|
|
|
|
|
|
 |
 |
|
|||||
 |
 |
|
|
|
|
||||||||||
|
|
|
| النبض العام يختص باخبار المنتدى و القرارات الادارية و المواضيع التفاعلية والمسابقات و الطرح العام |
آخر 10 مشاركات
|
 |
|
|
أدوات الموضوع |
25 / 01 / 2012, 33 : 09 AM
|
#1 | |
|
تميراوي سوبر
استغفر الله
|
أعشقُ الشتاء... وأهوى كل نسمةٍ باردةٍ أتت وقتَ المساء
السلام عليكم ورحمة الله وبركاته يامعشر الأقلاعيين مبروك للناجحين وهاردلك للحاملين والراسبين  نطب بالموضوع ؟   تلاحظون اننا اغرب دوله بالعالم من ناحية الأجواء ؟ باليوم 300 حاله عادي جدا يضربك البرد بقوه وماتقوى تنام الا وعليك بطانيات وشراب ومشغل الدفايه وعقبها بساعه تتمصلخ وتبدا تفصخ بهالشراب وتبدا تنسم للدريشه شوي واذا طلعت الظهر تفتح المكيف على بارد شوي لا وكله كوم وامهاتنا الله يجزاهن الجنه كوم البزر عندها تلبسه 3 بجامات اقل شي , مع جاكيت وطربوش وشراب وجزمه تجوز لي اشكالهم اذا لبسو كذا , احس ان البزر المسيكين يالله يقوى يمشي من البرد  عاد اذا جينا للصدز يابردنا حبيب اذا شفت برد هالروسين ودول شمال اوروبا والله ياهم مادري شلون يقدرون يتحركون  ,, بتكلم عن عاداتنا دايم بالشتاء , طبعاً كل بيت له عادات وكل مجتمع عنده عادات وملبوسات واكلات ولكل بيت طريقه وشكل وفكره بالنسبه لي انا فأهم شي عندي هالفاكهه  وصدق ماكذب اللي سماها فاكهة الشتاء  القعده على جال هالضويه شي ثانيتجي السواليف الزينه مع ابريق الشاهي وان حصل معه حليب وشابور  وتجي معه السواليف الخاثره  وتجي معه سواليف الجن صدق ليه كل ماجتمعنا حول النار لازم واحد تهج بوه من الموجودين ويجيب لك طاري الجن ومالجن ؟ وطبعا الخوف ياصل اقصى درجاته عند البعض الشي الثاني اللي مايستغنى عنه بالشتاء ابد بالنسبه لرجال وحتى الصغار هالفروه  صدق احسه جزء منهم , اذا نام يحب يتغطى فيها , اذا طلع يحب يلبسها خصوصا بعد اذا صار فيها ريحة الحطب   خمتها كذا تحسسك صدق بالدفئ مع الشراب الصوف والشماغ ولا الشال والطربوش , صح انك تنكتم احيانا من ثقل اللبس بس هالفروه مرتبطه بهم من سنين وحتى البزران لازم فروه وكل فتره نطول ونغيرها وماننسى طبعا فروات البنات الموضه والحركات الجديده واكثر وقت ارحم فيه الفروه هو بنهاية الشتاء  اذا صفطناها وحطينها بالدولاب احس وقتها اننا جاحدين وناكرين المعروف لها 3 اشهر تخدمنا واخرته كذا ويجي بداية الشتاء ونقعد ننفضها ولا نغسلها من الغبار ,, هي والبطانيات الثقال طبعا ,, من العادات اللي بكل بيت دايم او الأشياء الضروريه بعد الدفايه وكل بيت وشكل لدفايته اللي على غاز والله بزيت واللي بكيروسين واللي مروحة حاره    وطبعا وكلً وله مواقف اكيد مع هالدفايات كم واحد بالله رنع راسه ولا طرف اصبعه بالدفايه ؟ كم بزر بالله اشغلكم اشغال ماغير يحوس عندهن ؟ كم مره هاوشوكم اهلكم وقالو لاتنامون وهن مشغلات تراه خطر  كم مره جبتو مارشملو << كيفني وانا جخه ايه جبتو مارشملو وبديتو تحمونه على الدفايه الين يموع شوي وتاكلونه ؟ كم مره جبتو ذره وخليتوها بالساعات على الدفايه يقالكم بتشوونها ؟ وحلاتها اذا خلصت متوضي وقبل تلبس شراباتك تحط رجولك وانت بكرامه عندها إلين تنشف واحلى شي لاحطينا فيها بخور  كم مره بتجون تطلعون من البيت وملابسكم رطبات وتحطونه على الدفايه عشان تنشف اسرع <<< مب هو ابد ولايحمى عليها الخبز وقت الفطور عشان الروحه للمدرسه وينحط عليها ابريق الشاهي لايبرد افلام افلام الدفايات والقعده واللمه حولهن لحاله قصص متعددة الاستخدامات هالدفايه (مبخره..حماصه..نشافه..