ܔ ضيــف ܔ في ضيافة همس القوافي _ ღ ღ

اقتباس: المشاركة الأصلية كتبت بواسطة أهلاوي    يعطيك الف عافيه

الله يعافيك

طابت أوقاتكم بالمسرآت والخيرآت
ضيفنا اليوم تميز عن الجميع
بفكاهته .. وبخفة ظله .. وبقلبه الطيب الكبير ..
وايضاً تميز بحب الجميع له
نسيم .. مهما قلت مهما تكلمت مهما فعلت لن أوفيك حقك











نسيم

يشرفنا تكون أحد ضيوف هذا الموضوع

بأنتظارك

سيكون اللقاء بطعم غير

مشكورة مسلفة الراجحي على حسن الإختيار

بانتظار نسيم

لقاء رائع جدا مع اخونا وحبيبنا النجدي ...

وانتقاء للأبيات راق لي كثير ...

اخوي النجدي اختيارك وذوقك الشعري يتطابق كثيرا مع اخونا طير شلوى ..!!!
فهنيأ لك ياطير شلوى ...

شكرا مسلفه ..

اسعدتينا كثيرا بديوانيه همس القوافي ...

1- ماهــي عــــلاقتك بالشــــعر؟!!
علاقتي بالشعر قديمة وقوية جداً قبل القنوات الفضائية
عدوة الشعر الاول اللي بسببها كرهنا الشعر ومللناه بأسباب
مايتسمون بالشاعر فلان ،انا اول مرة اشوف واحد ينشدونه وش اسمك
يقول انا(الشاعر فلان بن فلان)شي غريب كأنها رتبة عسكرية.
على العموم الشعراء الكبار رثو الشعر قبل 15سنة مثل محمد الخس وعبدالله بن عون وكثيرمنهم.
انا ودي اسألكم الى الان وانتم تسمعون الشعر؟
من كثر ترديد الشعر والشعراء في التلفزيون كرهناهم .

2-مـــن هـــو شــــاعرك المفضــــل ؟!!
والله كل شاعر متمكن يربط الماضي القديم بالحاضر دون تكلف بلهجته اللي الله عطاه مثل حضري
يجي يتكلم بلهجة اهل الباديه!بالله وش بيقول ؟
الشعراء كثر/مثل محمد خلف الخس المطيري،عبدالله بن عون،صحن بن قويعان المطيري ،دبيان بن عساف السبيعي
وسحمي الحميداني المطير اللي يقول:
أنا من طويل الرجم حفيت عراقيبي
= ليا جيت أبقعد في وطا الخد ما داني
وقامت هبوب النود تقفي وتومي بي
= كما أوماي ريشن ناشبا له بعيداني
تقافى وليفي ما تجيه المناديبي
= وأنا عنه قفت بي ضعون الحميداني
غدالي وليفي من كبار العواقيبي
= مثل راع الأشعل يوم عاقب دبياني
دبيان بن عساف مايعرف سحمي اطلاقا ورد عليه:
هلا بالجواب اللي لفاني من صحيبي &صحيب الكلام اللي جوابه تنصاني
وأنا من عشيري يابسات مشاريبي
= أجيه بضمايه وانصفق منه عطشاني
وأنا من طريقه ما تونى دواليبي
= مع الناس مثله مار أنا فيه غلطاني
وعشيري يشابه غرسة حملها طيبي
= ثمرها زباد وعنبر الهند وعماني.


3- - اعضاء فــــي تمير تثق فــي ذائقتــــهم الشعـــــريه ؟!!
نعم ،شموخ انثى .
4- بيـــت شعـــر تهــــديه لعضــــو؟!!
اهديه للاخ الغالي مخاوي تمير/
الناس ما تسقيك لا صرت عطشــــــان

