●• خزآمىَ الصَحآرى « للشعْر والخَوآطرْ !

ماكل من كتب عن الحزن مجروح
ولا كل من كتب غزل ... هو عاشق

مجرد خواطر تجي ع البال وتروح
عادي ارسل عن الحزن والبال رايق

‏وجودك يخلق فيني حب الحياة وأنت الحياة اللي أحبها💕

‏لو قسى قلبي، ترا قلبي حنون
‏أي كلمه منك ممكن تخجله
‏.
‏بس حذرك هالمحبه لا تهون
‏الوفي لا راح صعبٍ توصله

رأيــت ُ الدهـر َ مختــلفـا ً يـدور ُ
فــلا حـزنٌ يـدوم ُ ولا سـرور ُ !

وقـد بــَـنَــت ِ المـُلوك ُ بـه ِ قــُصـورا ً
فـَـلم تــبـَـق َ المـُـلوك ُ ولا القـصور

‏أنت لي كل الفرح وأنت لي أجممل شعور

لك قلب له مع الطيب وقفات
..............وبين الضلوع الحانيه قلب صافي

إذا المرء لم يلبس ثيابا من التقى
........... تقلب عريان و إن كان كاسيا

الغايب اللي عن مدى الحسّ ما غاب
إن غاب صوره.. كان بالقلب موجود

جيتك تسابق نظرتي رجفة خطاي

...................ما غيرك احد ٍ في حياتي هويته

قلبك على شط الهوى صار مرساي
..................ونبض المحبه من عروقي رويته

لوّك رميت هموم الايام بحشاي
.....................ما والله اسأل عن هموم ٍ رميته

ولوّك عزفت لآخر ضلوعي الناي
.....................برقص فرح لو مهجة القلب ميته !

ولوّك عرفت اشصاربي حزة اقفاي
....................يمكن تعذر القلب مما شكيته

ولو ابعدتني عن مواصلك دنياي
.....................تبقى عديل الرّوح مهما جفيته

لا لا تقول انّي عن الود نسّاي
.....................ينساني الله كان حبك نسيته

انت الحبيب وشوفتك اصدق مناي
......................وانت القريب اللّي بروحي فديته

وانت اللّذي لو عانقتني من اقصاي
.......................ذكرى رسومه هل دمعي وجيته

بعضك يخالط طاهر الريق بشفاي
......................نشرب بعض وليا ظمالي ظميته

والبعض الاخر ساكن ٍ داخل احشاي
.......................بين الضلوع ونبض الاعماق بيته

اعلمك يا صاحبي ليه انا جاي ؟

......................حسيت قلبك يحتريني وجيته !!

ــــــــــ

كلن يقول أن الوفاء صعب نلقاه .
و أنا أقول أن الوفاء فيك مخلوق