سواليف الضحى العااااالي

يـاراعـي الـبـاب الحـديـد انتهيـنـا
وان كان جيتك صك فـي وجهـي البـاب

تسـري بطـارك وانـت تكـذب عليـنـا
وحطيت طارك لـك عـذر وانـت كـذاب

ان قلـت مـن ذا قلـت غالـي عليـنـا
وذا من جماعتنـا وهـذا مـن اصحـاب

لاتحسبـنـا فــي هــواك ابتلـيـنـا
تتحطنـا لـك خيشـة مـن ورى البـاب

يـامـا عـلـى جمـعـاك اول بكيـنـا
واليـوم لا والله انـا خـاطـري طــاب

مـا عـاد يمـديـك التخـفـي دريـنـا
نحسبك مخلـص وانـت خايـن ولعـاب

بعـنـاك مجـانـي مــع الخاينـيـنـا
وشرواك ياحرف العين ما نحسب له حساب

احـرص علـى قـل المعرفـه قضيـنـا
ولـو ان ببيتـك مسجـد وفيـه محـراب

بالامس كان يمدح ويقول اعزك واحترمك وتراك غالي على قلبي

واليوم يتكلم فيك ولا يرد عليك هدف حاطه هو ووصل له وبعدها سحب عليك وياليته

خلاك في حالك يسبك عند الناس ولا كنه يعرفك

ناس مالها ضمر لكن بيجي يوم لاينفع مالا ولا بنون الا من اتى الله بقلبن سليم

هم على بالهم امراء وشيوخ لكن ما درى عنهم الا شخصين ويالينت الشخصين اللي دارين عنهم لهم كيان في المجتمع

بالعكس واحد يتخفى خلف الستار والثاني مريض نفسي اللهم لك الحمد والشكر يحب نفسه اكثر من غيره

النيه الزينه والصدق مع الاخرين هذه مفاتيح السعاده .. غير من سياستك للافضل تعيش مرتاح اكثر

الفقر مب عيب لكن العيب اللي يسرق

الناس الان اصبحت طبقاات لكن المشكله اللي ما عنده شي ويلاحق الناس اللي مو من مستواه

غثه الدين وصار فقير ... اركد على عمرك ولا تطالع فوق ينخنع راسك وطالع من هو ادون منك تعيش مرتاح البااال

اصبحنا واصبح الملك لله الواحد القهار

خفت النفس زينه في بعض الاحيان واثقل ايضاً زين في بعض الاحيان

وخير الامور وسطها ... خلك متفائل يوميا ولا عليك من احد

زمانك لو صفالك لك يوم فلا تحسب صفالك دوم

وعينك لا هنتت بالنوم ترى الايام غداره

ولاني امس مثل اليوم اكرر ونتي اقوم

واقول العاشق المحروم نعم ما تنطفي ناره

انا لولا الحياء واللوم لاوضح ماجرى معلوم

واقول لعاذلي ياقوم فؤاذي باحت اسراره

نهاري ولوله وهموم وليلي يا حبيبي حلوم

انا اللي في الهوى مظلوم على خل بعد داره

وهذا الحظو المقسوم اقضي العمر يوم بيوم

ودكتور الشقا معدوم وقلبي ولعت ناره

وعن حبك نويت الصوم ولاني ملك لك محكوم

وجنسك بالعرب معدوم لاشك النفس محتاره

طوينا صفحة الماضي وتبنا
خذينا اللي كفانـا وانتهينـا

وعن قولة نبي نصبر تعبنا
وعن من لا يراعينا سلينـا

نبي نسلا من الحب ونشبنا
عذاب الحب مكتوبٍ علينا

نهاية حبنـا ياسـه غلبنـا
ولكن يا زمن وش في يدينا

لحبك يا بعد روحي شربنا
وتكسر كاس حبك في يدينا

مسكين يا هبوب الريح

اليوم ناوي اخربها قصائد غزليه



افتـحـي صفـحـة جـديـدة يـــا مـــلاك"
"وانسـي الـي فاتنـي ابـدا مـن جديـد
دام قـلـبـي يـحـتـرق مـاقــد نــســاك"
"والمشـاعـر فــي هـــوا حـبــك تـزيــد
مـاكـفـاك انـــي عـلــى درب الـهــلاك"
"انــزف الـدمـعـة كـمــا نـــزف الـوريــد
دام قـلـبـي يـحـتـرق مـاقــد نــســاك"
"والمشـاعـر فــي هـــوا حـبــك تـزيــد
مـن عذابـي بـس افكـر فــي رضــاك"
"وانتي احساسك عن احساسي بعيد

ايييييييييه يالسخونه اذا جت الواحد هدته مرره

ابن ادم مشكله اذا صار صاحي ما فيه مثله

واذا سخنته ينهد حيله ويجيه الوسواس مدري ليش ؟؟؟؟

الحركه بركه ...... لاتجلسون تكبرون الوسايد ترى القعده مافيها خير

لرجاجيل .. اقول شدوا حيلكم وتحركو وتنشطو من الصبح وترزقوا الله (( بوركى لأمتي في بكوريها ))

اما الحريم.. ترى حركتكم في البيت رياضه تساعدكم على تنشيط الدورة الدموية وتنشط القلب وتمنع السمنه وتعطي جسم رياضي


يا حليلك هبوب الريح مسوي فيها اخصائي تغذيه هههههههههه