الإهداءات
 


 
العودة   منتدى مدينة تمير > الملتقى العام > النبض العام
 

النبض العام يختص باخبار المنتدى و القرارات الادارية و المواضيع التفاعلية والمسابقات و الطرح العام

آخر 10 مشاركات
|| جـمع الأدعــية والأذكـار والآحآديث الصحيحه || (الكاتـب : - )           »          آخبآر متجدده « من الصحف اليومــيه .. «●】 (الكاتـب : - )           »          الرياضة [ المحلية والعربية والعآلمية ] أخبآر متجدده بأستمرآر ..! (الكاتـب : - )           »          [. هآآتوا لي { القرآن } لا ضآآق صدري . ] | متصفح ( متجدد ) من القران الكريم | (الكاتـب : - )           »          اكتشافات طبيه وصحيه حسب نوع طعامك || متجدد.. (الكاتـب : - )           »          ( آلآحوال الجويه وتوقعآت الطقس من الصحف اليوميه ) .. (الكاتـب : - )           »          آعلآنات وظائف الصحف السعودية (الكاتـب : - )           »          ●• خزآمىَ الصَحآرى « للشعْر والخَوآطرْ ! (الكاتـب : - )           »          ܓ ضعْ [ مقالك ] هنا عزيزي القارئ ܓ (الكاتـب : - )           »          آخر مستجدات الحرب ضد الحوثيين ... (الكاتـب : - )

إضافة رد
 
أدوات الموضوع
قديم 14 / 11 / 2010, 56 : 05 AM   #1
تميراوي سوبر


الصورة الرمزية ابـو رائد
ابـو رائد غير متواجد حالياً

بيانات اضافيه [ + ]
 رقم العضوية : 4261
 تاريخ التسجيل :  05 / 02 / 2008
الوظيفة :
الهويات :
عدد الالبومات :
 أخر زيارة : 16 / 08 / 2016 (33 : 12 PM)
 المشاركات : 1,182 [ + ]
 التقييم :  566427847
 الدولهـ
Saudi Arabia
 الجنس ~
Male
 MMS ~
MMS ~
مزاجي:
افتراضي في بيتنا نفاس !!! لا يفوتكم



لا يفوووتكم هالمقال




من جد من جد
مووقلعه الكاتبه

أنا أشهد انهااا منسمه ووسيعة صدر هالسديروايه



طلعت ابو حرتها في الكيبووورد






1- هل أنت عزوبي تعيش في وسط عائلتك ؟




2- هل أنت موظف أو طالب ؟



3-هل لديك أخوات متزوجات ؟



4- هل أخواتك مكاين تفريخ ؟



5- هل حصل في يوم من الأيام وعدت من الدوام تعبان وتافلـن

العافيه وراسك يرقل من قلّ بركه لـ تتفاجئ بأصوات ضجيج

صادره من بيتكم تصل إلى مسامعك قبل أن توطوط عتبة الباب ؟






6- هل حصل ودرعمت لبيتكم لـ تستقبلك رائحة الحلبه المنتشره

في كل دعاسيق البيت في الداخل ؟




7 -هل استيقظت مذعوراً من نومك الهادئ ذات ليلة على زعاق بزر توهـ

لحمه حمرا مابعد تعلم وشلون يصيح بإحترام ؟





8 - هل زد رأيت تجمهراً أمام باب حمام بيتكم - الله يعزكم -

ويوم قربت شوي كودك تشوف وش السالفه وبالطق والطقاق

دخلت راسك من بين حشودالمتجمهرين ولاها أمك واختك

ماسكين نفس قطعة اللحمة الآنفة الذكروجالسين يسبحونها ؟





9- هل سبق أن رجعتـ ي من الدوام لتجدين بيتكم مزدحم

بالزوار تسنها لسيفوي ليلة رمضان ومن لمحت أمتس طرف

خشتس مدت لتس الدله بدون تفاهم وقالت قهوي العالم ؟



إن كانت أغلب اجوبتك عزيز تـ ي القارئـ/هـ بـ نعم .. فـ مبروك
في بيتكم نفاس






:
:



