●• خزآمىَ الصَحآرى « للشعْر والخَوآطرْ !

المرتجـي مـن خالـق الناس ماضاع
والمـرتجي رزقٍ مـن النـاس ضايـع

لاتشتكي للناس من ضيق الأوجاع
أكسب غنى نفسك ولـو نمت جايـع

والله انه مايشافي الصدر غير الصلاه
لو ملكت الكون مالك من الضيقه مصد

ذكر ربي سر طعم السعاده في الحياه
حظ مـن صلّى وقام وركع له ثـم سجد

مابعد عسـر الزمـآن اﻻ تيآسـيره
'لـو سـود اﻻيـآم تفجعنـآ حقآيقهـآ

بنسوقهآ في رجآ اللي مآلنآ غيره
خلاّق اﻷنفـس وكآفلهـآ ورآزقهـآ

افرح إذا شفت الفرح في محياك
وتضيق بي الدنيا إذا شان بالك
جعل الولي يا صاحبي دوم يرعاك
وجعل الفرح في كل الأيام فالك

لولا ظروف الوقت ماقيل لاباس
ولولا الامل مايبتسم فـ الزمن حي

الله خلق هـ الناس تحتاج للناس
لاتبخل اليا صرت تقدر على شي

الناس ف القلب من قيمة مواقفها

مالهُم بعيّوني مكان ، أنتِ عيّوني كلها ..

مالي غناةٍ عنك .. يا مال الغناه
انتي الحياه اللي اهيم بحبها
طيفك يحاصرني مع كل اتجاه
يا اجمل مواضيع القصيد ولبّها
شفهم لا قالو انته تحب الحياه
اتخيّلك واقول اي والله احبببها

لاتنكسر للناس لو داسك الوقت
خل انكسارك للعظيم بصلاتك
الناس ماتملك سعادتك لاضقت
اطلب من الله يسعدك في حياتك

السكوت يزين لا صار من حولك كلام '
بس ماهو زين لا صار من حولك سكوت !