آلقلوب آلبيضض .. تآلي الوقت وش فيهآ

اسعد الله ايامكم في كل خير


قصيدة حازت على اعجابي
ل الشاعر متعب بن فهد




يا سقى وقت ٍ من احزان الليالي كان خاوي !!
ويا سقى وقت ٍ مضى ما فاح صدري من حنينه !

.

يوم انا داله .. وحظي بالهناء مده رهاوي
ما يمد الا الجزيل ولا يمد ... الا السمينه !

.

يوم انا عايش خليّ .. ولا بعد شفت البلاوي
لا شكيت من المحبه لا ولا عشت بغبينه !!

.

قبل تبدى رحلة احلامي على ( درب المناوي )
ان بكيت ابكي ( يغيب الحزن ) في وقته وحينه

.

لين من هي في دروب العشق .. خلتني امتساوي
حيث صارت فرحة ايامي على ايديها رهينه !!

.

اذكر اوقاتي معاها .. حلمنا بالود ضاوي !
اذكر شعوره وشوقه .. عطفه .. وزين لينه !!

.

واتذكر ما مضى بالحب .. من عين النداوي !
تجذب المعلوق لا من سلهمت بالرمش عينه !
.
كيف سرت الدرب عاشق .. غاوي ، ومانيب غاوي
وانتهى زين العمر .. ثم ابتدى لي كل شينه !
.

كيف مرتنا الليالي ,, كيف اخلفنا الهقاوي !!
والقلوب البيض تالي الوقت وش فيها حزينه ؟؟

.

اشهد ان البعد ما يرحم وما هوب ياوي
لين ضاق ابه النسم (قلبي) وبيح له كنينه !

.

ليه بكاني وانا وافي ومن طبعي ... حياوي
وفي وجيه الناس بانت دمعة ٍ كانت سجينه !

.

والله اني من الليالي الموجعه .. قلبي شقاوي
عقب غابت عن عيوني طفيت ( انوار المدينه )
.

لو تحيزمت الصبر من بعدها .. مانيب قاوي
ولو عقدت العزم والا لو ( تغشتني السكينه )
.

المشاعر في هواها ما ( تزبنها الجلاوي )
مير راحت من يديني والمشاعر به سجينه

.

جرح فرقاها بصدري جرح ما له من .. مداوي
قلبي اللي من بعدها .. ما يريد الا ضنينه
.

و والله اني عايش ٍ من عقبها عيشة خلاوي
وما بقى من العمر مدري كم بقت لي من سنينه ؟

.

يا عساها في سعاده يا عساها في غناوي !
ويا عسى من هو فقدها يا عسى ربي يعينه


ودي و تقديري لكم احبتي ..}

ابيات رائعه جداً
ونقل رائع وذووق أروع
شكراً تميراويه فله

جرح فرقاها بصدري جرح ما له من .. مداوي
قلبي اللي من بعدها .. ما يريد الا ضنينه
.

و والله اني عايش ٍ من عقبها عيشة خلاوي
وما بقى من العمر مدري كم بقت لي من سنينه ؟



مماأعجبني

كلمات في الصميم أهنيك على هذا الانتقاء المميز

سلمت أناملك يالغلا

كلمآت جميله وعذبه آستمتعت بقرآءتهآ
سلمتِ على الـاختيآر

آبيآت جميله سلمتى الذؤؤق

كيف مرتنا الليالي ,, كيف اخلفنا الهقاوي !!
والقلوب البيض تالي الوقت وش فيها حزينه ؟؟

.

اشهد ان البعد ما يرحم وما هوب ياوي
لين ضاق ابه النسم (قلبي) وبيح له كنينه !

كما هي رائعة قلبووووو

يا عساها في سعاده يا عساها في غناوي !
ويا عسى من هو فقدها يا عسى ربي يعينه


كلمات جميله
تسلمين

ابيات رائعه اخوي وماقصرت