|
|
|
|
|
|
 |
 |
|
|||||
 |
 |
|
|
|
|
||||||||||
|
|
|
| المنتدى الترفيهي وتختص بالدردشة والنكت وقصص الفكاهة وسعة الصدر |
آخر 10 مشاركات
|
 |
|
|
أدوات الموضوع |
28 / 04 / 2007, 33 : 01 PM
|
#1 | |
|
تميراوي فعال
|
اشهر الكلمات السعوديه المضحكه ادخل وراح تفطس من الضحك
* * اشهر الكلمات السعوديه المضحكه ادخل وراح تفطس من الضحك * *
كلمات عامية ..ومعانيها.. الدلخ : وهذاا إنسان غبي جداااا.ويرفع الضغط ....وينرفز .... واكثر من يعااني منه المدرسين ....واهله. المنسم : ذلك راجع إلى تهريب الهواء من رأسه و السبب في ذلك هو أن في رأسه فتق لذلك تلقاه دايم يغطس رأسه في سطل موية عشان يعرف من وين التنسيم . المهوي : هو مرحلة متأخرة من التنسيم و المهوي وصل لمرحلة متأخرة جدا بحيث يفقد أهله الرجاء منه ... الشخر المخر أو أبو مشخر ! : من نفس فصيلة المنسم ! السلنتح : قليل الأدب جحلط ( بتشديد اللام ) : وهم مرحلة متقدمة للسلنتح مزّلب : يعني بايعها بتراب ! مسفّح : يعني طاير في العجّة وهو ما عنده ما عندي جدتي يعني بالعربي الفصيح من جنب العارضة الصتيمة : وهو الشخص اللي ماعنده ماعند جدة جدتي ...!!... ويصدق أي شيء يقال له المسبة أو المسبوة : هو الشخص اللي يكون مروع في صغره لدرجة أنه يصبح شبه فاقد للعقل ... الفاهي : هذا الله يخلف مهما تقول له أو تصارخ عليه تلقاه فاتح فمه و بس و إذا كلف عمره و تفاعل معك رد عليك و قالك : هه ... الحقنة : هو الشخص الغثيث اللي ما يفكك لين تعطيه اللي يبيه منك و مهما تسوي له عشان تصرفه عن الموضوع حقه ينشب في حلقك لين يأخذ منك اللي يبيه , وهذا يفسر قول العرب : أغث من حقنة !!.... العلة : هذا اللي ما تأخذ أنت منه أي شيء و لا عنده استعداد انه يسمع منك مهما حاولت وهو كالمرض يعلك لين تنفقع مرارتك منه...... العربجي : يظن معظم الناس أن العربجي هو الشخص الشديد حق المشاكل و اللي ما يمشي إلا وهو مشخص ببنت البكار ( أسم لطريقة لبس الشماغ عند العرابجة ) و حاط مفاتيحه في سلسلة و لا بس نعال سجاديه و يسحبها تسحيب لين جاء يمشي و دايم فاتح صدره و رازه على فوق و كانك ولد أبوك قله شيء بس . لكن في الآونه الأخيرة ظهرت إشاعات تقول بأن العربجي هو اللي يسوق ال....(الله يعزكم) لكن صرح مصدر موثوق من عائلة العرابجة بأن هذه إشاعة مغرضة أطلقها عليهم أحد الخكاري... الكحلي : يطلق مسمى الكحلي على ذوي البشرة السمراء و لأن ذوي البشرة البيضاء مساكين ما عندهم لقب احتجوا عند الأمم المتحدة مطالبين باللون الفضي .... المرجوج : هذا ما عمره صلح شيء صح في حياته ما يمديك تفتح فمك إلا و طار في العجة بدون ما يفهم وش السالفة و الارتجاج الحاصل له يختلف تماما عن مشكلة المسبة أو المسبوة حيث يكون الارتجاج