ترى لا انته ولا غيرك ولا عشرة من اشكالك

هذه القصيده للشاعر حامد زيد وهو غني عن التعريف

والذي يعتبر من اعمدة الشعر في وقتنا الحاضر

عفا الله عن خطا غدر الخنـاجر والضلـوع ابطال=باسامح واتركك تحت الظلام الحــالك إلحــــالك
عشان اكسب هدب عينك تجرعت العذاب اشكـال =وليتــك ترأف بحــالي علشـــان ارأف بحـــــالك
مسوي في حيـاتي شي .. مايذكـر ولا يـنـقــال=حـتـى العـــدو وأهــو العـدو .. مايعمل اعمــالك
تمسيني على الـهــم وتصبحني على الــغـربــال =تقلطــــني فناجـــيلك .. وتقصـــر عـنـــي دلالك !!
تحملت الـتعـب لاجـلك وانا حملـي يـهد جـبـــال =رحلت من العــــذاب .. وماوقفت الا على جــــالك
عـلامك كلما أجيـك متـواضع جيتـني تخـتـــال =معـاك اليا متى باصبر .. وصبري معك يحــلى لك
مـثـل ما اقبلت لعيـونك لــزوم تلدلي باقبــــال =ومثـل ماقد حشمتك , حس واحشم قلبي اشــوالك
انا مـحد (ن) بجـابرني اساير مـعـك هالمنـوال =ترى مانــي تبيــع(ن) لك .. ولاني اصـغـــر عيــــالك
انا جيت اعشقك نبض ومشاعر مااعشقك تمثال =انا جيت اسكنك واحياك وابقى فيك , وابقـــى لك
انا جـيت بظمـا عـاشـق تعب يطرد سـراب اللال =انا جيت استفز رضاك ..من فـــــرقاك والجــــالك
انا ماهمت بك عـاقل انا كنت اعـشقـك بخبـال =انا ماكنت احبك حي .. انا كنت اعشقك ..هــــالك
تخـيـل من كثر ماخفت تلقـى للــزعل مــدخال =اخــاف اخطي على طيفك وادوس برجلي ظـــــلالك
تبعتك .. والـعرب تتبع رعــود البــارق الهمال =وانا شفت المطـر .. يتبعـــك في حــلك وترحــــالك
كان اللي خلق حسنك خلقني مع جسدك ظـلال =وصرت اقرب جسد يمشي معك بقفــــاك واقبــــالك
ابـــي قلبك يحس انه فقـد .. بمحبته رجــــال =ملكته من هدب عين .. وخسـرت ارضاه باهمــــالك
صحيح ان الفراق اقسى ولكـن الوصل محــال =وانا صــعــب على ارضي غـرورك .. واضعف قبالك
بـعــد ماحققـت عيني فبعـدك للـرقاد امــــال =اعـــود للسهر ؟ ياخـــوي فـــال الله ولا فــــــالك
ببدل نظرتك فيني .. واجي لك كل يوم بحــال =باكـــون اقــــرب من ثيابك عليك .. ولا اتهيـــــالك
بالمك وانثرك واجمعك وارجع انثرك باهمـال=باخونك ،وازعلك, وارضيك ,وازعل منك وارضى لك
ابرسم بالثرى وجهك. وابدفن صورتك برمــال =ابشكي للعرب فرقاك .. واضحــــك عــنــد عـــذالك
ابهديك الوصال فراق..واهديك الفراق وصـــال ! =بسوي مثــل ماشـــوفــك تسوي ..وافعل افعـــالك
عشان تعرف من فينا الزعول ومن وسيع البال =ابيك تـــــذوق فنجـــالي .. وانا بــذوق فنجــــالك
نصيحة احتفظ فيها قصر معك .. الزمن أوطـال =ابــــي تسمع كلامي زين .. وتحطة عـــلى بـــــالك ..
اذا حبك اهبال أطفال.. لك عندي هبال أطفال =ولا .. وابشــر بـعــــد بهبال حــب ماهـــو بهـــبالك
واذا قصدك تهين اســـمي عشان تشمت العـذال =ترى لا انتـــه ولا غـــيرك .. ولا عــشرة من اشكــالك

والله كلمات جميله


وموفقه ماشاالله

واذا قصدك تهين اسمي عشان تشمت العذال ****** ترى لانته ولا غيرك ولا عشره من اشكالك



[size=5]ها انت يالدبلوماسي تنثر لنا الابداع من جديد بهذه المعلقه للشاعر الكبير / حامد زيد

شاعر استطاع ان يروض القوافي شاعر كتب فأبدع اتمنى من الجميع قرأتها بتمعن وفهم معانيها


كل الشكر والتقدير للغالي / الدبلوماسي الذي عرف من أين تؤكل الكتف بنقله لهذه الرائعه

1000 شكر لتواصلك الدائم والمتميز ،،،



تحيااااااااااااتي[/size]

واذا قصدك تهين اسمي عشان تشمت العذال ****** ترى لانته ولا غيرك ولا عشره من اشكالك

كلمات جميله ومشهوهره


سلمت لنا وسلم نقلك

ملاك القلوب الجميل هو مرورك اشكرك

السنافي اطرائك الجميل يحملني مسؤليه اكبر

اتمنى ان اكون عند حسن الظن

اقدر لك كلماتك الغاليه

وتقبل تحياتي

قمر تمير اشكر مرورك الكريم

ولك تحياتي