●• خزآمىَ الصَحآرى « للشعْر والخَوآطرْ !

ليا صار لك قدره على نفعة المحتاج
لا تذخر عساها لك من الذنب كفاره
لولا حاجته ما وقف بموقف الإحراج
ولا قام يكشف لك خفاياه و أسراره

ياخالق الجنه وياخالق النار
عفوك ولطفك فالاومور الكبيره
من غير فضلك مقدر لنفسي اختار
حتى ولو ان الدعاوي صغيره

‏كل ما ضاق الزمان واجحدتني الظروف
‏خابر اني لا نصيتك ابشر بسعدي

‏كلٍ يجي ويروح . . والبال ساهي !
‏إلا إنت في كل شي لا غبت أشوفك

‏وأنا شخص كل ما أحاول أنسّى ؟
‏عـندي " ولاء " لأشيائي المنسيه "

خذ درس فالدنيا من اصحاب القبور
فكر بهم يوم الله اعطاك الفكر
وقبل تغيب اغياب مابعده حضور
(زوّد رصيدك) بالعباده والذكر

أستغفر الله كل ما أصبحت و أمسيت على قصوري في مواجيب ديني
يا الله تعتقني ليا مني أخطيت و تجعل ثرى الجنه جزى والديني

تصدق على المعسر وفتش عن الأيتام
حلالك بيصبح بعد موتك حلال الغير
ترى اللي بيدفن معك فالقبر قطعة خام
وثمنها بيدفع عنك من جيب فاعل خير

‏يشد فيني الحنين . . لماضي أيامي
‏وأحن له كثر ماهو داخلي يقسى
‏

‏الكلمه الصادقه .. لو تجرح المخطي
‏احسن من الكذبه اللي تستر عيوبه !