ليه ياربي كذا

يعني الواحد يقول اللهم لا إعتراض بس ولو للصبر قالوا حدود
يا مصبرالموعود كل يوم اقول بيجي رجلها ويقشعها هي وذرّها

منا بس ماشماحولك أحد .. الله العالم الولد بيصير عمره

سنه وهي توها نفاس ما قضت

يا جماعة الخير لا تفهموني

غلط .. انا احب اختي واقدّرها والود ودي ما تفارقني .. بس

احبهالحالها بدون الفوائد الي طلعت فيها من زواجها ذا القرود الي معهامنيب اواطنهم

عيال اختي ايه ما قلنا شي

بس فيهم بثاره تيزي بلد ..

لا واذا تحملناهم وقلنا معليش توهم صغار والحشمه لأمهم مهيب لهم ..

ونبلع هالغثا الي يصير على شرف ذا النتفه الجديده الي جدعتها ..

تحسبونه يثمر والا يبين فيهم ؟ من يصير طول هالنتفه شبرين

اول كلمه ينطقها ويقولها لك " كل

ترجمتها ما تشرف

مهوب موضوعنا .. الي غابني صدز هالـ 40 يوم الي اشوفهم ..




سبحان الله عمر الحريم ما احترموا مواعيد والا وقت الا بـذي

يتحروون الدقه بالحسبه .. 40 يوم بالضبط مستحيل تنقص بس ممكن تزيد

40 يوم وانحن ما عندنا غير فاتحين باب و راديّن باب..

مستقبلين زوارومودعين زوار .. مدخلين فلانه وبناتها ومطلعين فلانه وحريم عيالها ..

لا وكله كوم واذا جت وحده الله يجزاها خير بزعمها راعية

واجب وتكت منعقب

المغرب إلى 9 عندكم وانتي يا حيل الله مالتس الا تدورين

بهالقهوه والشواهي .. واذا خلاص تكرمت و لبست عباتها

وطلعت .. ترجع بسرعه وترفع نقابها وتزف لتس الخبر العذب

" معليش ترا بناتي ماقدروا يجون اليومبلاهم منشغلين شوي

بس باتسر بحيل الله بيجون كلهم "

<-- ماودكم تشوفون تعابير خشتي ساعتها

مير الله يجزاتس خير راعية واجب

الحين بناتتس عندهم التزامات ومشاغل وبيسون الواجب حسب

فضوتهم ..

بس اصحاب البيت عطّاليه ما وراهم شغل

والتزامات ابد .. على حسابكم هم ؟

قايلين لكم رقاصه انا ما تبدا ورديتي الا 1 بالليل و ورا

نعبنو ابليسكم يالملحجه ترا فينا الطالب وفينا الموظف مايرجع

الا على حروة المغرب وفينا المتزوج وعنده بيت يصاليه ..

والأم مهيب بكل الأحوال بصحتها وفيها حيل تهابد وتراكض لكم انتم

وزياراتكم



ياخي خلوا جيتكم وحده وموعدها واحد .. مهب كل القبيله تجي

تزور وكليوم وحده داخله لحالها .. هااااو ما ورانا الا انتم ؟



<---- حولكم شي تخافون عليه ابعدوه عنها ترا

شاشت هالعبده ماخليت شي عن امي .. يمه حددي يومين

بالاسبوع يجون العالم فيه يمه مالها سنع تاركين الدعوه

سايبه تقل والله الي عندنا عنز والده في حوش مفتوح وكل
شوي جاي شايب والا بزر يويق عليها

يمه ارحميني ارجع من الدوام ما اشوف مالي خلق اغير

ملابسي وش عاد اقابل هالأمم

بس ابــــد كان ذا الجدارن الي وراكم تنطق فـ هي ترد علي ..

