سماء الحلم

السلام عليكم ورحمة الله وبركاته
قصيدة قديمه من انشائي وتعبيري


,,,, اتنمى ان تنال اعجابكم وتحوز على رضاكم ,,,,

يا وليفي من يـوّدي لك أخـبار و يجيب
سكرت الابواب لمواصلك مع كل صوب

وتحسب اني عنك داله وسالي يالحبيب
وأنت في بالي و فالعين والقلب محسوب

عن عيوني لوتغيب زول طيفك مايغيب
أنت محـبوبي و تبقى الى الموت محبوب

الغلا منحوت لك في اخر القلب الصويب
و الغـلا ما يروب لغـيرك لو ان الماء يروب

حالف ماانساك لو ان نسيانك صعيب
ولو أتوب من الهوى عنك والله ماأتوب

لو أقـول اني نسيتك و قلبي قلب ذيب
لا تصدّق في كلامي و سـمّيني كذوب

لو نسيتك ما بقى لا أهل العيب عيب
و أشهد انه ذنب و انه من كبار الذنوب

ان شكيت الجرح عزّل عن الطب الطبيب
وان سكتنا يقتل الصمت بيضان القلوب

في سماء حلمي أشوفك قمر مافيك ريب
وفي الآمآل أشوف من بيننا شيء محجوب

يوم شفت ان الأمل شمسه أنحت للمغيب
و المخـايل في سماء الحـلم ساقتها الهبوب

لازم اصبر وقتنع غصب وأرضابالنصيب
والـرجـاء في والـي الخـلق عـلاّم الـغـيوب

لاتحرموني روعة ردودكم
الشاعر / ابن دايس

إِبدَاعْ يَدّلُ علَى رُقّي ذَائِقتِكـ
يعْطِيك ألْف عَاآافِيـَه

الغلا منحوت لك في اخر القلب الصويب
.............و الغـلا ما يروب لغـيرك لو ان الماء يروب

روعه صح لسآنك على الآبيآت الجميله
وسلمَ لنآ آحسآسك ..وبوحكْ ..

الله الله ..

صح لسانك ملايييييييين وماتكفي والله ..

نص وجداااااااااااااااني فائق الوصف ..

تسلم يمناك ولاهنت يالذيب ..

صح بوحك ودام نبض قلبك وقلمك ..

تقبل مروري وتقديري لك ..

................

حقق الله جميع احلام المسلمين واسعدهم بتحقيقها

مسسسكورين ع المرور العطر والردود الحلوووه
وربي اسعدني تواجدكم لاعدمتكم
ان شاء الله يعجبكم مانقدمه
دمتم بفائق ودي وتقديري

,

في سماء حلمي أشوفك قمر مافيك ريب
وفي الآمآل أشوف من بيننا شيء محجوب

اللهَ , اللهَ
هـ البيتَ عنِ قصيدة , صحَ لسآنكَ مليونَ ولآيسدونَ
لاهنتَ

()

مشكوره اختي ع المرور العطر والرد الحلو
اسعدني تواجدك وربي
ماننحرم من طلتك
دمتي بفائق ودي وتقديري