شـيهتانه

البارحه مرقاي فوق المراقيب=فوق الطويل اللي علومي نحتها
في ساعةٍ كثرت علي المصاعيب=وكل الهواجس في ضميري رمتها
بسباب منهو مارضى كلمة العيب=اللي خذا قلبي وقفا بختها
شيهانةٍ كثرت عليها الطواليب=من زينها بالوصف كلٍ طلبها
لا ناظرت بالعين ترمي محاريب=قناصةٍ تقنص ولحدٍ قنصها
لا صفت الجنحان مدو ذواهيب=وكلٍ يصفق في يمينه تحتها
يوم اعتلت شالت اغبار الشواعيب=ويم انزلت كن الجبال اندهتها
صغيرة كبيرة للمواجيب=محدٍ يحل لغوزها لو درسها
ودعتها امس العصر من ورا السيب=يومن عيني بالدموع اغرقتها
وشالت بجنحان السعد واللواهيب=وانا اشيل احمول نفساً بغتها
ثم اعتلت من فوق رجم الشواهيب=قفت ولا ادري وين تنوي جهتها
لا يابدر ياعزوتي منقع الطيب=شف حالتي يوم الليالي حدتها
تكفى يا بو هندي حياتي لواهيب=والعين مني هاجرت عن سبتها
شيهانتي ضاعت ولاظني اطيب=والرجل ما كن الوطاه او سعتها
اسج واطلب من يعيد الدواليب=حتى ارجعها بوسط اشبكتها

صح لسانك يا عهووود

تكتبين الرومانسية الحالمة بألوانها الزاهية

تغنين للمستحيل وتحاولين بهذه القصيدة تمرير قناعة ثابتة

هي أن الحب ذكراه لا تموت ...

وكذلك قصائدك الجميلة

تسلمين أختي والله يعطيك العافية على المشاركة

لك كل الود والتقدير

وبنتظااااار روااائعك

عهوووود صح لسانك

وتواجدك معنا مكسب كبير للمنتدى

واسمحي ان ابحث لك عن لقب جديد

تسلمي

ام توتو

مرحبا بك عزيزي ملك الحروف مشرفنا الرائع

وصح بدنك وسلمت روحك

وشكرا كل الشكر والتقدير لشخصك الكريم

وتقبل تحيتي وعظيم شكري وامتناني

ودمت برعاية الله ،،

======================================

مرحبا بك اختي الغاليه ام توتو

واهلا بك وايضا انتم مكسب لي بردودكم المشجعه

وتذوقكم لما اكتب

وتفضلي غاليتي بأطلاق ما يناسبك علي فأنا أعتز بهذا وخاصه من اخت غاليه

لها وزنها وشخصيتها واتشرف بذلك

تقبلي تحيتي وخالص ودي واحترامي

ودمتي برعاية الله ،،

شيهانتي ضاعت ولاظنـي اطيـب والرجل ما كن الوطـاه او سعتهـا
اسج واطلب مـن يعيـد الدواليـب حتـى ارجعهـا بوسـط اشبكتهـا


الصرااااحه اعجبني هالبيتين

مشكوووره عهووود

والشكر لوحده ما يكفي

سلام