كلمه من عندي وبيت شعر من عندك

حـــــــــان الـــــــــوداع ولابــــقـــــى لــلــعـــتـــب دور

الله لــــــنــــــا وفــــــجــــــوج ربــــــــــــك وســــــاعـــــــي

دام الــزمــالــة مـــاهـــي احـــســـاس وشـــعـــور

مــالــلــزمـــالـــة بــــــعـــــــد هــــالــــيـــــوم داعـــــــــــــي

قــلــبــي عـــلـــى الـمـقـفـيــن مـــاهــــو بـمــقــهــور

مـــــــن بــــــــاع لــلــعــشــرة مــصـــيـــره يــبـــاعـــي

لا تــعــتـــذر مــــــــادام صــاحـــبـــك مــــســــرور

الـــلـــي عـــلـــى شـــانــــه بـــذلــــت الـمــســاعــي

يــبــقــى رفــيــقــك وانـــــــت بـالــفــعــل مـــعــــذور

يـمـشــي عــلـــى مـاقــلــت وامـــــرك مـطــاعــي

دامـــــــه عـــلــــى مــاقــيـــل مــنــهـــي ومـــامــــور

بــــــدري عـــلـــى شــــــرواك لـــويــــت ذراعـــــــي

فـنـجـالـك الــلــي ســقــت مــــن يــــدك مـنـثــور

لاصــــــــــــار مــــنــــتــــه لـــلـــزمـــالـــه مــــــراعــــــي

مــــــن يـــخـــدم الانــــــذال مـــاهــــو بـمــشــكــور

ومــــن يــــزرع الـصـبـخـا جــــداه الـضـيـاعــي

تـــــــــوّي لـــقـــيـــت لـــعـــلّـــه الـــــنـــــذل دكـــــتـــــور

الــبــعــد عــــــن شـــوفــــه يـــزيــــل الــصــداعـــي

مــافــيــه داعــــــي يـنــفــضــح كـــــــل مــســتـــور

عـيــنــي تــشـــوف الـــــدرب والـقــلــب واعــــــي

نـــــــور الـحـقـيــقــة بــــــــان والــعـــلـــم مــخـــبـــور

شــفـــت الـســبــاع وشــفـــت روس الأفــاعـــي

مـــا كـنــت اصـــدق فـيــك يـاضـايـع الـشــور

دايــــــــم وانــــــــا دونـــــــــك مـــكـــثّـــف دفــــاعـــــي

افلح ... قبل يضربك رمحي على الزور

والــــحـــــق خــــويـــــك يــاحــلـــيـــب الـــمـــراعــــي

عــيــن بــكـــت فــرقـــاك تــحـــرم مـــــن الــنـــور

لاتــنــتـــظـــر بـــــعـــــد الــــــــــوداع اجــتــمـــاعـــي

العذاب

كفاني عذاب الله يجازيـك بأفعالـك
جرحت الضَّمير ولا طرا لك تِداويني


الهناء

وهذه قصيدته الهناء المستحيل

على الفال القديم ومنتهاه ومرحلة مبدآه
00000000000000000000000ياليت العمر يرجع واختصر فيه أجمل سنني


بدت رحلة عذابي مع بدايات أول المشهاه
0000000000000000000000000أنا وشلون أطيب وجمرة الحرمان تكويني



بدون حدود أسافر والمدى مل الرحيل وتاه
000000000000000000000غريب أطوار في وجه المدى ضاعت عناويني



مشيت بعزم واعن المسير وجيت بالمثناه
0000000000000000000000هقيت أنى تعديت العطش أثريه يمشيني



أبارى للزمان اللي رماني بأوسط المظماه
000000000000000000000بغيت ارجع وطحت من التعب ما عاد يمديني



تحملّت الكثير وجا كثير(ن)ما قويت أقواه
0000000000000000000000كثر صبري لصبري كثر ما النسيان ناسيني



ليامني ذكرت اللي ذكرت بمامضى قلت ..ااااه
000000000000000000000000 اجر ألونه اللي تلتهب بقصي شراييني



دخيلك يا زماني لاتحد المنجرح لأقصاه
00000000000000000000000 ترى ما باقي ألا روح ملت بعض تكويني



أنا اذكر شخص معجب في قصيدي قال يا محلاه
0000000000000000000000000سألني كيف تكتب قلت هذا..اللي معنيني



أنا مكتب قصيد اكتب عذابي انظمه واقراه
000000000000000000000000مادام انه معي لو من بعض بعضه يسلّيني