هنا نتيجة صدمة و ليس نتيجة روعة . المطفوق : من فصيلة المرجوج ... إلا أن مايميزه هو انه اذا مر من عند كاس أو جيك أو ابريق أو أي شيء فيه سائل لازم يكبه ( أي يسكبه ) برجله وهو مايدري ،، ولا تخليه يمر بجنبك وانت معك صينية فيها بيالات لأنه لازم يطقها بيده أو بكتفه ..!! أيضا لاتخليه يصب قهوة لضيوف لأنه لازم يكب القهوة على ثوب واحد منهم..!!!!!..... السربوت : هذا اللي ما يخلي مكان ما يروح له و قد كان الأولين يطلقون لقب السربوت على من يشرب الدخان لكن الحين الله يخلف الناس تدخن بيديها و رجليها و لحد يقول لهم شيء. السمرمدي : وهو من نفس فصيلة السربوت. الداشر : هذا قليل الأدب و لا يحب يماشي إلا السرابيت و إذا قيل فلان دشر فلان أي خرب أخلاقه لكن في الأردن الشقيق كلمه دشره تعني أتركه.. الملكع : أما هذا فيعرف حتى السكني (اي الجن ) و مقطع السمكة و ذيلها و مهما تحاول تلف و تدور معه تراه فاهم و عارف وش تبي بالضبط فلا تتعب نفسك . زعّيط : مسوي نفسه يفهم في كل شيء وهو من جنب العارضة. المصرقع : هو كل شخص ما يهمه شيء و اللي يطري على باله بيسويه لأنه ماخذ الدعوة سعة صدر و هبال ... المفلت : هو كل شخص ما تقدر أنك تأمنه على شيء لأنه مهوب تكانة و يتميز بكل أنواع الإهمال و التطنيش.... الخكري : ببساطة الخكري = نعومة + دلع الله لايبلانا... اللزقه: هذا الشخص اللي على طول معك وقدامك ووراك وكل شي وتطلع مع الباب تلقاه تركب في السياره تلقاه يطق القزازه وهاكذا. الزنقّبي : (بتسكين النون وضم القاف ) يعني العزوبي. الصديع : اي كلمه في راسه يطلعها ولا يتنباء بأفعاله سواء كانت صح ام خطء . الجنط : من فصيلت الدلخ. المريوح: هذا اللي نفسه شينه . الزااااااحف..إنسان آخذها عرض مبسوط ويبسط من حوله سريع البديهه ولايفوته شئ.. والخرس..من نوع الكمخه والفاهي يقول إيه وهو مايدري وش السالفه.. الطبله..باااااااااارد من كثرة الغباء.. الأرفل..من نوع المطفوق يعني لاتقرب له ولاتخليه يقرب لشئ وخصوصا الاعمال الدقيقه لأنه ماينفع فيها.. المسلس..هذا المسكت واللي ماتدري وش وراه تشوفه تقول أتلى الأجاويد وهو وراه بلاوي.. الرجه..مصرقع مايجي بمكان الا ويرجه بصوته على غير سنع.. المسكت..هذا اللي مابعده مسكت بتشديد الكاف.. المهفه..هذا كلمه توديه وكلمه تجيبه.. اللوح..يعاند على غير سنع.. الكرتون..تحسه غبي على السليقه لاتكلمت معه تقول من وين جاي هذا.. الشراره..هذا مايجي بمكان الا والمصايب وراه يتسبب على من حوله بالقرادات.. المقرود..كل شئ متسلط ضده يعني مقرود حظ الأصلي..هذا من نوع المسكت.. الصل..هذا صاحب اللون الأسود بس مو اي اسود ..اسود أسود صح.. المنتهي..مابعد النهايه شئ بايع كل شئ لو تقوله أي شئ ماقال لا.. القاضي..