ولا يشرب المضمي سـوى من ذراعــــــه
اضرب على الكايد لاصرت بحلان
وعلى الله وصل الرشا ونقطاعه
5- بيــــت شعـــــر يحـــــضرك دائمــــاً ؟!!
نعـد الليـالـي والليـالـي تعدنـا
العمـر يفنـا والليـالـي بـزايـد
قولـوا لبيت الفقـر لا يامـن الغنـا
وبيت الغنـا لا يامـن الفقـر عايـد
6- قصيــده تعدهـــــا مــن اروع القصـــــائد ؟!!
قصيدة للشاعرسويلم العلي/
هذي مداهيله تطارد بهــــا الـــريح
محلى الحمام الراعبــي فوقها ناح
جيته ووجن دموع عينـي ســوابيح
مثل الحقوق اللي على وادي طاح
ياناس خلوني بمــــــــدهاله اطيح
كـــــــــوده يبرد لاهبن بالحشا فاح
7- هــــل لك محـــــاولات فـــي كتـــــابه الشعـــــر ؟!!
لا،بس احب اسمع الشعر واحرص عليه واميز الطيب منه.
8- لك مســـــاحه بـــلا حــــدود
وحــــريه بلا قيــــود
انا عندي كلمتين ودي اقولها للاخوان اللي يحبون
يطلق علهم فلان شاعر ووده يصير شاعر وهو ماهوب شاعر بس يصفصف كلام يفشله مع الناس وهي بختصار شديد
الشعر لايزيد من رجولة الرجل واللي مافيه من العلوم الطيبه الا شعره ترى مافيه خير.
امتعـــــنا بقصيــــده علــــى ذوقـك؟!!
هذي قصيدة للشاعر عبد الله بن عون/
الله من قلب ٍ همومه تلامسه
بيدينها في كل ليل ٍ تخامسه
مايتركنه يوم واحد من الشهر
ولهن عليه إليا إنتحى الليل رامسه
وروح ٍ بنيران المحبة تحرقت
عليها الغرام مصولباتٍ محامسه
وعين ٍ ليا جا القلب يدله تذكره
عنودٍ تجدد مادرس من روامسه
ليا عرضت خطوا هنوف ٍ مخفره
حورية التوصيف بالزين طامسه
تجر ذعذاع الهوى في شليلها
كما وردةًٍ في مدرج السيل غامسه
في فيضة ٍ ريح البختري عطورها
ممطورة ٍ مثل أمس واليوم شامسه
ماطب فيها ألا بعض شرد المها
والطير توحي في طرفها هوامسه
فلا عاد أجيد السالفة مع منادمي
كن النهار بعيني الليل دامسه
ياوصل ٍ شاعر هوازن تعلمه
عن حالي اللي واهج الحب حامسه
ناده بصوت ٍ شاهر ٍ لين ينتبه
وقله رفيقك مخلب الهم لامسه
وأنا خابره كل الصعايب يرومها
على النوز ماتخط الضرايب نيامسه
تكفا يابو نواف روحي تعلقت
في واحد ٍ عنها الرجا الياس طامسه
وأخر ماأقوله لك ترى قلبي إحترق
كما لمبة ٍ فيها السلوك متلامسه
من واحد ماهوب ياوي ليا كوى
كوى القلب بأربع وألحق الكبد خامسه.
اشكر الاخت مسلفة الراجحي على هذا اللقاء واعتذر منها على التأخير في الرد بسبب ظروف خاصة منعتني من التواجد كما كان في السابق وان شاء الله تزول هذه الظروف .
اخوكم نسيم

ما شاء الله عليك يا نسيم أثاريك أديب من الطراز الأول

اقتباس: واللي مافيه من العلوم الطيبه الا شعره ترى مافيه خير.

صدقت والله وش ينبغا بالشعر الجزل مع شين الطبوع


أعجبتني رائعة الشاعر عبد الله بن عون العتيبي الذي جمع الرجولة وجزالة الشعر

الله من قلب همومه تلامسه

اقتباس: من واحد ماهوب ياوي ليا كوى كوى القلب بأربع وألحق الكبد خامسه

مشكور على الإمتاع

ومشكورة يا مسلفة الراجحي على حسن الإختيار

الاخ نسيم من افضل الاعضاء واطيب القلوب المتواجده بالمنتدى بلاضافه الى ذائقته الشعريه الرائعه الى زادت الموضوع جمال ورنق

ف الف شكر لك اختى مسلفه على استضافه الاخ نسيم

تحياتي

مشكور اخوي النجدي على التعليق والمشاركة اللي لها وقع في نفسي.

ماعليك زود يا اهلاوي .اشكرك جزيل الشكر على التعليق والاضافة الجميلة.

ذآئقهـ شعريهـ رائعه لأخي نسيم
فعلا استمتعت اثناء قرآءتي
لكم الشكر جميعاً على هذا التميز