اداوي جروحك وانا كلي جروح

اداوي جروحك وانا كلي جروح
واهتم في جرحك وجرحي تركته

يا روح روحي روح يا روح يا روح
اقولها من قلب بيدك طعنته

كذا بدون اسباب ما ينفع تروح
عطني سبب واحد وش الي عملته!

ما كنت اقصر يا بعد قلب مذبوح
الي تبية يجيك واللي طلبته

اضحك معك سوالفي ضحك ومزوح
مشيي معك جدي وش الي فعلته

جيتك سكني هم وآلامي تفوح
ثوب الحزن بسباب فعلك لبسته

دمعي من اسبابك على الخد مطروح
مقدر ارجع دمعي الي طرحته

كلن درى عن علتي صرت مفضوح
واضح على شكلي ولا شي قلته

ماهو صحيح اقولك روح مسموح
عطني سبب اهمال قلب (ن)" ملكته

يعني عشاني بانين لجلك صروح
والي بنيت بداخلي ما هدمته

لاصرت راسمني حبيبي على لوح
لاتمسح اللي في يدينك رسمته

مظلوم يا دفتر على طول مفتوح
اغرقتة بحبري ولا جيت شلته

خل الجروح تعيش مع شلة جروح
الله كريم يعالج اللي جرحته

اضحك معك سوالفي ضحك ومزوح
مشيي معك جدي وش الي فعلته
انتقاء موفق ينم عن ذوق رفيع
الله يحفظك

اقتباس: المشاركة الأصلية كتبت بواسطة العالمي    اضحك معك سوالفي ضحك ومزوح مشيي معك جدي وش الي فعلته انتقاء موفق ينم عن ذوق رفيع الله يحفظك

تسسلم يآخوي والذوق منك وفيك :$
ويآك يآرب ق1
نورت يآلغالي

صح بوح الشاعر ,
و صحت الذائقه الرائعه ي الغلا ,

صح لسآن الشآعر على الـأبيآت الرآئعه
سلمتِ يآقلبي على آختيآرك...

اقتباس: المشاركة الأصلية كتبت بواسطة » اِلـَوَفْآءْ بـِنْـتْ    صح بوح الشاعر , و صحت الذائقه الرائعه ي الغلا ,

الاروع توآجدك يآقلبي :$
نورتِ

اقتباس: المشاركة الأصلية كتبت بواسطة الراقيه    صح لسآن الشآعر على الـأبيآت الرآئعه سلمتِ يآقلبي على آختيآرك...

صح ابدنك يآلغلا
الله يسسلمك منوره قلبي