حول المنتهي ماهو بعيد عنه يعني تقول من عيال عمه.. الخالص..حول الدعوى ولد خالهم.. المولي..هذا يقرب لهم بس من بعيد شوي.. المدحدر..هذا من عيال جيرانهم حاول يحتك بهم طردوه المطنوخ..هذا تحطه على يمناك يعني تعتمد عليه.. الإكه..هذا اللي تصرفاته صح ويعلمك وش تسوي لاتوهقت بشئ.. الداج..داج وش معناها يعني ؟؟ داج بالمال والتفكير يعني الله يخلف.. التنكه..هذا اللي يقرقع بس تلقاه يلجلج ولاوصلت الامور أجلد.. القفل..هذا اللي مافيه امل يفهم لو تقعد تشرح له من هنا للسنه الجايه.. الطرمبة من فصيلة الدلوخ الفدغ أو الافدغ ......من يحاول يستخف دمه ويبيك تضحك غصباً عنك واذا ما ضحكت من بلاهته يضحك هو الين تحس ان الشي اللي سواه من جد مضحك وفي الاخر راح تضحك انت من فداغته؟؟؟ والله الموفق |
|
|
|
28 / 04 / 2007, 01 : 02 PM
|
#2 | |
|
المراقب العام
|
الفاهي : هذا الله يخلف مهما تقول له أو تصارخ عليه تلقاه فاتح فمه و بس و إذا كلف عمره و تفاعل معك رد عليك و قالك : هه ... هذاي تنطبق على الجنوبي مشكور اخوي راس غليص على الموضوع الراااااااااااااائع |
|
 قَالَ صَلَّى الله عَلَيْهِ وَسَلَّمَ إِنَّ الْمُؤْمِنَ إِذَا لَقِيَ الْمُؤْمِنَ فَسَلَّمَ عَلَيْهِ وَأَخَذَ بِيَدِهِ فَصَافَحَهُ تَنَاثَرَتْ خَطَايَاهُمَا كَمَا يَتَنَاثَرُ وَرَقُ الشَّجَرِ
|
|
28 / 04 / 2007, 12 : 02 PM
|
#3 | |
|
تميراوي برونزي
|
مشكور اخوي رأس غليص على المصطلحات المنسمة ....
المطنوخ..هذا تحطه على يمناك يعني تعتمد عليه.. هذي تنطبق على المتحد |
|
|
|
|
28 / 04 / 2007, 24 : 05 PM
|
#4 | |
|
VIP
|
ههههههههههههههههههههههههههههههههههههههههههههههههه
ودك هالاسماء تقلدها في ارقاب اعضاء الساحة الترفيهيه لانها تنطبق عليهم يسلمووووووووووووووووووووو راس غليص |
|
|
|
|
28 / 04 / 2007, 10 : 06 PM
|
#5 | |
|
كاتب و اديب
|
أخي الفاضل / رأس غليص
تحية طيبة وشكروافر اسمح لي بمداخلة يسيرة كثير من الكلمات التي أوردتها عربية فصيحة ولكن المعاني التي ذكرتها لها لا يتفق كثير منها مع ماورد في القاموس وأضرب لك مثالاً واحداً فقط و لعل الإخوة إن رغبوا البحث والإستفادةيرجعوا إلى لسان العرب لابن منظور أو القاموس المحيط للفيروزآبادي مثالي كلمة( الصتيمية) فمن معانيها: الرجل الضخم الغليظ -2- إحكام الشيء 3-الشيء التام 4-الرجل الكهل أي كبيرالسن 5-الصخرة الصلبة |
|
|
مَنِ استنطقَ أنامله فليجعلها تنطقُ بحرفٍ يكونُ شاهداً له لاعليه. 
|
|
29 / 04 / 2007, 09 : 08 AM
|
#6 | |
|
تميراوي فعال
|
اخواني الاعزاء/
المتحد2007، اسير الجني ، سحايب صيف ،المرهف وفقكم الله لكم مني جزيل الشكر والعرفان على مروركم تحياتي |
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
 |
 |
 |
