نسائم نسيم

منول اقول اني مخترق ،واقول اني منظول والظاهر انها حصلت.
وضع غريب !!!!!!!!!بشر متغير مثل عقارب الساعة ماله خانة ثابته وخصوصا عقب العصر هذا من الساعة 4وانت رايح،يجيك تعرضات ومشاكل ،وسبحان الله انا موفق بعقب العصر اذا ماقيلت ذاك اليوم مايروح الا وانا مضوي مصيبة .
مدري ان العصر هذا يجي مخ الانسان نوع من المس،او ان هناك غدد تفرز بكثافة او خلل عصبي مع نهاية وبداية يوم جديد مدري!!
انا لي خمس سنوت ماقد دخلت المنتدى الا بعد منتصف الليل ويكون الوضع جميل وانا شبعان نوم ومن قو الراحة يجي صوتي مثل الحرشه ،ونفسيتي تمشي على محرك واحد!!!!!!!!!!
عقب العصر هذا مافيه خير ابد حتى النافلة فيه لاتجوز على ما اظن وقت نهي.

اقتباس: المشاركة الأصلية كتبت بواسطة عصي الدمع    . أشوف النوم عيا لا يجيني .. حرب عيني ولا ادري وش علامه .. . . تركتني حيران صباً هائماً .. أرعى النجوم و انت في عيش هني .. . . صباح الخير .. . نسيم .. الحياة ماهي على الكيف .. و ليس كل ما يتمنى المرء يدركه .. و لك من عمرك القدر .. . و كل هالتنظير عارفينه و مؤمنين به .. . لكن ليش ما يخلونا نعيش بالكيف على كيف بدون كيف و ليه و وشوله ؟ .. . احيانا تضطر للتنازل عن رغبات .. مشروعة .. بسبب .. رغبات ناس .. غير مشروعة .. . هل بيجي يوم يتغير الكيف اللي حنا عايشينه ..؟ . نحن نعيش في مجتمع مبادئ بلا عمل بها .. مجرد قيود للي مثلي و مثلك .. يناشدون الحرية و التحليق في فضاء الكيف .. بدون ازعاج .

انا يا اخي ويا حبيبي عصي الدمع عندي قناعة تامة وايمان لايهزه زلزال ولابركان ان الناس بين ثنتين من حب تكلم ،ومن ابغض تكلم،وكل انسان يذكر ما واجه.
لكن هل هناك منصفين؟ابداً لا ،نقيس دائما بالفائدة والمصلحة ونقيس بمدة الصلاحية، نظرة ياخي سطحية محدودة لا تتجاوز خطوة القدم .
ودائما نظرتنا نظرة سلبية على طول نقول وش يقصد؟واللي اعظم منها قمنا نحلل اللي في قلبه ماهوب اللي نسمعه لا، القلب وش ناوي يقول؟صرنا عباقرة تطورنا ،معد هيب لحية خط كتبناه وخلاص ياعصي الدمع!!!!!!!!!!!!!
يعني حنا محناب اطيب الناس ولا انزهم لكن على قول المثل سدد وقارب ،وحاول ان تكبح النفس الشريرة التي بداخلك لو ساعة في اليوم.
تعلم كيف تخاصم ،تعلم كيف تصبر على الاذى،تعلم لو بالحكي وخلك على شغلك من خبث وحقد في الخارج ،جرب كيف تكون انسان سوي يمكن تصلح لك وتجوز لك وتستمر عليها وتصبح انسان صالح وانت مادريت، لكن تجيب معك خرابتك وقشك المتهالك وسمومك وتبثها بين الناس وتحرقهم ،شي فضيع يوقف شعر البدن.

.
ابن ادم مجبول على الخطيه .. و باب الرحمة و التوبة مفتوح في ما عظم من ذنب ..
و الله ارحم بعباده من عباده ..
.
قد يرى من يقرأ كلامي و كلامك اننا ندعي الكمال و اننا ملائكة باجنحة بيضاء .. و هذا والله محال ..
فادعاء الكمال نقص .. و لكن السعي اليه .. كمال ..
.
انت فتحت لي منفذ خطير نعيشه سويا .. و هو عملية التصنيف .. هذا رجال .. هذا رخمه لايهمك .. هذا ما فيه خير
هذا مطوع .. هذا داشر .. و هذا و هذا و هذا ..
السؤال : من اعطاك ميزان و مقياس التصنيف ؟؟؟ ..
.
والله فيه ناس تجد في التعامل معهم راحة و طمائنينه .. الدنيا عنده سهاله و الناس واحد .. يسمع لك و تسمع له
تاخذ منه و تعطيه بدون منة ولا شين نفس .. على ما قال .. يشيلك و تشيله و النفس صافيه و زينه ..
.
و فيه بشر ادناة هفوة منك .. تكفر ..
و حط في بالك انك قبل هالهفوة في تصنيف غير تصنيف بعد الهفوة .. اللي في تفكيره انها هفوة ..
.
مثال بسيط جدا ..
انسان يلبس نظارة شمسية .. بغض النظر عن الاسباب ..
هل هالعمل هذا يزيد من قدره او ينقص ؟؟ ..
.
للاسف فيه ناس يرون انها .. مياعه .. بياخه .. استعراض ..
لو تدور السبب الحقيقي .. لقيته ان وده يلبس بس ما يقدر ..
وده يسوي مثل اللي حاقرهم بس ما يقدر ..
.
تعبت .. المشكله ان عداد الصور يمشي قدامي وكل ما ذكرت عينه طق الامبير ..
.
ما نبي شي .. نبي نعيش في سلام داخلي ..
حنا في نعمة و بخير .. ولا احد قاصره شي ..
فمثل ما انت ما تبي احد يجي حول قرصك .. لا تجي حول قرصي ولا قرص نسيم ..
.
خلونا نعيش ايام .. الهوى .. بسلام .. والله ملينا من التنغيص ..
.
استغفر الله العظيم ..

