لي وليف لانظرته يبتهج لي وابتهج لـــه ... الشاعر/ تركي الفيصل

لي وليـفٍ لانـضـرته يـبـتهـج لي وابـتـهـج لــه
أتـشـفـق شوفـته وارجي إلهي يحفظه

ارخص الروح العزيزة وارخص الأموال لجلــه
واحترم منهو يعزه وابغض اللي يبغضـه

ولو يطَََوّل في غيابــه قـلت حالي قـرب أجـلـــه
خـايف جـور الـلـيالي تبتليــه وتمرضــه

مــاحـلى نـغـمة كلامـك ياعـسل يانهــر دجـلـــه
والله إن حبل المودة لونقضته مانقضـه

وش علامـك ياعنـود الـريـم محـتـارة وخجلـه
الـخـجل بيني وبيـــنك اتركـــه لاتفرضــه

قــلـــت أنا الأيام تـبطي قــالوا الأيــام عجـلــه
عجلة للــي تحـقــق لـــه منـاته وغرضه

والله إن فقد الولايف مثل رجل فـقـد رجــلـــه
لابغى يـاقـف تحـسر مالـقى من ينهضــه

صار لي مده وحالي من فراق الزين وجلــه
وإن عرض لي غير حبه والله إني لارفضه

والهوى ظالم وغارم تعس منهُ مانفرج لـه
وفي حياتي استفدت وخذت درس وموعظه

الشاعر / تركي علي الفيصل

والهوى ظالم وغارم تعس منهُ مانفرج لـه
وفي حياتي استفدت وخذت درس وموعظه


وآنآ آشهد
آبيآت جمييلة ومآهي غريبة على شآعرنآ
صح لسآنه وسلم نآقلهآ
لاهنت

قــلـــت أنا الأيام تـبطي قــالوا الأيــام عجـلــه
عجلة للــي تحـقــق لـــه منـاته وغرضه

كلمات جزله وعذبة المعاني
صح لسان الشاعر وسلمت يمين ناقلها

اِلـَوَفْآءْ بـِنْـتْ

احلام وردية

صحت ألسنتكم وسلمت يديكم على المرور الرائع

سعدت بتواجدكم