.طريقة العصيدة او المحلى

24 / 12 / 2015, 58 : 03 AM

طريقة العصيدة او المحلى

طريقتي بالعصيدة او المحلى المقادير :
١-تمر خلاص او اي تمر عندك لين ولونه فاتح الكمية كيس الي متواجد بالسوق معبا الياً او تمر معجون ٢-نشيل النواة من التمر بعد كذا نخلطه بالخلاط مع ماء دافي حتى ينعم طبعا على دفعات تخلطين التمر مع الماء بعد كذا نصفيه ٣-نضيف التمر بقدر ونتركة حتى يغلي تقريبا الكميه ٥اكواب الماء مع التمر ٤-بعد كذا اقصر النار مره وابدء اضيف دقيق بر منخول يد اضيف الدقيق ويد اخلط بسلك يدوي كبير حتى يثقل القوام لين يصير يصعب عليك التحريك بكذا ننتهي من وضع الدقيق كل شوي اخلط بس انتبهوا لايحترق خليكم مقصرين النار بعد نص ساعه ادفني بالوسط نص اصبع زبدة ورشي فلفل اسود نص ملعقة صغيرة وغطي القدر وكل ربع ساعه حركي واقلبي الي تحت فوق والي فوق تحت حتى الكل يستوي مع بعض انا اتركه على النار لمدة ساعتين طبعا من تبدين بوضع الدقيق تحسبين اما في حالة يكون المقدار قليل اقل من كذا المدة وعند التقديم يقلب ويقدم في حافظة ويعمل حفرة بالوسط ويضاف زبدة مذوبه وبالعافيه مقدماً اتمنى شرحي وافي وكافي ودعواتكم ملاحظة في بعض الناس يحمسون الدقيق قبل وضعه على التمر جربته كذا مره لذيذ وبالعـــــــــــــــــــــــــــآفيه