إلخ إلخ  ),,,,  الحنيني كم اعشق هالأكله لها اكثر من اسم عند اكثر من منطقه حنا نسميها حنيني عباره عن تمر بدون عبس وخبز بر او طحين اسمر وزبده وحليب ويطبخن على النار ويخلطن ببعض الين يكونن بهالشكل صراحه يدفي يدفي يدفي صح انه ثقييييل بس يدفي بقوه وطعييم مره مع القهوه شي ثاني ,,  الزنجبيل طبعا ماأظن فيه بيت يخلو منه بهالشتاء ابد ابد ابد اللي يحطه لحاله ويطبخه واللي يخلطه مع شاهي ولا حليب وبعض المناطق حتى يصلحونه مع القهوه دواء فعلي للحلق ويدفي بقوه , وبعض انواعه مب تدفي وبس الا تحرق انا ماحبه سبحان الله الا مع الحليب , اما ساده ولا مع شاهي ماهنا حرص  ابو فروه هذا ابو فروة ويسمونه اهل الخليج الكستنا بعضكم يمكن مايعرفه , نبته تشبه الجوز كذا ماتنوكل نيه ابد , زينتها تقطع الوقت يعني انت قدام النار وشاب حطبك ومبسوط هذا يلهيك حلتهن على الجمر وخمس دقايق وطلعهن قشرها وكلها وطعم ولا اطلق فيه كثير من طعم البطاطس تقريبا واللي عندهم الدفايات القاز , جب لك كميه وخلها فوق الدفايه نص ساعه كذا وبعدها ابد قشر وكل تقطع الوقت وفيها متعه سبحان الله شفتو الفصفص مع الشاهي , هذا نفسه سبحان الله مع شاهي تبتل تقشر وتاكل وطبعاً لايخلو كل موسم الشتاء من السواليف المعتاده خصوصا من كبار السن  اذا جا قالك ابد هذي العقارب ويبدا يعدهن لك ولا يقولك الشبط اللي يكسر البيبان ومادري وشو ولا يقولك هاللحين المربعانيه ويالله يبدا يفتي لك من راسه عجزت اقتنع بكلامهم لأن بالرياض لاحظت جميع الأجواء بيوم واحد الله يخليهم لنا هذي تقريبا اغلب الأشياء السنويه اللي ببيتنا تتكرر وطبعا كل واحد منكم تقريبا عنده بعض هالأشياء وبعضكم يمكن عنده اضافات لأكله او للبس او لعاده فما يمنع تفيدونا وياليت بالصور قبل ماأختم كلامي عندي نقطه بسيطه تذكرو ان الله سبحانه وتعالى منعم علينا بكل هالنعم اللي فوق من فروه ومن حتى حطب ومن دفا واكل ياربي لك الحمد بس لاتنسون انه فيه واجد غيركم مساكين يموتون من البرد بهالديره وبالخارج المسلمين محتاجين وقفه منكم بهالموضوع واعتبروها صدقه كل واحد منكم لو يفتح دولابه بيلقى كم جاكيت وكم فروه وكم بطانيه ماطلعت من الدولاب من سنين ولا نروح نرميها بالزباله وننسى انه فيه ناس يتمنى يلبس الشراب الملون اللي محتار فيه انت وش تختار ووش تلبس لليوم والله لو الواحد يتخيل ان هالبطانيه اللي مرميه بالدولاب راح تدفي شخص ماقدر ينام من البرد , بيكون بداخله احساس جميل , وربي مايضيع حق من تصدق بهالشي البسيط والله يرزقنا المطر ان شاء الله والخير وتقبلو ودي امورة تمييير |
|
|
|
25 / 01 / 2012, 58 : 09 AM
|
#2 | |
|
تميراوي الماسي
|
رد: أعشقُ الشتاء... وأهوى كل نسمةٍ باردةٍ أتت وقتَ المساء
مشاء الله موضوع متكاامل ياالغلا
عن الشتاء الف شكر لك على الموضوع يامتالقه دمتى بخير |
|
|
.
|
|
28 / 01 / 2012, 25 : 08 AM
|
#3 | |
|
تميراوي فضي
|
رد: أعشقُ الشتاء... وأهوى كل نسمةٍ باردةٍ أتت وقتَ المساء
تسسلمين امورهـ ع هييك طرح
|
|
|
|
|
30 / 01 / 2012, 46 : 07 AM
|
#4 | ||||||||||||||||||||||||
|
تميراوي سوبر
استغفر الله
|
رد: أعشقُ الشتاء... وأهوى كل نسمةٍ باردةٍ أتت وقتَ المساء
مشكوووره يا الغلا |
||||||||||||||||||||||||
|
|
|
30 / 01 / 2012, 49 : 07 AM
|
#5 | ||||||||||||||||||||||||
|
تميراوي سوبر
استغفر الله
|
رد: أعشقُ الشتاء... وأهوى كل نسمةٍ باردةٍ أتت وقتَ المساء
الله يسلمك يالغاليه على تواجدك |
||||||||||||||||||||||||
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
 |
 |
 |
