هذي تمير ان كان تنشد عن الطيب

هذي تمير ان كان تنشد عن الطيب

ماهمنا قل الكلام وكثيره

دار رقت بالطيب روس المراقيب

ورجالها عند اللوازم ذخيره

في حكم اخو نوره عطيب المظاريب

القافله تمشي وحث المسيره

على كتاب الله وهذي مواجيب

من غير فخر حن دروع الجزيره

من غير نقص في السعودي بترتيب

دون الوطن كل القبايل مغيره

وسقم الدواعش عندنا له تطابيب

سيف صقيل ومرهفات شطيره

سيف يشيل الي بحد التلابيب

لين الامير يقوم يلعن وزيره

والي يجنب من علي الحق تجنيب

ننصحه بالحسنا ويحدد مصيره

اماعتق ولا يبي زود تاديب

وان كان عاند جعل في الامر خيره

تستآهل مدينهه تمير ،
لآهنت ،

آبيآت جميله وتمير تستآهل كل خير ..

صح لسانك ونعم بااهل تمير

صح السانك على هلابيات الجميله والله يكفينا شر الاشرار