سالفتي مع اسهم منتدى تمير

قبل حوالي شهر فتحت منتدى تمير وطاحت عيني على شريط الاسهم الي في المنتدى
وقلت ياولد شف الاسهم اليوم وش فيها وانا طبعاً من هوامير الاسهم السعوديه
وعندي حوالي 4 اسهم في بنك البلاد ويم شفت سهم البلاد سعرة 797ريال
قلت ياولد هذي فرصتك سو ازمه في سوق الاسهم وبعها
وافتك وراح محسوبك شغل الموتر وصاروخ على المجمعة
وادخل صالة الاسهم مسوي فيها راعي اسهم واكتب امر بيع بالسعر الي
في المنتدى واعطيه الموظف وشافني وتعجب
قال متى تبيعها
قلت هالحين
قال وينجبت هالسعر منه
قلت من عندي من الاترنت
رد علي قال كم لكمن شهر ماتصلت بالانترنت ياشيخ هالسعر كان قبل شهرشن
والله ان انحرجت وقلت بعه بسعر اليوم وبعتها ب700 ريال والله انها رزق والحمدلله

ومن هذاك اليوم وانا اشوف شريط الاسهم واثره ثابت من شهروهو ما يتغير

ملاحظة
تلاحظون في الفترة الاخيرة ان اكثر سوالف الناس في هالاسهم وانهماك هالعالم في هذا الطريق للربح السريع
ياشيخ النا كرهت هالاسهم من كثر الكلام فيه
واجي ابا اوسع صدري في منتدى تمير وجي والقى هالشريط في المنتدى
ياشيخ مانبي دراهم من المنتدى فكونا من هالسالفه
واطلب من ادارة المنتدى ازالة هذا الشريط من المنتدى
وعذراً على الاطالة
وشكراً

محايد

الله يعينك على بلواك

الاسهم غثا وتبي واحدا راسه صاحي

ريح بالك وبع كل سهم تنام مرتاح وراسك معك

والرزق على الله

وتشكر على هالملاحظه عن اسهم المنتدى

أخي هيمان / أثرك من الهوامير وحنا مادرينا ، الآن عرفت السر كيف يربح تجار الأسهم ؟ الله يكثر أمثالك ، ماعندك أسهم ثانية ؟ مع تحيات العالمي

هووه

وينك اخوي محايد ( اجل كافخ للمجمعة واخرتها له شهرين ,,,,, )

خلك مثلي ماعندي ولا سهم الا السهم الملتهب منول وصار شريط فديو هلحين

وعندي انه يسوى اسهم البنوك و الشركات كلها ( بس مته يسوى له حفل اعتزال )

وبعدين مثل ماقلت انا سمعت هالكلام من اكثر من شخص ( شريط الاسهم في المنتدى خااااالص )

والله يلوم اللي يلومك ياهامور الاسهم

كلمه اعجبتني ضمن موضوعك اخوي الغالي محايد ( شهر شن ) حلووووه مرة

تقبل تحياتي وكل اسهم بلاد وانت بخير

حتى يوم الجمعه ..سوق التداول متوقف ألا عندنا في المنتدى ..!!!

شي عجيب فعلا..

وأضم صوتي لصوتك ..بالمطالبه بأزالته ..


تحياتي وتقديري

شهرشن في لغتي تعني شهرين في لغتكم
شكراً لكم على مروركم على الموضوع

قسم انك تحفه اجل بعتها برخيص
بس والله انك روعة الشريط حرام موجود
وياليت يفعل باستمرار او ازالته