نسائم نسيم

البارحه يوم الخلايق نياما
،،،،،،،،،،،،،،،بيحت من كثر البكى كل مكنون
قمت اتوجد له وانثر علاما
،،،،،،،،،،،من موق عيني دمعها كان مخزون

ولي ونة ٍ من سمعها مايناما
،،،،،،،،،،،،،،،،كني صويب ٍ بين الأضلاع مطعون(اي والله)
والا كما ونه كسير السلاما
،،،،،،،،،،،،،،،،،،،،،خلوه ربعه للمعادين مديون

ولا فـ ونة راعبية حماما
،،،،،،،،،،،،،،،،غاد ٍ ذكرها والقوانيص يرمون
تسمع لها بين الجرايد حطاما
،،،،،،،،،،،،ومن نوحها تدعي المواليف يبكون

مرحوم ياللي مات شهر الصياما
،،،،،،،،،،،،،،،،،،،،صافي الجبين بليله العيد مدفون
حطوا عليه من الخرق ثوب خاما (ياحرام)
،،،،،،،،،،،،،،،،،،،،وقامو عليه من الترايب يهلون(هذاحال الدنيا)
مرحوم ياللي مامشى بالملاما
،،،،،،،،،،،،،،،،،،،،جيران بيته راح مامنه يشكون
اخذت انا وياه عشرة اعواما
،،،،،،،،،،،،،،،،،،،،مامثلهن في كيفة ٍ مالها لون
والله كنه ياعرب صرف عاما
،،،،،،،،،،،،،،،،،،وياحيلة الله شغل الأيام وشلون(مالك الا الصبر)

واكبر همومي من بزور ٍ يتاما
،،،،،،،،،،،،،،،،،،،لاجيتهم قدام وجهي يبكون(هذا والله الموت)
وان قلت لاتبكون قالواعلاما
،،،،،،،،،،،،،،،نبكي ويبكي مثلنا كل محزون
قلت السبب تبكون قالوا يتاما
،،،،،،،،،،،،،،،قلت اليتيم انا وانتم تسجون(عز الله ماكذب)

مع البزور وكل جرح ٍ يلاما
،،،،،،،،،،،،،،،،،الا جروح بخاطري مايطيبون(صحيح)
قمت اتوجد عند ربع ٍ حشاما
،،،،،،،،،،،،،،،جوني على فرقا خليلي يعزون
قالوا تزوج وانس لامه بلاما
،،،،،،،،،،،ترى العذارى عن بعضهم يسلون(االله من الحكي يقولون له يارجال الحريم واجد)طيب وين الحب والعشرة؟
قلت انا اخاف من غاديات الذماما
،،،،،،،،،،،اللي على ضيم الدهر مايسادون
تزعل عيالي بالنهر والكلاما
،،،،،،،،،،،وانا تجرعني من المر بصحون(ياحرام)

والله لولا هالصغار اليتاما
،،،،،،،واخاف عليهم من السكه يضيعون

لقول كل البيض عقبه حراما
،واصبر كما يصبر على الحبس مسجون
عليه مني كل يوم ٍ سلاما
،،،،،،،،عدة حجيج البيت واللي يطوفون(والله اللي يحبها)
واعداد مانبت النفل والخزاما
،،،،،،على النبي اللي حضرتوا تصلون(اللهم صلي وسلم عليه)

اقتباس: المشاركة الأصلية كتبت بواسطة نسيم    واكبر همومي من بزور ٍ يتاما ،،،،،،،،،،،،،،،،،،،لاجيتهم قدام وجهي يبكون(هذا والله الموت) وان قلت لاتبكون قالواعلاما ،،،،،،،،،،،،،،،نبكي ويبكي مثلنا كل محزون قلت السبب تبكون قالوا يتاما ،،،،،،،،،،،،،،،قلت اليتيم انا وانتم تسجون(عز الله ماكذب)

يارب جعلنا ما نذوق حرة هاليوم

نخاف من الموت ومانحب طاريه
ونحزن من علومه وما يصير فيه

بس هذا هو واقع لابد ان نرضى به وسوف نعيشه يوما مثل ما عاشه غيرنا

بس عسى الله يرحمنا ويثبتنا عند المصيبه
ــــــــــــــــــــــــــــــــــــــــــــــــــ ـ
سلم الله يمينك يا نسيم

اقتباس: المشاركة الأصلية كتبت بواسطة نسيم    مع البزور وكل جرح ٍ يلاما ،،،،،،،،،،،،،،،،،الا جروح بخاطري مايطيبون(صحيح) قمت اتوجد عند ربع ٍ حشاما ،،،،،،،،،،،،،،،جوني على فرقا خليلي يعزون قالوا تزوج وانس لامه بلاما ،،،،،،،،،،،ترى العذارى عن بعضهم يسلون(االله من الحكي يقولون له يارجال الحريم واجد)طيب وين الحب والعشرة؟ قلت انا اخاف من غاديات الذماما ،،،،،،،،،،،اللي على ضيم الدهر مايسادون تزعل عيالي بالنهر والكلاما ،،،،،،،،،،،وانا تجرعني من المر بصحون(ياحرام) والله لولا هالصغار اليتاما ،،،،،،،واخاف عليهم من السكه يضيعون لقول كل البيض عقبه حراما ،واصبر كما يصبر على الحبس مسجون عليه مني كل يوم ٍ سلاما ،،،،،،،،عدة حجيج البيت واللي يطوفون(والله اللي يحبها) واعداد مانبت النفل والخزاما ،،،،،،على النبي اللي حضرتوا تصلون(اللهم صلي وسلم عليه)

ياليت كل الرجاااااااااااال مثله ويدرون عن قيمة الوفاء

اقتباس: المشاركة الأصلية كتبت بواسطة احلام وردية    يارب جعلنا ما نذوق حرة هاليوم نخاف من الموت ومانحب طاريه ونحزن من علومه وما يصير فيه بس هذا هو واقع لابد ان نرضى به وسوف نعيشه يوما مثل ما عاشه غيرنا بس عسى الله يرحمنا ويثبتنا عند المصيبه ــــــــــــــــــــــــــــــــــــــــــــــــــ ـ سلم الله يمينك يا نسيم

تسلم روحك والحاضرين يا احلام وردية.
امين جعلنا مانشوف هاليوم ـانا مار مانيب احب طاري الموت ابد الله يبعده .

اقتباس: المشاركة الأصلية كتبت بواسطة احلام وردية    ياليت كل الرجاااااااااااال مثله ويدرون عن قيمة الوفاء

الوفاء يابنت الحلال ماهوب عند الناس كلهم للاسف الشديد لكن فيه رجال عندهم وفاء وفيه رجال يتمنون يكون عدهم وفاء لكن الوفاء خصلة ومقاسيم من الله سبحانه .
مار الله يجعلنا واياكم من الوافين يا اخت احلام وردية.
اشكرك جزيل الشكر على كرم حضورك ،حقيقة وسعتي صدري اي والله.