سواليف الضحى العااااالي

اقتباس: المشاركة الأصلية كتبت بواسطة ام حمودي    ياحللك انت وسوليفك توسع الصدر الله يرزقك ويسعدك

شرفتيني ام حمودي فيذا

ويسعدتس انتي بعد

وش اسوي هذي حااااااال الدنيا مالقيت لي صديق افضفض له واسولف له غير الكمبيوتر هذا

الايام هذا واللي بتجي بعد اسبوع ضيقت صدر مافيه احد يوطوط في الشارع

مدري الناس تذاكر ولا وش عندها ما اقول الا الله يوفقهم ويستر عليهم

اكثر بيت اردده اذا ضاق صدري

الله من هم بقلبي واخفيه ........... لا شك كثر الصبر يثر علي

اذا صار البال مبسوط وشفت احد من خوياي القريبين اردد بيت خلف بن هذال

سلام يا شيخ دعاني ولبيت .... وعقب السلام مصافح بالايادي

بيت الشعر اللي دايماً على لساني في كل وقت

لا ضاق صدري بازعجك واتصل فيك .... والله يعينك كل ما ضاق صدري

قال أبو سعيد - رضي الله عنه: دخل رسول الله - صلى الله

عليه وسلم - المسجد ذات يوم فإذا هو برجل من الأنصار

يقال له أبو إمامة فقال: يا أبا إمامة مالي أراك جالساً في

المسجد في غير صلاة ؟ قال: هموم لزمتني وديون يا رسول

الله قال: أفلا أعلمك كلاماً إذا قلته أذهب الله همك وقضى

عنك دينك قلت: بلى يا رسول الله قال: قل إذا أصبحت وإذا

أمسيت:
"اللهم إني أعوذ بك من الهم والحزن والعجز والكسل وأعوذ بك من الجبن والبخل وأعوذ بك من غلبة الدين وقهر الرجال"

يقول من عدى على راس عالي
رجم طويل يدهله كل قرناس

في راس مرجوم عسير المنالي
تلعب به الارياح مع كل نسناس

في مهمة قفر من الناس خالي
يشتاق له من حس بالقلب هوجاس

قعدت في راسه وحيد لحالي
براس الطويل ملابقه تقل حراس

متذكر في مرقبي وش غدالي
وضعقت بالكفين ياس على ياس

اخذت اعد ايامها والليالي
كم فرقت ما بين غالي وغالي

لوشفت منها ربح ترجع للافلاس
يقطعك دنيا ما لها اول وتالي

لو اضحكت للغبن تقرع بالاجراس
المستريح اللي من العقل خالي

ما هو بلجات الهواجيس غطاس
ماهوب مثلي مشكلاته جلالي

ازريت اسجلهن بحبر وقرطاس
حملي ثقيل وشايلة باحتمالي

واصبر على مر الليالي والاتعاس
وارسي كما ترسي رواس الجبالي

ولا يشتكي ضلع عليه القدم داس
يابجاد شب النار وادن الدلالي

واحمس لنا يابجاد ما يقعد الراس
ودقه بنجر ياظريف العيالي

يجذب لنا ربع على اكوار جلاس
وزله الى منه رقد كل سالي

وخله يفوح وقنن الهيل بقياس
وصبه ومده ياكريم السبالي

يبعد همومي يوم اشمه بالانفاس
فنجال يغدي ما تصور ببالي

وروابع تضرب بها اخماس واسداس
لاخاب ظني بالرفيق الموالي

مالي مشاريه على نايد الناس
لعل قصر ما يجيله ظلالي

ينهد من عال مبانيه للساس
لاصار ما هو مدهل للرجالي

مبرووووووووووك لك يا مشرفتنا الغالية عزووووووف للأنضمامتس قائمة اكثر مشاركة للاعضاء وعقباااااال ما تغطين على الاخواان الباقين

لو ضاقت الدنيا على راعي الطيب
يبقى شذى طيبه على الناس طايب

للغيم في صدر الثرى صوت ترحيب
والطيب هو فعلك ياراعي النجايب

اقتباس: المشاركة الأصلية كتبت بواسطة هبوب الريح    مبرووووووووووك لك يا مشرفتنا الغالية عزووووووف للأنضمامتس قائمة اكثر مشاركة للاعضاء وعقباااااال ما تغطين على الاخواان الباقين

الله يسلمك ويبارك فيك..

يرضى المذ له من تـردت هقاويـه

والذل يجفل منـه قلـب العصامـي

والعبد له ربٍ عـن النـاس يغنيـه

ولو لاه ماصاب الهدف كل رامي؟؟!!

قصرت وانا اسولف واقصد شي طااااااول

يوم ن يجي ويوم ن يروح والدنيا تركض ما ندري وش تاليتها

اليوم ضيقت صدر ولا شفنا احد ولا سمعنا اخبار جديده

شكلي بقعد اهيجن في ظلال المعشش ولا تشرهوووووون علي

اقروا واسكتوا ولا تقولون شي ........