احرموها من سعدها والسبب كله مهرها

هي تحبه وماتكابر ..
لين طيفه صار عابر ...

ومابكت لأن الألم صار عادي ..
نقطه وحده في وسط غيم رمادي ...

آه يامقسى قلوب الأهالي ..
يوم قالت هو يبيني ولد خالي ..

وجا طلبها بسنة الله وارفضوه ..
جت تركض .. يمه ليه .. شالسبب قوليلي ليه ؟
قالت : انه مايناسب ولاهذا اللي نبيه ...

اللي يبغى بنتي لازم مهرها أموال ومباني ..
وبصدمه تناظر أمها .. ليه حطمتوا الأماني ؟؟
ليه تبغوني أعاني ؟؟
هو يبيني وإشتراني .. وأنتوا بعتوه بثواني ..

آه يامقسى اللي جاني ..

بعد فتره من التعب اللي جاها ..
طاحت البنت بشقاها ..

وراحوا لأقرب طبيب مسرعين ..
شافها ثم قال فيها .. مرض شين ..
لازم نتدارك مرضها ..

وجا يركض بس عرف انها مريضه ..
وفي عيونه هالغريقه ..
وبقلب يشعل حريقه ..

شافها .. قال يبكي : ليت فيني اللي فيك ..
قالت بسرعه وتروي .. لا بسم الله عليك...

بس طلب واحد أبيه .. قال : عيني لو تبين ..
قالت : لو جاك بنت سمها باسمي حنين ..
لأجل تذكرني في كل وقت وكل حين ..
وأبقى معك كل السنين ...

وراحت عنه وارحلت ...
وفي جفن عينه اسكنت ..

وآه يامقسى أهلها ..
احرموها من سعدها ..
والسبب كله مهرها ..

لازم أموال ومباني ..
واتركوها بس تعاني


...

لله , الله
جزالة معنى وأناقة حرف
تسلم يمينك

صح لسآن الشاعر .. وسلم لنآ اختيآرك الجميل
تقديري

تسلمين رااقيتنا على الدخول ,,,,

لاخلا ولاعدم

اقتباس: المشاركة الأصلية كتبت بواسطة » اِلـَوَفْآءْ بـِنْـتْ    لله , الله جزالة معنى وأناقة حرف تسلم يمينك

مشكوره بالغلا ولاخلا ولاعدم

يعطيك العافيه على القصيده

الله يعطيك العافيه
ع روعة طرحك الرائع
لاعدمناك يالغلا..
تقبلي مروري المتواضع..:
اختك :/: عطووووره

مشكورة علي القصيدة الرائعه منك

بارك الله فيكم على المرورالطيب

لاخلا ولاعدم