من قصائد الشاعر / خلف المشعان

هذي قصيده من قصائد الشاعر :خلف بن مشعان
ماقدمه الشاعر في هذه القصيده روائع تسحرك في ماتحمله من إبداع .. وجمال .. ومهاره وحرفنه
اتمنى انها تعجبكم مثل ما اعجبتني


ياقلب انا بلشت بك .. وين اوديك ؟؟
شيبت بي ياقلب .. من صغر سني
اسعى وراك .. وخيب الله مساعيك
من طيبتك .. ماشفت .. غير الهبني
ياكثر ماتجـني .. عليه هقاويك
من حسن ظنك .. بالبشر ساء ظني
اعطيك غيري .. لجل مايحتفظ فيك
وترجع تقول : اللي خذاني طعني ..!!
طيب شسوي بك .. ؟.. وهذي امانيك
اللي جرالك منك .. ماهوب مني
تسد باب .. وتنتفح لك .. شبابيك
وكل ماتهزك عاصفه .. تمتحني
بلشت بك .. بلشـة هل الديك ، بالديك
اللي بغى يذّن .. وصبّح يغني ..!!
تسري ورى النية ( واتولِي ) مساريك
حتى قتل صبحك ( ظــلام التبني )
الى هنا وآقول ..( بسّك ) .. ويكفيك
رد الكلام .. ووصل العلم عني
ماني تبع هذي ، ولاني تبع ذيك
لاجا الصحيح ... اثنينهن يتبعني

مشكور يا الشمالي على ما نقلت انامك وصح لسان الشاعر/ خلف المشعان


..................................

سلمت ياخوي المتحد على المرور السريع الله يعطيك العافيه

صح لسان الشاعر خلف مشعان الذي سطع نجمه مؤخرا ً لجمال شعره..


وتسلم يالشمالي على هذا النقل الرائع ..

والطيب ما يجي منه ألا طيب ..

طاب فالك يالسنافي ونور علينا هالمرور العطر الله يسلمك