البعارين ذبحتنا

ببداء معكم بدون مقدمات اليوم وانا رايح للمجمعة وبالتحديد قبل مفرق تمير بعارين تقطع الخط والمشكلة كل يوم نفس المشكلة البعارين بكل وقت ترعى في ذاك المكان واكثر الوقت بدون راعي

وشاهدت الشرطة اكثر من مرة تطرد فيها حتى انا اتصلت مرة بالشرطة وماقصرو جاء الشرطي وجلس يطرد فيهن


سؤل ليش مايتم منع الرعي في هذا المكان خاصة ان كثير من السيارات تجي معه وباليل ولازم ناخذ بالاعتبار المعلمات الي يقطعون كل المسافة من الرياض عشان يدرسون بناتنا

لو صار حادث لاقدر الله من بيكون المسؤل والله حرام ثم حرام يروح انفس بريئة بسبب شخص غير مبالي ترك حلالة جنب الخط بدون رقيب ولا حسيب

مريت خمس مرات تقريبا وكل يوم اشوف نفس المنظر ومرة باليل طيب الطالبات والطلاب والمعلمات وكل من يمر بالطريق بشكل يومي معاناه اتمنى نشوف لها حل

الله يستر وين البلديه عنهم لازم ينضر في الوضع ليش يقربون عند الخطوط البر وسيع من امن العقاب ساء الأداب

كلام صحيح 100 %

لابد من وضع سياج حول الطريق أو اي حاجز يمنع الابل السائبه من الاقتراب

ههههههههه وش دخل البلديه بعد عادي حطوا لوحه تنبيه وقضينا

صحيح والله مخاطر

الله يكون بعونكم والمفروض راعي الابل ينتبة لها لان الناس بذمتة..

الله يستر !!
<<>>

الله يستر
ليت يشوفون لها حل

اذا مريت سادس مره الله لا يهينك جب دينا وامسك بها خط للمصلخه وقل جعل ثوابها لي ولوالدي علشان يتادب ما يتركها بدون راعي

سبقتني اليوم كنا راجعين من الحوطه الا البعارين في الشارع عند مفرق تمير شوي نروح فيها لكن الله ستر.....

المفروض البلديه عندهم دينا بونش واي بعير يشوفونه يصادرونه