك يعينـي

نبي نغني في المدونة مع سعد جمعة لين الله يفرجها ،
وين راحت ذيك الايام ؟ايام الدداسن !!!!!!!!!!!!!!!ياويل حالي من الكبروالشيب ويلاه.اه ياعمر راح .
وسعوا صدوركم ياشباب ترى الدنيا مهيب شي ،

ياقلبي اصبر لو تحدتك الاقدار

،،،،،،،،،،،،،،،واسأل ولي بالسماء لك يعيني



اي بالله اصبر مالك الا الصبر ،،،،،،،،،،،،،،،،،،

ترى الانسان ماهوب ملزوم دايم حكي ،هذي طاقة وتنتهي .اسمع، تفرج ،اضحك .واي واحد يناظر فيك تبسم.وقل ايه يازينك وخله يروح على وجهه .
حنا في وقت غريب اي والله تدري عن اللي حولك من تصرفاتهم ،وتدري ان فيه نقنقه وحكي بزور مافيه وضوح !!!!!!!!!!!!!!
فشل اجتماعي .كيف يعيشون هذولا في اعمالهم وبيوتهم .شي فضيع .
كل يوم يجيك الواحد بشخصية جديدة ،عند الناس له شخصية ومثل وقيم ،واذا قضبته لحاله لينه حادر وادي .شخصيات مزدوجة.
كيف تتعايش و تاخذ وتعطي معهم .
اذا تسمع كلامه تقول وش هالخيّر الولد الصالح.
وش ابسوي؟؟؟؟؟؟؟؟؟؟؟؟؟؟؟
اختار اسكن في عريش من الخوص ،،،،،اخير من قصر اصحابه كثيرين
خل دلو مقيط تجلب رشاها،
تعرفون دلو مقيط ؟انشدوا عهنا لاني مقصر من الشرح والتفسير

مررت من هنا يا صديقي واخذت اقراء واقراء وكانك بجانبي تماماَ..

ابي منك شريط يا نسيم ,,,,>> ذكرت يوم شفتك تقول سعد جمعه,,

بدل الي انت خاابر..

راحت الاجازه علي وما رحنا نجيب البتااعه...

اقتباس: المشاركة الأصلية كتبت بواسطة أبـوحـمـد    مررت من هنا يا صديقي واخذت اقراء واقراء وكانك بجانبي تماماَ.. ابي منك شريط يا نسيم ,,,,>> ذكرت يوم شفتك تقول سعد جمعه,, بدل الي انت خاابر.. راحت الاجازه علي وما رحنا نجيب البتااعه...

الله يحييك ياصديقي،شفت كيف المعاناة؟
ذكريات جميلة راحت مثل حلوم ليل.عسى الحلم يجمعني بهم كل ليلة.
ابد يمدينا نروح ونجي لو تبي للصين .بس انت اصمل.