مير اول كانت تقول " يا كبرها عند ربي تبيني اقول للعالم لا تجونا
..




انهبلتي انتي "



الحين انا قلت قولي لهم لا تجون ؟ قلت حددي لهم يومين وفكينا منهالقلق
"




لا يا خزياه .. قولة لا تجون الا هاليومين زي قولة لا تجون ابد ..



افرضي هاليومين ما ناسبوا العالم "
اجل مناسبنا حنــا الاسبوع كامل يمه ؟
طاعوش انا ماعرف من الاسبوع الا الجمعه ولا هوب يصفى لي ؟
هالكلام اول .. الحين ابشركم مهيب ترد علي خير شر..



مقتطفات من أحاديث تدور في مجلس نفاس
:
:



[ 1]



"




عسى ما تعبتي بس يا فلانه ؟ "



"




لا الحمدلله تيسرت "




"




الحمدلله .. بس لا تعلمين احد لـ انسألتي بسم الله عليتس

ترا عيون الناس مهيب ترحم وانا خالتتس "




تعقيب / اول شي يـ الخاله الملقوفه ترا هالسؤال مهب كلـن يسأله يومتس توصينها ع الإجابه يعني ولاده وش ظنتس ؟ اكيد بتتعب بوقتها وعقب خلاص .. المشكله ما يسأل الا ناس مجربينها .. ابو التناحه ياشيخ
ثاني شي .. ترا حتى القطاوه تحمل وتالد مهب حلى كل شي تلزقون في هسالفة العين والنظله .. ياررربيه بس
:
::
:



:
::
:



[ 3 ]



"
ما شاء الله وش سميتّوا الصغيره ؟ "
"




دانه "



الحرمه الي تسأل وخشتها مايله والحتسي ما عجبها " اييه .. مدري تسنالأسم مهنا زود يا بنيتي مدري وش ذا الاسماء الجديده الي طايحين بهاالعالم "



تعقيب / ترا اصغر بنات الحرمه الي سألت .. اسمها [ غزل ]



:
::
:




[ 4 ]



"




الا يا فلانه ما قلتي لي وين ولدتي بأي مستشفى ؟ "



"




المستشفى الفلاني "



"




اييه زي اختي حصه عند اي دكتوره ؟ دكتوره هبه ؟ "



"




لا والله .. عند الدكتور خالد "



الحرمه الي تسأل تنغز الي جنبها بكوعها وتعض على براطمها وتتحلطم " ياخزيييياه .. كابتّن عفشها عند رجال يختي خلاص هالحريم ماعاد فيهم حيا





وراها ما ولدت عند حرمه .. وش حيث الرجال تولد عنده ؟ "




تعقيب / يقولون والعهده ع الراوي .. ان خويتنا الي ماعجبها موضوع الولاده عند دكتور .. جايها الطلق وهي بسيارة ابو جيرانهم حيث ان رجلها كان كاشت في البر .. ومالقت الا جارتها تستفزع بها .. وما كان بين الولد والنور الا شوي
لولا ان ربكم ستر والشوارع كانت فاضيه والا ان تسان صار مكان الميلاد في شهادة الولد .. " سيارة ابو جيرانا "
الله يحرمّ ايديات امي نوره على النار .. لو هي سامعه السالفه ان تسانتكش بيدينها وهي تقول ( غربلهم الله .. شبكه تعاير منخل )



:
:




طيب الحين فيه سؤال يراودني عن نفسي ومضطره اسدحه بس رجاءاً صيروامتحضرين شوي وماله داعي ترجموني بنعالكم <--- يا حياة الشقا متعودهوجه إهانات



الحين الوحده اذا ولدت وش تجيب ؟ لا اشوف احد مستظرف وقايل تجيب آدمي





ادري اننا محناب نجيب قطاوه ..



