●• خزآمىَ الصَحآرى « للشعْر والخَوآطرْ !

دخيل ذاك المهنّد والحجاجيني
،،،،،،،،،،،،،،،،،،،،،،،،،،،،،،،،،،،أرفق بنفسك وعاملها على هونك

وخذني معك وين ماتبغى توديني
،،،،،،،،،،،،،،،،،،،،،،،،،،،،،،،،،،،،انا تحت طاعتك والقلب مرهونك

اسمعك واقل كلمه منك ترضيني
،،،،،،،،،،،،،،،،،،،،،،،،،،،،،،،،،أن قلت يامرحبا وأن قلت وشلونك

واحيان صمتك ونظراتك تبكّيني
،،،،،،،،،،،،،،،،،،،،،،،،،،،،،،،،،،،،،فيها كلامٍ يفوق الكحل بجفونك

انتِ مقر الحلا ياشيخة الزيني
،،،،،،،،،،،،،،،،،،،،،،،،،،،،،،،،،،،والغيد بالزين تقصر كلها دونك

حذر من عدوك مرة ومن صديقك الف مرة
.......................فلربما انقلب الصديق عدوا وهو اعلم بالمضرة

مليّنا الأحلام والواقع وصل حده
...................... غادين والصـــدق مثل أصــواتنا غادي

بوقت من البطا و بليل تتراقص شياطينه
بعد شفت الضيا ينزع من ثياب المسا ثلثين

تحايلت المنام اللي مثل بيتك تمرينه
و انا اللي من تفارقنا و أنا ما غمضت لي عين

غريبة كل حلم يمر برقادي تزورينه
و الأغرب كيف أحلم الحلم و ارجع و احلمه بعدين؟

قبل يومين شفتك بالمنام .. و قمت من حينه !
ونمت أمس ، ورجع نفس المنام اللي قبل يومين

أنا اللي قبل اسافر شلت قلبي من شرايينه
تركته في يدك مثل الأمانه ، و احفظيها زين

ترى حفظ الأمانه دين .. مجبورة تردينه
أجل ، ما فيه أحد قد قال لك ( حفظ الأمانة دين )؟!

مرد المقفي بيلفي ..و يستوفي ، و توفينه
بعد ليله ، ثلاثه ، أربعه ، عشره ، شهر ، شهرين

إذا انتي ، ما انتي بقد الكلام اللي تقولينه
حرام .. استامنك حاجة ، و إذا جيت اطلبك تنسين

تخونين ، و تبين أرضى .! و أحد يرضى تخونينه !
أنا لاجيت أخونك ، مع حبيبة ثانيه ، ترضين .؟

من أول ما رجعت من السفر ماشفت لك بينه ؟
وأنا اللي كنت أحسبك قبل ادوس ارض المطار ..تجين

تكونين أنتي أول شخص عيني تحتضن عينه
و كنت أتخيلك من زود فرحة رجعتي ..تبكين

وأشوف بدمعتك حكي .. وأعرفه قبل تحكينه
واجيب أحلى من اللي بتحكينه ، و أتركك تحكين

تقولين :الوطن نور .. وأقول بنور مضوينه
تقولي لي : غديت أحلى ، و أقول : عيونك الحلوين

كلام نام بشفاهك ..و خفتي لا تصحينه
ذخرتيه لغرام اللي ينام ..و يتركك تصحين

تغانمتي غيابي .. لين رجحتي موازينه
تعلم من يدك لمس الكفوف و علمك تجفين

و ليتك لاقية به شي .. فيني ما تلاقينه !
مهو بغرور ..لكن خابرك ما لك أمل تلقين

تغافلك بغلا ..و الإ الحلا مهو بمن زينه !!
تزينه الصور ..بس الصحيح ابن الحلال زوين

و أنا ماني بناقص عنه يوم أنك تبدينه
نصيبي ..هو نصيبي لو يسددها من الصوبين

قنوع بمظهري ، والسم ما يذبح ثعابينه
على قول المثل (ماني حلو..ولكن ماني شين )

إذا أهداك الزهر مره ، فأنا اهديتك بساتينه
وإذا ألهاك بفرح ليله، فانا تهت لبكاك سنين

و إذا استضعفتك أملاكه ... و شتتك ملايينه
أنا حتى فتات الخبزة أقسمها معك نصين

طموحي ، بس أجي و أظفر بشي تستحقينه
تدينته ..تسلفته ..سرقته ..مو مهم منين

كأني من كثر ما ارضى بكل اللي تمنينه
لو انك تطلبين الله ..يعنيني ،بقول آمين

أنا ما العب على الحبلين ، وقت الطيش و سنينه
تبين الحين يوم اني كبرت العب على الحبلين ؟

ترى عند البدو بالذات عيب اللي تسوينه
حلاتك لا عشقتيني ..تعشقيني ليوم الدين

غرام نسكن ضلوعه .. حشيمه من مجانينه
جفا يجمع معزتنا .. ولا عشق يذل أثنين

كثار اللي تحدوني وقالوا لي : تحبينه
امانه ...لا تخليني صغير بعينهم تكفين

لاني كل ماقالوا (تخون).. اقول : مسكينه
عليك الله أمانه .. علميهم من هو المسكين

أنا خايف ليا (طاح الجمل تكثر سكاكينه )
و أنا ما عادت ضلوعي تحمل طعنة السكين

مثل ماقالوا المكتوب واضح من عناوينه
لو ارحل منك للغربه باسافر من ظلامك وين؟

كفايه .. كل حلم يمر في رقادي تزورينه
كفاية .. من تفارقنا ..وأنا ما اغمضت لي عين

قبل يومين شفتك بالمنام و قمت من حينه
ونمت أمس ، رجع نفس المنام اللي قبل يومين

الكراسي مصدر افراح ومآسي !

حيــــاتك أنفـــاس تــعد فـــكلمــا
.................. مضى منها نفس انقضت به جزءا
فتصبح في نفس وتمسي بغيره
.................... و مـــالك من عـقل تـحس بـه رزءا

ما بقى لحزن في غيري بقايا
....................كل حزن صار في قلبي محله

خذني معك لا صير جسم بلاروح!

الحب ياليتنا ماعــــــرفناه
الحب سقما القلوب السليمـــة

من صابه الحب ياما اصعب دواه
قتل رجال العصور القديمة

ياسيد الحسن عندنا لك جاه
وايضا مع الجاه حشمة وقيمــــة

اللي نحبة نبي نتبع رضـــــاه
اللي على سيرة مستقيمـــــة