كتبته من صميم الواقع اللي بينه جفواه
000000000000000000000000000وأنا والله خويك يالقصيد ولا تخليني



انا ماني حواجه للحسود ومقصده ومناه
0000000000000000000000000يبيني عذر جامد لاهمد ني صعب يبنيني


أنا واضح ماجي ضده لوان اللى يبيه ابغاه
00000000000000000000000000كذا طبعي قنوع الكلمه الحلوه تكفيني



يابعدك يالهنا يامستحيل وين انا وياه؟
000000000000000000000000عجزت اتخيلك حتى بخيالي مانت لافيني



عرفتك قبل اعرفك شك صارم وانتظرت اتلاه
00000000000000000000عرفتك غير غير......ومن بعدها طحت من عيني



اناظر والبخت كنه عليل باهته لقياه
0000000000000000000000000على باكر وباكر عاد مدري؟؟ وين يرميني



غموض في غموض مابقى شي على معناه!
000000000000000000000000000تعداني سحاب المغفره والذنب حاديني



الايالله يالله يافسيح المغفره يالله
000000000000000000000000000انا عبدك تحت زرقة سماك ورافع يديني



وحيد(ن) مامعي غير الخطايا واطلب المرضاه
00000000000000000000000000بك امنت ورضيت بكل ما تاخذ وتعطيني
الوسمي

