▌ .. ماهوب كفو الوقت حبك يمحّيه ¬ • ياللي تخاف صروف الايام تمحاهَ ! ♥ [ مسآحة خآصة لَ محمدَ بنَ فطيسَ ] ‏

في القلب قصر ٍ للغلا وأنت بانيـه
،،،،،،،،،،،،،،،،،،،،،،،،،،،حراسه أشواقي وطيبة ظنوني


أظن بك ظـن الووفـا وأنت راعيه
،،،،،،،،،،،،،،،،،،،،،،،ياللي طيوفك في الغياب إسكنوني


أنا بدونك باقي العمر ما بيـه
،،،،،،،،،،،،،،،،،،،،،،،،،،هل تستطيع تعيش عمرك بدوني ؟؟

كـــل عـــام وأنـــت بـخـيـر يـامـحــرق الــــروح
،،،،،،،،،،،،،،،،،،،،،،،يــــالــــلــــي تـــــــــــــدور لـــلـــمـــفــــارق ســــبــــايـــــب

والله مـــالـــك مــــــن ورى الـــصـــد مــصــلــوح
،،،،،،،،،،،،،،،،،،،،،،إنـشــد خـفـوقـن مـــن لــضــى الــصــد ذايــــب


لك في الخفوق إقصور وديار وصروح

،،،،،،،،،،،،،،،،،،،،،،وش فــيــك عـنـهــا يــاهــوى الــبـــال غــايـــب

الــعــيـــد مـــــــن دونـــــــك مــتــاهـــات وجــــــــروح
،،،،،،،،،،،،،،،،،،،وشــوفـــك يــســـاوي الــعــيــد بـــيـــن الــقــرايــب

يشتاق لي مره وانـا عشـر مـرات
،،،،،،،،،،،،،،،،،،،،،،ويعطي وانا معطيه هيل بـلا كيـل

