حلا الأوريو خاص للزوار ( وياويلكم يالزوار ان ماجيتوا خخخخخ )

11 / 01 / 2012, 14 : 09 AM

حـلا الأوريـــو

المقاديـر
الطبقـه الخارجيـه:
باكيت واحـد بسكـوت شاي ( مطحون ) .
علبـة قشطـة .
ملعقـه طعام كبيره كاكاو بودره .
..
الطبقـه اللي فـ الوسـط :
تشوكلت جالكسـي ( فلوتات) الأصابـع .
4 حبات جبن كيـري .
ملعقـة طعام كبيره نسكافيـه .
نص علبـة حليب نستلـه المركز الحجم الكبيـر .
بسكـوت أوريـو
..
الطريقـه
1- نخلـط القشطـة مع الكاكااو لين يمتزجـون
بعدين نضيف لهـم البسكـوت المطحـون ,
بيطلع لنا عجينـه .

2- نكـون هالوقت مجهزيـن فناجيل مغلفـه ببلاستيك ,, او قصدير .
3- ناخذ مقدار معين من العجينـه ونخليه ياخذ شكل الفنجال .
4- نقطـع تشوكلت الفلوتات الى حلقات صغيره
وناخذ كم من قطعـه ونحطهم بالفنجال .
5- نخلـط 4 حبات جبن كيري + ملعقـة نسكافيـه + نص علبة نستلـه بالخلاط .
6- نصب شوي من الخليط ( مقدار ملعقـة طعام كبيره ) بالفنجال .
7- نقسم حبة الأوريو الوحده الى نصفين ونشيل الكريما ,
وناخذ واحد من النصفين ونغمسها بحليب بارد ونغطـي فيها الفنجال .
نحطه بالثلاجـه لين تبرد وتتماسك الخلطـه اللي جوا
بعدهـا نطلعهـا ونقلبهـا على صحن التقديم
ونشيل البلاستيك أو القصدير
وبالعافيه على قلوبكـم :)