ترى العين حق

لاشك أن العين حق ،، والأدلـه من الكتاب والسنه كــثــيره ..
ولكن كونها حق لاينفي الوهم الكبير الذي يعيشه كثير من الناس ولو عملنا استبيانا لوجدنا أن
70 % <على الأقل > مصابون بـ[ فوبيــاالــعـين ] والــ 30 % الباقون [ يرقلون ]

فـ الكثير من الناس يخافون من العين خوفا خياليا ، والمشكله أنهم لايملكون أي مقومات للـ نظل بمعنى ان ( مافيـهـم شيء يستاهل من ينظلــه ).

فلو أحضرت أحد ( النظولين ) مثل فلان من الناس وقلت لـه إنظل فلان وأعطيك 10 آلاف ريال جلس ¤ 5 ساعات ¤ يبحث فيه عن شيء ينظلـه ويمكن يلقى ويمكن يرجع لك عشرتك ويقول :
آسف واللہ مالقيت فيه شيء ينظل ...!!!

وخذوا بعض المشاهد اللي تتكرر يوميا:
↓
↓
↓
مشـــ☻ـــــهد (1):
أبو محمد: وش أبشرك بــه،
مرني واحد اليوم وخطب (منيره) وأشوى مهوب كبير عمره 55 يعني مابينهم إلا 15 سنه .
أم محمد:اللہ يبشرك بالخير يابو محمد بس أقصر حسك لا يوحيك أحد وينظلونها ترى العين حق . !!

( وش ينظلونها عليه والله لوها بتاخذ ريكي مارتن ، بتاخذ شايب حارس مدرسه بنات وله 100 سهم في الكهرب ). !!

مشـــــ☻ـــهد (2):
أم ابراهيم: ابشرك يابو ابراهيم ترى ابراهيم نجح وخذ الكفاءة .
أبو إبراهيم:اللہ يبشرك بالخير وعسى تقديره زين؟
ام ابراهيم:خذ الأول عليهم.
أبو ابراهيم:ماشاء اللہ بس عاد لا تعلمين بترتيبه لا ينظل وإذا نشدك أحد قولي ترتيبه الرابع ترى العين حق.

(وش بتسوون لو إنه ماخذ الدكتوراه في الفيزياء النوويه بتقولون للناس انه داخل طب بيطري وإلا معہد صحي ؟!!

مشـــــ☻ـــهد (3):
أم صالح: وراك يابوصالح مدخل الصالون الجديد فالحوش !!
طلعه تراه مضيق علينا .
أبو صالح: أخاف أطلعه ويمر أحد ويشوفه هو والكراسيد
والددسن ..ويقول عمى كل ``هالمواتر`` لهم وترى العين حق.

(يابن الحلال من زينك أنت ودرادعك .. لوبينظلون نظلوا الجميح والا عبد اللطيف جميل♫ ).

مشــــ☻ـــهد(4):
أبو سليمان :ورى سليمان ماعاد يروح للمدرسه ؟
أم سليمان:واللہ أني مدري بس الظاهر ان<< فيه نفس‏>>
لأنه يقول :أحس أني ماعاد أحب المدرسه جاني مثل
التكه والغلقه وترى العين حق.

( المشكله إنه شين وأشہب ، ومدرس الرياضيات يجلده دايم عشانه ماقدر يحفظ سورة البينه .. وش ينظلونه عليه )!!

مشــــ☻ـــهد(5):
غادة: ألو .. هلا نوف .. وش أخبارك .. وينك من اسبوع ماشفناك ؟
نوف: والله مدري وش فيني من عقب زواج صديقتنا حنين وأنا تعبانه وأحس بدوخه وأطرافي تنمل وقلبي فيه خفقان شكلي منظوله عقب مارقصت.
غاده:اللہ يستر وما تشوفين شر .. مع السلامه،،
"تسكر السماعه"

وتقول بينها وبين نفسها:
( ما شفنا إلا مطامر !،
من زين رقصك
يافيفي عبده عشان ينظلونك)

↓
↓

والمشاهد أكثر من أن تعد "
والمشكلہ أن الصنف المصاب بفوبيا العين ~جازت لهم السالفه ~ وأصبحوا يسقطون على العين كل شيء العقد النفسيه ، والفشل ، والإخفاقات وغيرها ... !

↓
↓

أما الصنف الآخر فقد أصيبوا بـــ

↓
↓

فـــــــوبيا الثــنـــــــاء
" فلم يعودوا قادرين على التعبير عن رأيهم فيما حولهم ولا عن انطباعهم عن من يحيط بہم ، فإن ذموا قالوا لهم انكم {حاقدين} ،، ،،
وإن أثنوا وأصيب الآخرون بمكروه قالوا لهم انكم { نظولين }

↓
↓

إلا تعالـ/ـي ياللي تقراء الحين هذا الموضوع أمـــــــــداك تقرأ المقال بـــہالــســــرعه؟
أكـــــــــيد ان تركيـــــــــزك عالـــي ونظرك 6/6 أو انك ماخذ دورة فـــــــــي فن القراءة الـــــســــريعـــــه !!
هل أنت الآن خائـــــــف من إني``أصكك عين`` إن كانت
الإجابه بـــ نعم فأنت من الــــ70 % المصابين بالفوبيا

وان كانت الإجابة بـــــ لا فأنت (معافى منها) وللہ الحمد ///

وعلى فكره قولـــــــــوا :
ماشاء اللہ لاتنظلوني على هالموضوع
### ولو إني مثل ولد أبو سليمان اللي في مشہد (4)
مافيه شيء ينظل ###
وترى العين حق.

أمداكـ تكتبين ذا الموضوع في دقيقة >> وراكـ خفتي هع ؟!!

صحيح العين حق ولو كان سبق القدر لسبقته العين . وهي تدخل الجمل القدر والرجل القبر
لاكن الخوف المفرط منها وتعليق كل سقوط بها هذا هو الخلل
شكرا للموضوع الجميل

تسلمين على آختيآر الموضوع
وعليكم بقرآءة الآذكآر فهي وآقيه بأذن الله من العين والحسد

بجد موضوع جدا رااااااااااائع..اخوي
استمتعت بقرأته لدرجه اني ما تمنيته يخلص...


وعلى قول المثل

عين الحسود فيها عود
و الحسود لا يسود

أسأل الله أن يقينا جميعا من العين والحسد

المفروض اي واحد يعجبة شي يذكر الله لان العين حق