صوتن سمعته .. أحمد الناصر الشايع

صوت (ن) سمعته تل قلبي من أقصاه= لولا ضلوعي راح قلبي مع الصوت
لوسمعه اللي ميت(ن) قلبه أحياه = يشفي العليل اللي على حفرة الموت
عز الله اني داله البال لولاه = أسهر مثل ولد العواجي على نوت
الله يغر الحب هذي سواياه = والله يلوم اللي يلومون بخوت
ماكل قلب(ن) يدرك اللي تمناه= الحبل ماهو للمحبين مفلوت
انا ليا شاهدت غرة محياه = والله ما اغبط اللي مصيفه ببيروت
لو نجتمع ليل ونهار(ن) بمضماه = في ظل غار أحسن من أوتيل مريوت
وألا على جزرة بحر مالح(ن) ماه= من البحر نشرب وناكل من الحوت
وألا بقطع(ن) من خلا ما حدن جاه= غير الجوازي مابه ازوال وبيوت
هذا هوى القلب وغرامه بدنياه= بخدودها وعيونها سحر هاروت
ما تلتفت للي قروشه بمخباه = اللي يحسبون الهوى عقل وبشوت
فيها الجمال اللي قليله حلاياه = كنها عليها نازل(ن) بالبراشوت
لوتطلب حزام الذهب ما لقيناه= أقصر من الشبرين واطول من الفوت
والله ما تصلح حياتي بلياه= دونه حدوني جعلهم في براهوت
نويت أخاطر وانهبه من دناياه= وازبن على زبن الدخيل ابن شفلوت
وان مت بسبابه يجازيه مولاه= بس اجدعوني عن بيته بتابوت

رائعه من روائع احمد النااااصر

مشكووووووووووور يالغالي على اختيااااااااااارك

والله هيضتنا في هالرمضااااااااااااااااان


سلام

تسلم اخوي السنافي على هذه القصيده روعه من شاعر رااااائع واختيار اروع منك
شارك ومقدر لك حسن الاختيار ولا عدمنك
تحياتي لك
اخوك
النادر

اخي المميز السنافي انت بين وقت وآخر تمتعنا بقصائد تكون من العيار الثقيل

بالفعل انت مختلف عن غيرك لا ترضى ألا بشي يملئ المنتدى إبداعا ً

انا متلهف لجديدك فأرجوا الا يطول إنتظاري ايها المميز

اختيار جميل لشاعر نجد

وتشكر يالسنافي على عذب الاختيار

وتحية

قصيدة من أروع القصائد...للشاعر الكبير أحمد الناصر..

تسلم يمينك ..السنافي ...والله لا يحرمنا من روائعك...


تقبل تحياتي وتقديري...