بس قصدي هالآدمي الي هي تجيبه من هو حقه ؟ حق ابوه صح والا لا ؟
طاايب .. اسم الولد يلحق مين ؟ يلحق اسم ابوه صح والا لا ؟
طااايب .. دام الدعوه كذا .. ودام النفاس اصلا بسبب هالولد .. \ممكن احد يفهمني وش دخل مندوب اهل البنت يبحلون بها ؟ ورا مهب اهل رجلهاهم الي يصالونها ؟
ياخي الولد ولدكم حنــا وش دخلنا ؟



والله ما خرب بناتنا الا امهاتهم
تجي الام مطفيه النور



وطايره مليون بالحماس من تدري ان بنتها حامل .. ماتخلي عطّار ما تزوره ما تخلي شنق وداعوس ما تدعسق به .. كل شي ينشرب والا يوكل والا يلهم تجيبه .. وتفضي للبنت غرفه وتبلشنا نزلوا سرير ورقوا طاوله وجيبوامفرش ورجعوا ستاره .. تقل اول مره يولد عندها احد ؟ واذا هي اول مرهوشو له هالحمااس .. تراه نتفة بزر ونتق من بطنها مهب اختراع الله
يصلحكم



هذا انتم قبلنا حملتوا وجبتونا وش حيثكم ما سوا فيكم اهلكم كذا ولاضركم ؟ بالعكس الوحده من اول لا اله الا الله صحتها فُل وهي والده فيالبيت .. ما ولدت بمستشفى وخذت لها سويت كامل اسبوع وماغير تبطح وبلعه بهالحلى والقهوه حتى ولدها مهيب ترضعه




ومن عجائب قدرة الله في خلقه ان الحرمة ما تحلى بعين رجلها الا لاصارت
في بيت اهلها



يالهيس وهي عندك في بيتك ماانتب تناظر خشتها .. ويوم صارت نفاس عندنا
.. 24




تبن ناشب لنا ما عندنا شغله غيرك انت وحرمتك وعيالك




ياخي تحبهم وفاقدهم ضفهم ورح بيتك الله لايهينك ... وابشر بلي يجي يشقر عليكم كل يوم .. بس اعتقونا لوجه
الله
ولا يرفع ضغطي الا لا صار جالس مع حرمته يسولفون في غرفتها وانابالصاله الي جنبهم اهجّد فروخ ابليس الي يفترض انهم اطفال و الارجح انهم عيال اختي .. يقوم واحد منهم يدخل على ابوه وامه ويزعجهم .. ويجي ابوه الله يطول في عمره يكرشه بكل حنان ويقول له " رح رح يا بابالخاله ندى شفها تناديك "
تبـــن
اول شي يا سبع البرومبا تراك ماكل في عيالك مقلب كبر راسك

اجل تبيهم ينادوني خاله ؟ عساهم ينادوني بإسمي مهب بشيـن ثاني ويسد


ثاني شي وش قالوا لك انا ؟ خماّمة الضايع ؟نقرتين لعرض الصورة في صفحة مستقلة

كل ما طق عود بعصى جدعتوابزارينكم علي ؟ انتم تدشرون وانا اتحمل نتايج دشرتكم ؟



نفسيتي تعورني
..



كل ما ذكرت ياخي هالأجانب طقتني غلقه وش زودهم عنا يا جماعة الخيريوم ان الوحده فيهم تولد من هنا وتصك الجينز من هنا .. ما توفي لهايومين الا وهي تقامز وتسوي رياضه
ورا هالفقمات الي عندنا مهب تسذا
وراهم 40 يوم ما عندهم غير فرم بهالمرقوق والجريش نقرتين لعرض الصورة في صفحة مستقلة