سميت بسـم الله عضيـم الجلالـي=رب الفلك محيي العضـام البوالـي

الواحـد المعبـود منـش الخيالـي=علاّم كل الغيب والـي لنا فـات

سامع دبيب النمل في ضلمت اليـل=رب الفلـك ورب طـه وجبـريـل

نرجيك باسمك والدعـى والتباهيـل=نشكي عليك ولاعلى الناس مشكات

يخالـق خلقـه ومحصـي عددهـا=ويمحصيـاً اشعوبهـا مـع بددهـا

وبمحكـم التنزيـل عنـده وعدهـا= لـهل الكفر نار وهل الخيـر جنـات

انت الذي امرك من الكاف والنـون=ومجرى السفن فلبحر ومدبر الكون

وعالم خفايا النفس وماكان مكنـون=ابرحمتك مجـزل علينـا العطيـات

ويامحصـى أيامـهـا والثـوانـي=بك نستعيتـن وحيثـك المستعانـي

ونشكي عليك اضروف هذا الزماني=وقت(ن) كثر فيـه الفتـن والملـذات

بسمـك إلاهي يالعظيـم التجينـا=ولاغيرك احـدن يالعظيـم ارتجينـا

ان كـان ترحمنـا ترانـا نجيـنـا=وان كان تهلكنـا فلافيـه منجـات

ومن بعد هاذي نشتكيلـك ونرجيـك=انت الملك واحناابحكمـك مماليـك

نومن بذالـك دون ريـبً وتشكيـك=ولانعبد الطاغـوت وابليـس والات

نطلبك وسمياً علـى نجـد همـال=ماعاد يبقـا واديـاً فيـه ماسـال

سيله يذكر من علـى كـل مدهـال=تناقلـونـه بينـهـم بلبـشـارات

وسيله يسيـل للعـرب كـل ديـرة=يعم الوطن وديـار شبـه الجزيـرة

دار القـروم امكمليـن القصـيـرة=من فوق نجران الى اقصى القريات

من الشرق حتى الغرب مستم غيمه=سبع ليالـي والمطـر منـه ديمـه

ومنه المطر يسقي العروق القديمـه=ويحي هميد الارض من بعد مامـات

ولاسـحـابً مستـتـمً اخيـالـه=برقـه حقـوق وسـاريً بشتعالـه

كنه عسيـر الـي طـوال اجبالـه=حقيقتن يطفي عـن الكبـد حـرات

سحيبه وبها الطهـاء مثـل الاذواد=لاجن مع القبله مع الصبـح تنقـاد

لجن على حيرانهـن عنـد ميـراد=تسمع لهن في واسع الخد لاجات

تسمع رعوده في سحابه لهـا لاج=قصاف برقه يدعـي الارض ترتـج

لاجـا بـوداً سيلـه واركـد العـج=اديارنـا تصبـح بعدهـا امريفـات

في بادي السمـاك بالخيـر ناشـي=نصبه من الماء انهصرثـم طاشـي

ومن السدا تقول غاشيـه غاشـي=ولارغـى درالبـكـار العريـبـات

ومن بعد دوره بيجي حول شهريـن=تصبح ارياضـه كنهـن البساتيـن

شين يزيل الهـم والسعـد للعيـن=هذا الفـرح لنفوسنـا والمسـرات

تلقا الطيور يغردن زيـن الالحـان=من فوق غصن ابزاهي الون قد زان

وشكل ابلون الورد من كـل الـوان=يضفي على رسم المصور ابلوحـات

تلقا ال***ـدي بينـن مـن بياضـه=يلمع على الخد الوسيعـه نياضـه

نجنيه ماجا امصـدر فـي حياضـه=ا ن اشهد لجنيه مع القـاع لـذات

ويما حلا شبت امن الرمث حزمـه=في مدهلن صابه امن الوبل رزمـه

عشبه تمايل فوق روضه وحزمـه=ماباين كـود الخطـوط العزيـرات

يفرح به المسلم ويفرح بـه الطيـر=ويفرح بها راعىالنياق المعاشيـر

ويفرح به الي مرزقه جمـت البيـر=يروي ابها غرس اغصونه هزيلات

ويفرح به الي امن دهر صابه الضير=من كثرة التعليف شاف المخاسيـر

مابين منخـول وبرسيـم وشعيـر=يقعد مع اهلـه ماشـري فتريـلات

منيت مكاشيت الخـلا والعساسـه=يرتاح قلبـه عقـب مـادار راسـه

ويجلي عن الراس المصدع اعماسه=عقب ضجيج العاصمـه والدوامـات

برفقت رجالاً من هل الطيب والكـار=اهل الكرم والدين مع شبـت النـار

والدله الـي بيـن هيـلً ومسمـار=اهل الهـروج الوافيـه والجميـلات

ماهمهم فاصيـف روحـه لغاديـر=ولاهم من الشرق المسما محاديـر

ولاهم على الغرب المسيحي مصادير=بنـو ابفعـل الطيـب دور وبنايـات

وبين الحصان وبين خشم الغرابـه=نبته يسلي ياعـرب مـن مشابـه

(رغبه) هواء قلبي ومرتع شبابـه=يما لنا فيها مـن العمـر سجـات

وبين السباعه والكثير وام الشقـوق=فيها النبات الغض من كل زملـوق

د يرة رجالً تحمي الـدار والنـوق=حقايق ماهيـب هـرج وحكايـات

ياما حموها قبـل حكـم الجزيـرة=يـوم انهـا قـوم وخيـل امغيـرة

وكم قصتاً تبقا مع النـاس سيـرة=عندي على ذلـك براهيـن واثبـات

هذا الكـلام الـي يقـول العرينـي=كـلام حـق ونابـع مـن كنينـي

متخيـرً مـن جزلهـا والسمينـي=يعجب رجـالاً ينطحـون المهمـات

ويناس ترالي مانـع الغيـث عنـا=منع الزكاوي واربـاء فـي وطنـا

وتقليدنـا الكفـار راحـت اشيمنـا=اهـل العلـوم الخايبـه والخبيثـات

ويناس توبـو لربكـم وارجعولـه=بزين العمل وادعو امن الله قبولـه

من قبـل يومـاً ماتسكـر اقفولـه=رفـع الكتـاب وطويـاً السجـلات

ويالله يالله لاتـخـيـب رجـانــا=ابرحمـتـك يـاربنـا ملتـجـانـا

ياربنـا الرحمـن تقبـل دعـانـا=ياخالق سبـع الثـراء والمجـرات

واختامها صلـو وذا خيـر ماقـول=على الذي للخلق مبعث ومرسـول

نبينا الشفاع فـي ساعـة الهـول=عد الحجيـج وعـد مانـزل آيـات

الفرآق

الليلة هذي .. واضحه ليلة أفراق
..... حاولت أعديها .....وعيت تعدي

ظروف ماتنطاق ولا راح تنطاق
..... صد القدر ماهو بصدك وصدي

تعال أخذني بين أياديك مشتاق
..... قبل انتفارق ... حط يدك بيدي

بجلس معك ساعه .. حبايب وعشاق
..... من بعدها كيفك .. ولو صرت ضدي

فيني خليط أشواق ب أشواق ب أشواق
..... واصل معك من كثرة الشوق حدي

ودي ألمك وأحضنك حضنة عناق
..... ياشيب عيني ... كل ما قلت ودي

فى خاطري .. وش خاطري؟خاطري ضاق
..... الكون كله ضاق ماهو بقدي

حتى الدموع اللي استحت كبر وأخلاق
..... تساقطت من فوق خدك .. وخدي

لوحة شعر تبكي على بيض الأوراق
.....بيحت فيها من ردى الحظ .. سدي

ليلة جفا ... وأفراق مامثله أفراق
..... حاولت أعديها .. وعيت تعدي00!