اقتباس: لكن ليش ما يخلونا نعيش بالكيف على كيف بدون كيف و ليه و وشوله ؟ ..

بديت اشك ان نسيم ليبي وابو الدمع مصري خخخخخخخخخخخخخخخخخ

شر التماسيح تبي تدري وصامل !!!!!!!!!!!!!!!!!!!!!!!

ترفق علـى قلـبٍ تلـوع وذاق الويـل
،،،،،،،،،،،،،،،،،،،،،،جفاه الزمـان وصابـه اليـوم ماصابـه
حدتها الليالـي دوم مـن مسهـا بالكيـل
،،،،،،،،،،،،،،،،،،،،،نصيبه عـزاه وزوده الهـم يشقـى بـه
عقب ما إرتبط حبل الهوى وإنعقد بالحيل
،،،،،،،،،،،،،،،،،،،،هقيت العواصف ماتهـزه وتقسـى بـه
مع الصاحب اللي طاوع القال وأهل القيل
،،،،،،،،،،،،،،،،،،،،،قطع حبال المـوده والقلـب قطـع بـه
غريرٍ غشيـمٍ نزوتـه طلعـت الموديـل
،،،،،،،،،،،،،،،،،،،،بحبـه هـواه يهـواه طمـا فاتـحٍ بابـه

لعنبو هالدنيا مافيها خير،اجل انا يصك علي في المدونة ويقال لاتطلع منها شهر!!!!!!!!!!!!!!!!!
ناظر بعينك ولاتقرب لين نشوف امرك.

كلمة فيها عتب وفيها ندم وفيها حزن ،اعبر بها عن خوافي ضميري ،صوتي انبح وانا قول اسمعوا لكن للاسف الصوت لايصل والا ذن لاتسمع والقلب عليها مثل قفول البنوك!!!
اسفي يامخاوي تمير على ذيك الليالي الباردة،يوم انك تقول تعال واقول سم وابشر!!!!!!!!!!
توسع النطاق العمراني والتطور هدم البيوت قديمه والدركتر حاس جداره وقض الطايه ،
على الاقل البيوت القديمة لها ماضي ولها معنى يربط بهذا الحاضر ليه تحكم عليها بلاعدام،حافظ عليها ترى الزمن دوار .

مخاوي تمير ،،
الشاة تعلم بان الذئب يأكلها ,،،،،،،،، والذئب يعلم بما في الشاة من طيب

وما زالت الشاة شاة والذئب ذئب

رغم النظارة الوردية المزيفة

وما زال الراعي الفطن وحده فقط يملك دحر قانون الغابة

وما زالت الشياه التي تلبس تلك النظارة تقع وتورط غيرها بالوقوع

للاسف طبعا.

عصي الدمع ،،،،،،مش بوزك على قولهم ،تبي حريتك الشخصية احلم ،احلم،احلم..............!!
وتبي تعيش ايام الهوى في راحة وسلام ،ياخوي فيه واحد ماهوب يم الناس من بيته لعمله ومع بزوره ماتركوه ،،وش قالوا،،،،،،قالوا هذا وش عنده؟
في بيته دايم!!!!!!!!!!!!!!
انا مانيب طالع من المدونة ابد من اليوم اقامة دائمة الى ان يقضي الله امرا كان مقضي على قول اخو يوسف عليه السلام(فَلَمَّا اسْتَيْئَسُوا مِنْهُ خَلَصُوا نَجِيّاً قَالَ كَبِيرُهُمْ أَلَمْ تَعْلَمُوا أَنَّ أَبَاكُمْ قَدْ أَخَذَ عَلَيْكُمْ مَوْثِقاً مِنْ اللَّهِ وَمِنْ قَبْلُ مَا فَرَّطتُمْ فِي يُوسُفَ فَلَنْ أَبْرَحَ الأَرْضَ حَتَّى يَأْذَنَ لِي أَبِي أَوْ يَحْكُمَ اللَّهُ لِي وَهُوَ خَيْرُ الْحَاكِمِينَ)

انا وش مطلعني من مدونتي ؟
وحنا مقبلين على عقب العصر وهذا وقت مانيب احبه واسمه حزة المشاكل.دواه النوم وانا نسيم.
نراكم على خير ان شاء الله