قال ايش .. ترمم جسمها قال ، مهب ترميم ذا ردم الله يحييكم


الوحده منهن ما تطلع لبيت رجلها عقب الاربعين الا على شيول
لا والكمخه اختي اقول لها ذاك اليوم ناه بس شوفي ترا ذا الصور عقبولادتها باسبوعين - أأشر لها على صور لزوجة توم كروز - قالت .. واذا ؟لا تقارنين حبيبتي عيالهم هذولي عيال حرام نقرتين لعرض الصورة في صفحة مستقلة
<--------
يالهدره يالكمخه يالفاهيه .. الحين نفاس ولد الحرام يفرق عن نفاس ولدالحلال نقرتين لعرض الصورة في صفحة مستقلة



ياربيه بس
اسعفوني .. أريد حلاً ؟
عموما انا بقوم الحين اصلي المغرب وانزل استقبل الوفد الجديد بس اتوقعاني ارجع اكمل تفلت
والله يابي مّر مهب صاحي .. مهب رايح لين افرك البياله بجبهة وحده من هالزايرات نقرتين لعرض الصورة في صفحة مستقلةنقرتين لعرض الصورة في صفحة مستقلة
ويع اشم ريحة حلبه >ههههههه




منقول وان شاء ما يكون مكركر ,,,


 

رد مع اقتباس
قديم 14 / 11 / 2010, 18 : 06 AM   #2
تميراوي عريق


الصورة الرمزية جار القمر
جار القمر غير متواجد حالياً

بيانات اضافيه [ + ]
 رقم العضوية : 11894
 تاريخ التسجيل :  26 / 09 / 2009
الوظيفة :
الهويات :
عدد الالبومات :
 أخر زيارة : 16 / 05 / 2024 (53 : 07 PM)
 المشاركات : 43,600 [ + ]
 التقييم :  2147483647
 MMS ~
MMS ~
افتراضي رد: في بيتنا نفاس !!! لا يفوتكم



ههههههههههههه
والله هذا اللي صاير
النفاس عندنا شغله مالها اول ولا اخر
مشغلين الناس اللي عندهم نفاس ومشغلين جيرانهم واللي يقربون لهم
ابروح اقهوي فلانه !!! وخذ يا انواع الكيك والشوابير والبساكيت والمكسرات والمشروبات
اللي يشوفهم يقول مسكينه هذي لها تسعة اشهر ماكلت ولا شربت
وفيه عادة بدت تنتشر من تالي وهي قولت ابعشي اختي !! والعشاء وشو ؟ ذبيحة ..!! لعنبو خيركم ماشرينا ضحية نضحي بها لنا ولوالدينا نعشي بنات الناس
واذا فقيت اثمك بتقول شي قالوا مستخسرها على فلانه ؟! تسعة اشهر وهي حامل ماتشيل عمرها وولادة وطواعين !!
الله يرحم جدتي تقول جاية من البر حاصدة ويوم اقبلنا على تمير جتني الطلوق وزبنت هاك الشجيرة وولدت تحتها خالك ناصر ولفيته في خلق وجيت امشي الين وصلت البيت .


 
 توقيع : جار القمر

[flash=http://www.albargsh.com/up//uploads/files/domain-3d0c23372f.swf]WIDTH=550 HEIGHT=320[/flash]


رد مع اقتباس
قديم 14 / 11 / 2010, 31 : 09 PM   #3
المستشارة والقآئمه بشؤون العنصر النسآئي
Free size


الصورة الرمزية سُلاَفْ القَصِيدْ
سُلاَفْ القَصِيدْ غير متواجد حالياً

بيانات اضافيه [ + ]
 رقم العضوية : 4609
 تاريخ التسجيل :  03 / 04 / 2008
الوظيفة :
الهويات :
عدد الالبومات :
 أخر زيارة : اليوم (29 : 02 PM)
 المشاركات : 1,023,248 [ + ]
 التقييم :  2147483647
 الدولهـ
Saudi Arabia
 الجنس ~
Female
 SMS ~
......... يَآ رب

............ أروي وآلدتي

.................. فرحاً ♥♥
قـائـمـة الأوسـمـة
وسام العطاء 
مزاجي:
افتراضي رد: في بيتنا نفاس !!! لا يفوتكم



