أخوي يبي يصير رئيس الهلال ..ونقاااط اخرى...

السلاااام عليكم..


اخباركم ياأهلي ياهل تمير...انشالله دوم من زعامة لزعامة...

في موضوعي هذا راح اتطرق لعدة محاور وودي تشاركوني برايكم فيها..

نقاط قبل مباراة الكلاسيكو..

أنا متأكدة كل زعيمة تفكر بداخلها في مباراة الكلاسيكو مع الأتحاد..الكلاسيكو الأقوى عربيا من وجهة نظري..

* الأتحاد غير مدربة توني وجاب ديمتري المفلس فنيا..من وجهة نظري..لكنة مدرب خشن من الدرجة الأولى..

( بنات من تتذكر مدرب الأتحاد لما فزنا عليهم بجدة بهدف ياسر القحطاني واخذنا الدوري منهم )

* قبل المباراة وعلى الورق..الهلال افضل في كل شي...

*هل تعلمين أن الهلال هو المتصدر بالنقاط وليس الأتحاد..!!

الهلال يملك 13 نقطة متساوي مع المتصدر القوي سيبهان..الأتحاد في مجموعتة الضعيفة..يملك 11 نقطة..
فاز ثلاث مرات بس..والباقي تعادلين وخسارة..ومجموعتة اضعف من الضعف..كل الفرق اللي فيها في اسوأ مواسمها

* الهلال مستقر اداريا وفنيا..لاعبين شباب ..محترفين ولا اروع مشالله علينا..

* الأتحاد ضعف اداري وفني..لاعبين كبار بالسن..محترفين اي كلام...

* الهلال هو المتحكم الأول في وضع الأتحاد..لما تحددت مباراتنا معاهم..غيروا المدرب..اجلوا اجتماع الجمعية العمومية
الله عليك ياهلال...

* راح يدخل الأتحاد المباراة بكل ثقلة..فرصة لمصالحة جماهيرة..وراح يضربون عصفورين بحجر..
يطلعون معذبهم الهلال....وهو الأهم عندهم..ويكملون في البطولة الأسيوية..

* استغربت من الصحف ترشيحهم لفوز الهلال..ليس حبا بالهلال..ولا موضوعية منهم..ولكن لوضع ضغط على الهلال

* كثرت في الصحف الصفراء الفترة الأخيرة..كلمة أسيا عقدة الهلال...يبون يروجون لها بين الأجيال الصغير..
وشلووووووووون عقدة يحققها مرتين بطولة دوري..ومرتين سوبر ..ومرتين كأس الكؤوس...



يكفي كذب....!!!

* في صحيفة الرياضي الصفراء....كاتبين مانشيت بالعريض..النصر الأكثر جماهيرية في بطولة اسيا...
لما تقرأ الخبر زين..تلقى احصائية لمباراة الأستقلال والنصر في طهران..في استاد ازادي..85 متفرج..!!!

طيب وش دخل النصر...!!! لايكون 85 الف ذولي جمهور النصر...!!! مشالله وصلوا ايران حلو..

ماتمشي علينا يا اغبياء الصحااااافة..

* في مقال للدويش كاتب نقطة عن الجماهير في طهران انها وصلت 85 الف ..ويقول فرق بينها وبين جماهير
الهلال في مباراتهم مع الغرافة 60 الف...طيب كلامك صح ...ماقلنا شي...بس 85 الف ذولي جماهير النصر ولا الأستقلال..!!


على فكرة يادويش ترى الهلال الموسم اللي طاف كسر رقم الأستقلال السابق 65 الف وسجل 68 الف ..كرقم قياسي جديد
ماشفناك تغنيت فيهم...ولا يومها انعميت...!!

بأذن الله جمهور الهلال بيكسر رقم الأستقلال..مع انو مافي استاد بالمملكة يشيل 85 الف...

لكن يتضح لنا من خلال مقارنة الدويش الذكي بين جماهيرية الهلال ولأستقلال..ان جماهير الهلال قاااااااهرينة..



( أخوي يرشح نفسة لرئاسة الهلال )

اخوي الصغير عمرة 9 سنوات...سومي..هو متعلق فيني لدرجة انو نفسة يحقق لي كل امنياتي ..ودايم يحققها لي بسوالفة..

سألتة سؤال ..

قلت: سومي وش تبي تصير اذا كبرت...!!

قلت: ليش ..

قال:اصير امير

قال: علشان اصير رئيس الهلال وتحبيني مرة...

قلت: تحب الهلال كثير ..

قال: ايوة احبهم...وعلشانك احبهم زيادة...راح اجيبهم يسكنون عندنا بالبيت..


هالأمنية ذي من اخوي حسستني ان الهلال مش نادي نشجعة وبس...لا الهلال عشق ينمو فينا من الطفولة..
بعدين طلب مني انزل صورتة بالمنتدى ..يقول علشان البنات يحبوني ..بس امي رفضت اطلع صورتة كاملة..

اللي تبي تخطب ..المهر وكل شي عليها ههههاي..
ودمتم بصحه وعافيه.