محاورة مع الضب

مع أقتراب هذه الأيام وقت خروج الضبان من البيات الشتوي
بدا الناس يتحدثون كثيراً عن نفوق الضبان بسبب الصيد الجائر
وهنا شاعرنا الكبير الأستاذ سليمان بن عبد العزيز الشريف
يتوجه إلى الهيئة الوطنية لحماية الحياة الفطرية ويوجه رسالة إلى الشباب من هواة هذا النوع من الصيد بهذه القصيدة الفكاهية الهادفة

لقيت لي ضب وحاولت اصيـده = قلت اظهراغديـك رزوعصيـده
واسمعك من عقـب هذاقصيـده = لا شـك عيـا قـال مانيـب لله
قعدت انا وايـاه خذهـا وذقهـا = وفيوز صبري من عناده حرقهـا
والزهبة اللي في جرابي سرقهـا = قال انقلـع عظنـي مقفـاك يالله
اخذت حالي قلت والله لا ربيـك = من عكرتك ياضب لازم اعريـك
لا تحسب ان الجحر عني يذريك = خل المعاند عنك ياضـب خلـه
قال انت وش بيني وبينك تبـلان = وتذكرن في قصة فـلان وفـلان
كم حاولوا قبلك وذاالراس مالان = ما اطيعك الا كان بالراس خلـه
قعدت افكر ساعة ويش اسـوي = واحترت ما ادري اينا اللي مهوي
والضب عني محتمـي ومتقـوي = يقول سيفك كـان تقـدر فسلـه
عز الله اني طحت لي في مطمه = يالعنبو هالضب لا رحمت امـه
قـام يتحدانـي ولانيـب يـمـه = اخطيت بهجومي عليـه بمحلـه
ياخوفتي من كثرة القيل والقـال = ياحيف كيف الضب عجز برجال
ذاالسالفـه يالربـع دايـم البـال = وش رايكم لو ننشـره بالمجلـه
بعض النفوس ان كان ربي هـدا = اعرفت خطاها وانهـت ماتعلـه
لعل بعض الناس يـدرك مداهـا = باذهانهم تبقـى يلعلـع صداهـا
ياصايد الضبان وش بـك عليهـا = تركـض وراهـا دايـم مبتليهـا
تبي اللحم ؟ عليك بولـد بليهـان = اونجدي مثنى من الضـان تلـه
كم واحد راح بسبب صيد ضبان = اما بلسعة عقرب او لدغ ثعبـان
او بالصحاري تاه ظامي وتعبـان = الماء قضى ولابـه احـد يدلـه
قام يتشهد يوم شرف على الموت = والموت حق ومالحي عنه فـوت
لا شك موت يشبه الموت كتكوت = باسباب ضب فيه غبـن ومذلـه
مامن وراء الضبـان ياناس عيشـه = خص اللي شحت عليها المعيشه
خلوا لها باقـي حياتـه تعيشـه = ولا تزيدونه علـى الطيـن بلـه

مشكور أخوي اتيكا على هذه القصيدة .
و فعلاَ بدأت الضبان هذه الأيام بالخروج ، و لقد شاهدتها في أكثر من موقع لاكن !!!!! تحتاج إلى شهرين إلى شهرين و نصف تقريباَ لتصبح جاهزة للصيد . يعني لا أحد يستعجل عليها الحين ...

والله محااريها ضبان هالسنه تتجي مربعه من الربيع والخير

مشكووووووور على هالموضوع والقصيدة


سلام