هههههههههههههههههههههه
يآني ضحكت ضحك لين دمعت عيوني
شكلهآ كل سنه عندهم نفآس ومن الحره والقهر طلعت اللي بقلبهآ كله..
تسلم يــ الطيب على روعة الموضووع


 
 توقيع : سُلاَفْ القَصِيدْ

اللهم صل وسلم على نبينا محمد


رد مع اقتباس
قديم 14 / 11 / 2010, 45 : 09 PM   #4
تميراوي برونزي


الصورة الرمزية لحظه XD
لحظه XD غير متواجد حالياً

بيانات اضافيه [ + ]
 رقم العضوية : 18856
 تاريخ التسجيل :  04 / 11 / 2010
الوظيفة :
الهويات :
عدد الالبومات :
 أخر زيارة : 14 / 08 / 2011 (34 : 06 PM)
 المشاركات : 1,574 [ + ]
 التقييم :  734045613
مزاجي:
افتراضي رد: في بيتنا نفاس !!! لا يفوتكم



ياعميري ياهالبنيه مالقت احد تطلع فيه حرتها
تسلم اخوي ع الموضوع


 
 توقيع : لحظه XD




رد مع اقتباس
قديم 14 / 11 / 2010, 56 : 09 PM   #5
تميراوي برونزي
يحلمون اللي فيك يفكرون


الصورة الرمزية y7lmoon
y7lmoon غير متواجد حالياً

بيانات اضافيه [ + ]
 رقم العضوية : 18763
 تاريخ التسجيل :  29 / 10 / 2010
الوظيفة :
الهويات :
عدد الالبومات :
 أخر زيارة : 01 / 06 / 2018 (53 : 03 PM)
 المشاركات : 2,144 [ + ]
 التقييم :  1232775400
 الدولهـ
Saudi Arabia
 الجنس ~
Female
 MMS ~
MMS ~
 SMS ~
ان مت يايمه تناسي مع الوقت
وتقبلي موتي بقوة اراده..
مزاجي:
افتراضي رد: في بيتنا نفاس !!! لا يفوتكم



هههههههههههههههههههههههههاي تحكي معاناة الجميع..
ياحليلها كارهه كل شي من هالنفاس..


 
 توقيع : y7lmoon

يآآرب .. أجعل أمي سيدة من سيداات الجنه
وأبي من اسيااادهم ..نقرتين لعرض الصورة في صفحة مستقلةنقرتين لعرض الصورة في صفحة مستقلة


رد مع اقتباس
قديم 14 / 11 / 2010, 01 : 10 PM   #6
تميراوي فضي
Free size


الصورة الرمزية تميراويه فله
تميراويه فله غير متواجد حالياً

بيانات اضافيه [ + ]
 رقم العضوية : 13062
 تاريخ التسجيل :  26 / 02 / 2010
الوظيفة :
الهويات :
عدد الالبومات :
 أخر زيارة : 27 / 05 / 2014 (04 : 12 AM)
 المشاركات : 3,117 [ + ]
 التقييم :  2147483647
 MMS ~
MMS ~
مزاجي:
افتراضي رد: في بيتنا نفاس !!! لا يفوتكم



هههههههههههههههههههههههههه
احسسهآ مسكت آلكيبورد وططلعت كل حرتهآ فيه نقرتين لعرض الصورة في صفحة مستقلة
بسس مآ آوآفقهآ آحسس آلبيت له طعم نقرتين لعرض الصورة في صفحة مستقلة
آذآ كآن عندك بزر تشيلينه وتضحكينه نقرتين لعرض الصورة في صفحة مستقلة
يعطيك آلعآفيه آخوي ع آلموضووع ..~





 
 توقيع : تميراويه فله

لآ آله آلآ آلله .. آستغفر الله نقرتين لعرض الصورة في صفحة مستقلة

البسآطةُ جمال ،، فـ كفوا عَن التكلفِ في كُل شي 3>


رد مع اقتباس
قديم 14 / 11 / 2010, 11 : 10 PM   #7
تميراوي برونزي
أستغفر الله وأتوب اليه


