أرشيف النشرات الجوية للخبير الجوي ( نــســيــم )

اقتباس: المشاركة الأصلية كتبت بواسطة قابوس تمير    تأأأأمر امر .. وش اخبارك انت عساك طيب

والله ابشرك طيب ولا ينقصنا الا شوفتكم ياقابوس.شف كانك تبي تجي هالسبوع علمني خل ابولم العدة ونظهر للدهنا ونوسع الصدر.

اقتباس: المشاركة الأصلية كتبت بواسطة Alfa166    . . . مرحباا نسيم كيف حالك واحوالك ومالك بخير ... عساك مرتاح يوم شفت الخرايط انشرح صدري ... وش رايك بهذا الكلام " نظرا لنمو ظاهرة النينو هذا العام 2009 الى 2010 وظاهرة النينو لمن لايعرفها هي احترار سطح المحيطات وبالتالي يصاحبها عملية تبخر الماء بكميات هائله وهي من صالح الجزيره العربيه باذن الله تعالى طبعا في حالة توفر الظروف والله المسبب وهذا الظاهره تتكون كل فتره وعكسها ظاهرة النينيا وهي برودة سطح المحيطات وشاهدنا السنوات القليله الماضيه الجفاف الحاصل بجزيرة العرب وقلة الامطار صاحبها ظاهرة النينيا "

مرحبا الفا ،وينك غاطس فيه معد شوفك ولا حس ولا خبر.منول معودنا تجيب القصص التاريخية الجميلة وهالحين معد لك ضيح.
ظاهرة النينو قد حصلت عام1418 هه وان شاء تتكرر السنة هذي .على العموم هي تعتبر مثل الدورة في شرق اسيا وهي كثرة الفيضانات والامطار الغزيرة بمشيئة .في الموضوع السابق ذكرناه ولم نتكلم عنها لكن انت كلك بركه وفيت وكفيت يالفا.
تحياتي لك نسيم

اقتباس: المشاركة الأصلية كتبت بواسطة » اِلـَوَفْآءْ بـِنْـتْ    ,’ سلمت يمينك أخي نسيم ... والله يغيثنآ بالمطر ولايحرمنآ كل التقدير

تبقين يالوفاء .الله يقبل دعاك ويحرم من جابك عن النار.

اللي يتضح لنا اليوم من مشاهدت صور الحركة ان هناك دخول منخفض جوي متوسطي وايضا استوائي .دخوله للمملكة امس كما ذكرنا ه.
الان هناك منخفض غرب جنوب المملكة استوائي عميق نتوقع دخوله للمملكة ومشاهدته في وسط المملكة خلال الثلاث ايام القادم بمشيئة الله تعالى.ايضا بداية تكون الاعاصير على بحر البحر ويكون تأثيرها على عمان واليمن وجنوب المملكة واذا كان من الاعاصير القوية سوف نتأثر به في وسط المملكة وجنوبها بحول الله.
تحياتي للجميع نسيم
لاتنسون صلاة الاستسقاء غدا .

أي والله ...
صلاة الاستسقاء ...

ولا تحاليك مجرد .. توقعات لا تسمن ولاتغني من جوع ...!!

الله يجيب الخير .. لبلاد المسلمين

عوافي نسيم الخير ..

الحقيقة أنت تقوم بجهد جبار في هذا الصرح ، ولا ينكره إلا جاحد .. !!

لا نستطيع ان نوفيك حقك من الثناء ..

وعسى الله يرحمنا برحمته ..

اللهم اغثنا
اللهم اغثنا
اللهم اغثنا

واصل يا نسيم ، وعسى الله يوفقك ..
وتأكد بانني من أشد المتابعين لهذه النشرة الجوية التي تميزت بها ..
فأصبحت ماركة خاصة باسمك ..

شكرًا لك من الأعماق ،،

,’
عوفيت أخي نسيم ع هالنشرة اللي ع قولة المهند "لا تسمن ولاتغني من جوع "
آجل يوم الجمعة معي مضلتي وبالحوش انتظر هالمطر وآخر شئ عجعج ع خفيف
جزاك الله خير ع التذكير بالصلاة .. والله يغيثنآ ولايحرمنآ
كل التقدير

اقتباس: المشاركة الأصلية كتبت بواسطة المهند    أي والله ... صلاة الاستسقاء ... ولا تحاليك مجرد .. توقعات لا تسمن ولاتغني من جوع ...!! الله يجيب الخير .. لبلاد المسلمين

ياخوي مره تحطيم يالمهند ههههههه
ياخوي اجبر بخاطري منول ناوي انزل 4نشرات يوميا لكن بعد كلامك هذا 2بس جزاء لك وردع لامثالك.
تسلم يالمهند

اقتباس: المشاركة الأصلية كتبت بواسطة ولد أبوه    عوافي نسيم الخير .. الحقيقة أنت تقوم بجهد جبار في هذا الصرح ، ولا ينكره إلا جاحد .. !! لا نستطيع ان نوفيك حقك من الثناء .. وعسى الله يرحمنا برحمته .. اللهم اغثنا اللهم اغثنا اللهم اغثنا واصل يا نسيم ، وعسى الله يوفقك .. وتأكد بانني من أشد المتابعين لهذه النشرة الجوية التي تميزت بها .. فأصبحت ماركة خاصة باسمك .. شكرًا لك من الأعماق ،،

مانيب والله مخليكم دامني حي لكن بشرط ياولد ابوه لاتسوى مثل ذاك اليوم يوم تنطل الرسالة علي بدون سلام وكلام ،وبعد ولد العز اللي مايخلي الناس في حالها .

تحطيم ...!!!

الظاهر أنك تسمع بها ولاشفتها ذا الكلمة ... هههههههههه