ياماحلى والشاص قد عقـب تميـر

قصيدة أرحو ممن يعرف شاعرها ذكر اسمه وشكرا

	الشعر لى حل الوسم جـزل تعبيـر في خاطري ينشي مناشي الخيالـي تهب قيفانـه بصلـف التصاويـر لى هب في نجدٍ هبـوب الشمالـي ويضفي علي الهجس ضفي المباكير لـى رذرذن بيابسـات المفـالـي ويطري لي المكشات خوة مناعير وضرب الطراق المربعات الخوالـي ياماحلى والشاص قد عقـب تميـر عدا على ام رجوم وجهـه شمالـي في خوة الفكس آر مع حزة عصير ندهل عروقٍٍ صابها الوبـل تالـي وياماحلى بالخب شعـق الجذاميـر في ليلـةٍ ماهـي سـواة الليالـي طعسٍ ونجـمٍ والـدلال المباهيـر وضـوٍ تصالينـا وبـرقٍٍ يـلالـي وياماحلى شوف السيول المحاييـر وياماحلى روضٍٍ على النفد سالـي شوفته تسوى شوف بيض الغنادير لى هزهزن الخصر والمتـن مالـي يانجد أبزري في محاسنك تصويـر وأزريت أطارد لأجل وصفك خيالـي منازلـك تجلـي ثقيـل التفاكـيـر وتسجـج قليـبٍٍ همومـه جلالـي

صح لسانـ شاعرها
وتسلم يمينكـ أخيـ الكريمـ

ولاهنتـ

والقصيدهـ على حسب بحثيـ لها للشاعر

سعد بن ناصر الشتوي

قصيده رائعه والله يبارك فيها اللي خلتنا نشوفك يالمدرس

وعساك تضيع الشعار دايم عشان تمرنا ..

ليس عندي خلفيه عن شاعرها وان شاء الله تكون شموخ أفادتك ..

شاكر هذه الزياره الخفيفه ...

صح لسانك
قصيده جميله
ويعطيك العافيه

مشكورين

كل الشكر لأختي شموخ

العزيز السنافي نحن معك دائما بالروح والقلب فأنت غالي

عبد الله بن عبد العزيز خالي العزيز نورت الساحة بردك مشكوررررررررر