الصورة الرمزية > Miss 7nan
> Miss 7nan غير متواجد حالياً

بيانات اضافيه [ + ]
 رقم العضوية : 16855
 تاريخ التسجيل :  17 / 06 / 2010
الوظيفة :
الهويات :
عدد الالبومات :
 أخر زيارة : 22 / 12 / 2011 (37 : 06 PM)
 المشاركات : 2,320 [ + ]
 التقييم :  2147483647
 الدولهـ
Saudi Arabia
 الجنس ~
Female
 MMS ~
MMS ~
مزاجي:
افتراضي رد: في بيتنا نفاس !!! لا يفوتكم



هههههههههههه الله ياخذ ابليسها

والله فررغت كل حرتها وانتقدت بأسلوب ممتع بعد ههههههههه

ابو رائد يعطيك العافية عالنقل ..


 
 توقيع : > Miss 7nan

إذا خنقكْ دخاّن الألم فــ افتح نافِذة الدُعاء لِـ يتجّدد الهواءْ.

لا إله إلا أنت سبحانك اني كنت من الظالمين ..


رد مع اقتباس
قديم 15 / 11 / 2010, 40 : 07 AM   #8
تميراوي سوبر


الصورة الرمزية ابـو رائد
ابـو رائد غير متواجد حالياً

بيانات اضافيه [ + ]
 رقم العضوية : 4261
 تاريخ التسجيل :  05 / 02 / 2008
الوظيفة :
الهويات :
عدد الالبومات :
 أخر زيارة : 16 / 08 / 2016 (33 : 12 PM)
 المشاركات : 1,182 [ + ]
 التقييم :  566427847
 الدولهـ
Saudi Arabia
 الجنس ~
Male
 MMS ~
MMS ~
مزاجي:
افتراضي رد: في بيتنا نفاس !!! لا يفوتكم



اشكر للجميع مرورهم ,,,


 

رد مع اقتباس
قديم 15 / 11 / 2010, 44 : 07 PM   #9
تميراوي نشيط


الصورة الرمزية جبل الثلج
جبل الثلج غير متواجد حالياً

بيانات اضافيه [ + ]
 رقم العضوية : 12718
 تاريخ التسجيل :  09 / 02 / 2010
الوظيفة :
الهويات :
عدد الالبومات :
 أخر زيارة : 17 / 08 / 2017 (50 : 02 AM)
 المشاركات : 192 [ + ]
 التقييم :  45639994
 MMS ~
MMS ~
افتراضي رد: في بيتنا نفاس !!! لا يفوتكم



هههههههههههههههههههههه
يآني ضحكت ضحك لين دمعت عيوني الله يعطيك العافيه موضوع مسلي


 
 توقيع : جبل الثلج






رد مع اقتباس
قديم 15 / 11 / 2010, 17 : 08 PM   #10
تميراوي


الصورة الرمزية مـــو مـــو وبــس
مـــو مـــو وبــس غير متواجد حالياً

بيانات اضافيه [ + ]
 رقم العضوية : 13283
 تاريخ التسجيل :  15 / 03 / 2010
الوظيفة :
الهويات :
عدد الالبومات :
 أخر زيارة : 26 / 08 / 2012 (19 : 07 AM)
 المشاركات : 79 [ + ]
 التقييم :  13004067
افتراضي رد: في بيتنا نفاس !!! لا يفوتكم



ههههههههههههههههه


 

رد مع اقتباس
إضافة رد

مواقع النشر (المفضلة)

الكلمات الدلالية (Tags)
&#60;&#60;&#60;, &#62;&#62;&#62;, بيتنا, يفوتكم, نفاس

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 34 : 10 PM.


تصميم وتطوير سفن ستارز لخدمات الاستضافة والتصميم