الغزال

مالقيت ابيات عن الغزآآل

كثيرات يالراقيه وهذي وحده منهن

يا غزال الريم يا ظبي الفلا

ارحم اللي منك عينه ما تنام

ياهلا في شوف زولك يا هلا

يالطيف الروح خذ مني سلام

ارحم اللي في هواكم مبتلا

من ودادك نايحٍ نوح الحمام

المحبه والملاحه والحلا

زاهيات فيك يا بدر التمام

باح صبري منك والقلب امتلا

والله اني في غرامك مستهام

والله اني ما هويت من الملا

من جميع الناس من حام وسام

كود زولك عنه قلبي ماسلا

لك فؤادي دش في بحر الغرام

ليت من هو من ثمانك ينهلا

حبتك يا صاحبي برد وسلام

ما ابتليت بحب غيرك لا ولا

زارني طيف سوى طيفك حرام

مبسمك فيه الدوا لوذ بلا

ان ضحكت بليل ينجال الظلام

حبتك تغني عن الماء والكلا

من رحيق شفاك جرعني مدام

صابغٍ حبك بقلبي ما ينجلا

يا حبيبي مثل دقّـات الوشام

امتلا قلبي بحبك والغلا

من عذلني عنك ما اسمع له كلام

الريم

ابيات من قصيده لحامد زيد : )

واعيني اللي كل ماذعذع من الغربي هبوب
يحلى لها لون الغروب اللي يذوب قبالها

وياويل حالي كل مايحلى لها لون الغروب
تطري لي الريم اللعوب وسالفة ترحالها

وياجر قلبي كل ماتطري لي الريم اللعوب
حرمت أمد إيدي على حاجه وانا ما اقوى لها

من سافرت ريم الغلا صديت عن كل الدروب
ماهو قصور بالعذارى بس ذيك لحالها

من فارقتني ماخطف قلبي من الحور محبوب
ولا لقيت الجادل اللي تستحق احيالها

لأن القلوب ان ماوفت لحبابها ماهي قلوب
والعشره اللي ماترد الروح مانسعى لها


التضحية

قالت لهُ

أتحبني وأنا ضريرة ...

وفي الدُّنيا بناتُ كثيرة ...

الحلوةُ و الجميلةُ و المثيرة ...

ما أنت إلا بمجنون ...

أو مشفقٌ على عمياء العيون ...

قالَ ...

بل أنا عاشقٌ يا حلوتي ...

ولا أتمنى من دنيتي ...

إلا أن تصيري زوجتي ...

وقد رزقني الله المال ...

وما أظنُّ الشفاء مٌحال ...

قالت ...

إن أعدتّ إليّ بصري ...

سأرضى بكَ يا قدري ...

وسأقضي معك عمري ...

لكن ..

من يعطيني عينيه ...

وأيُّ ليلِ يبقى لديه ...

وفي يومٍ جاءها مُسرِعا ...

أبشري قد وجدّتُ المُتبرِّعا ...

وستبصرين ما خلق اللهُ وأبدعا ...

وستوفين بوعدكِ لي ...

وتكونين زوجةً لي ...

ويوم فتحت أعيُنها ...

كان واقفاَ يمسُك يدها ...

رأتهُ ...

فدوت صرختُها ...

أأنت أيضاً أعمى ؟ !!...

وبكت حظها الشُؤمَ ...

لا تحزني يا حبيبتي ...

ستكونين عيوني و دليلتي ...

فمتى تصيرين زوجتي ...

قالت ...

أأنا أتزوّجُ ضريرا ...

وقد أصبحتُ اليومَ بصيرا ...

فبكى ...

وقال سامحيني ...

من أنا لتتزوّجيني ...

ولكن ...

قبل أن تترُكيني ...

أريدُ منكِ أن تعديني ...

أن تعتني جيداً بعيوني ...

الفرآ ق

أنا ادري إن الوصل تاليه الفراق ..
ولولا الأمل ماتحمل النفس ضيقه

أمس سرى في تالي الليل بـرَّاق ..
قلبي يفـز لنوضتـه بتخفيقـه

وسم بكور صادق الوبل دفـاق ..
لاشافه الظميـان يبتـل ريقـه

عله على دار الوفاء دار الاشواق ..
دارٍ صفت لاهل القلوب الرقيقه

فارقتهم ماليلةٍ خاطري ضـاق ..
واليوم للسلوان ما أجد طريقـه

العيد