يا العقاب اللي على المشراف وسّع لي تراني

ضايقٍ من عام الاول وادهله قبلك وأدلّه

يوم ربي قد كساك بريش وش لك في مكاني

ماتخاف من العقوبه يـوم تاتيـه وتحلّه

دام لك جنحان وش تبغي بمشراف البيانـي

خل مشراف الفقير اللي بلا جنحان خلّه

ذا مكاني يوم رمح الغدر من حـرّه زوانـي

ما لختّالي علي حجـه وانـا سلـه ودلّه

وهو على ماقيل شمّاعة همومـي لا بلانـي

صاحبٍ ياكل يديه وهو على مذهب وملّه

لابديته ماحسد راع التـرف واهـل المبانـي

يحسبون ان فرقهم واضـح عليّ واقـول لله

سجّة في راس مشرافي وانا اغطرف الاغاني

والله انها في عيوني عن ميّة فنـدق وفلّه

فيه احس اني على احسن حال واني شخص ثاني

واتحلّل مـن حـرام الهـم لاجيتـه واحلّه

وذا مكاني عقب ماصبري على كبدي كواني

والله ان كني بعد فرقاه بيـن كفـوف ملّه

واحدٍ زلّه حشاي ومسكنه بين المحانـي

مسكنه بين المحانـي والحشـا والصد زلّه

قلتها له قبل لا وقتي علـى الشعـر يحداني

خايف مالله يتمم واعـرف ان فلان علّه

قال خل اشكوكك اللي تتـرك الـراوي ظمانـي

مايصيبك فـي جبينـك مـن خلقـك الله تشلّه

قلت ذا والله بلاي واشوف وش مدّة زمانـي

لايكون اللي كتب لي فارقه من غيـر زلّه

لا تضيـق مـن التشـاؤم واحتمـالات الأنانـي

خايفٍ اشرب بعد كاس النصر كاس المذلّه

قال وش تبغي بحكي الحزن والدنيـا فهاني

لاتعيّشنا زمـان الحـزن قبـل يحـل حلّه

قلت ماتدري وانـا الـداري بعاقبـة التمانـي

غير عاهدني وريّحني واشـل الحـزن كلّه

قال شفت الموت لو بيدي ماهو كفو لا خذانـي

بس لاتشره علي لو لبسونـي غصـب حلّه

قلت اجل وانا وفاي من الجدي حتى اليماني

مرتضـي غيـرك ولا اظنـه ولا ظنـي لابالله

قال اجل سلّم على روحك وانا كلـي تهانـي

يوم عرسك والله ان اهـل مجدولـي وافلّه

وراحت سنين التلاقي مشيهـا مشـي الثوانـي

ما درا عن سرّنا الا ظـل محبوبـه وظلّـه

غير حوّل يالعقاب وخـل مشرافـي ترانـي

ضايقٍ من عام الاول وادهله قبلك وأدلّـه

قلتها ماقصدي انه يقـال صح الله لساني

قلتهـا لعيـون مـن سبـب كتابتهـا لعلّه

فقد خاطري شـي ٍ مـن الضيقـه مسلّيـه
وغدت روحي من النـاس والليـل هجّاجـه

يحب الجريح آخـر دروب اللقـاء ويجيـه
وتحـب القـدم جيّـة مكـان اول مواجـه ..

في غيابك لـك محبـه ولـك شـوق وونيـن
وفي حضورك شف عيوني كلامـي مـا يفيـد

اقهـر الضيقـه بذكـراك مـن حيـن لحيـن
وانثر دموعي على الوصل مـن عيـد ٍ لعيـد

افتضحت مـن الهواجيـس بـك فالمسلميـن
كل من سولف علي قلت له وش قلت؟ ..عيـد

والله لون حمل صبري فوقك..ان تبرك
والله ولو تعتذر منـت بعلـى خبـري

ان ما جبرك الغلا ما اقدر على جبـرك
ياللي على ارض الوفا ما شبرك بشبري


تزعل وترجع وتلقانـي علـى خبـرك
وانا انكسر لك واجيـك ادوّر لجبـري

سلط على الحلم يازينه وياشينه == في تالي الليل قرب واحدٍ غالي

في القلب قصر ٍ للغلا وأنت بانيـه
حراسه أشواقي وطيبة ظنوني

أظن بك ظـن الووفـا وأنت راعيه
ياللي طيوفك في الغياب إسكنوني

أنا بدونك باقي العمر ما بيـه
هل تستطيع تعيش عمرك بدوني ؟؟

آبدآع^^

، .. ســـولفـــــوا .. ،؛،

سولفوا تكفون لا عاد تسكتون ..
.. قبل لا أهوجس وياتيني بلاي

السكات يزود طعوني طعون ..
.. وتنكسر لا جا على راسي عصاي

سولفوا لو ما بغيتوا اتسولفون ..
.. قبل لا اقعد في الحزن رايح .. وجاي

واضحكوا لو بالعماله تضحكون ..
.. وجاملوني لو يضايقكم حكاي

لي وليفٍ راح جعله ما يهون ..
.. هو دواي وداي .. أو داي ودواي

راح لكن طيف زوله في العيون ..
.. مرةٍ قدامي ومرة وراي

وإن سكتوا جا وهو طيفه يمون ..
.. رحت أهوجس له وأبين له ولاي

مكسب عيوني من الفرقا مزووون ..
.. تمطر لطاريه .. والبرق ؟ أصدقاي

كل ما طروه لو هم يمزحون ..
.. احرموني من غداي ومن عشاي

أدري إنه ما تناسى الود كون ..
.. تسمع إذنه في قفاي اللسن عداي

وكانهم قالوا نسيته يكذبون ..
.. وإلا أنا فيه أمتلك نظرة وراي

كان حبه لي على خبري مصون ..
.. والله ان كني بقدري .. وبغلاي

ذي بقايا الحب وأطلال الجنون ..
.. والله أعلم في ضميره وش بقاي

غير طيعوني ولا عاد تسكتون ..
.. ولا والله إن أسمعكم بكاااي