الحذر يالحبايب من ذيب العرمه

الموضوع باختصار
قبل حوالي 3أسابيع طلعت وأخوي الصغير جهة الروضة الخفس
وكان الجو هوا ودخلنا في شغية صادة بين ضلعان حول الروضه
تغدينا شوي متأخرين حول المغرب.عقب الغدا سمعت عوا ذيب
وكذبت اذاني ثم عوا اخرى والتفت على اخوي قلتله تسمع قال الهجه
ونكركب الاغراض في الموتر ويعوي اخرى وصوته قريييييب
ضفيناعفشنا ومشينا للرياض وذكرت السالفة لعمي

عقب 3ايام يتصل بي عمي يستاصف محل الذيب بالضبط
قلت وش السالفة
قال واحد من الربع له حلال حول الخفس جتهن3ذياب
وذبحن12راس الله يعوضه خييير
هذا موضوع منزله راعيي الحلال
http://www.aghnam.com.sa/vb/showthread.php?t=83758
فالحذر يالكشاته
محبكم osama

شفت الصور من جد المنظر يضيق الصدر الله يعوضه والله

ابي اعرف ليش الذيب ما ياكلها يومه مفترسهن،،والا نذاله،،والله اني اكرررهه ها لحاقد

مشكور اخوي على هالخبريه ويصبر صاحب الحلال ويعوضه عاجلا غير اجل

الله يستر على الحلال ..

ذيابة على أسمها ..

سلمت على التنبيه يا أسامة ..

وهن كاثرات من تالي حول الديرة ..

الف الف شكر لك ..

لاهنت ..

.
.

................

الله يحفظنا..

ذيب العرمه شفته يوم من الايام في جبال العرمه

ولحقته ولو بغيته مسكته بس خليته ..

واذا كان فيه شر فماله الا الذبح..

والمحلات الي فيها مهاوي نجم يجب ان نحذرها..

هذي صورهخذتها من العرمه اخر السنه الي فاتت..












http://www.tumaer.com/vb/showthread.php?t=65679

أنت وش جاك
ياخوي اسامه
قمت تحذر من منتدى لـ منتدى وكنك جايب العيد
يقول المثل
(ابعد عن الشر وغنيله)
وخذ العلم مني
الذيب مايعدي على احد الااذا ضايقه في عيشته ومحله
بالله قلي متى سمعت احد راعي حلال حول العرمه
من قريب
عدى عليه ذيب في هالمنطقه
ترى بـ تحذيرك هذا تخلي العالم تخاف وتذبح كل ذيب في هالمنطقه حتى لو كان ماضايقها اوعدى على حلالها
يخوك خل عندك وعي
المحافظه على البيئه والتوازن البيئي
هما أهم اهداف راعي البر والمكاشيت
رجـــــــــاء لاتهول في موضوعك
أنا ماني اكذبك ولكن راجع نفسك بكثر مانشرت عن هذا الموضوع
ولاهنت والله يجمل حالك

شكر لك على الموضوع
والله يكفينا الشر