إلى مدير مستشفى بتمير

السسسسلام عليييكم

انا امس كتبت الموضوع وانمسح بسبب المشكله الي صارت للمنتدى

اول شي حابه اشكر الاداره المستشفى على اهتمامه للمرضى

واشكر رئيسة القسسسسسم على اهتمامها بالمرضى ومرافقين للمريض

بس المشكله هنا العملات النظافه فيهم لقافه مو طبعيه ومايخلون المريض ينام زين ابد كل شوي دخلين عليه

كل ماجاء زائر للمريض دخلو يشفون وش جاب وخاصه اذا كان رجال يجون يرتزون عنده

ولا يدخلون يروعون المريض يدخلون بدون مايطقون الباب والسبب بس تدور في الغرفه تشوف وش جاء بعدها من هديه للمريض واذا قلت لها وش تبين تقول مابي شي ولا تدخل وتبربر

ولا تجي ابي شاهي ابي كمون ابي مدري وش يعني معقوله المستشفى مقصرين في اكلهم ولا وش سالفتهم صح ان بيكون اجر للمريض بس والله يفشلون الواحد

لما يجونه ضيوف يدخلون ويطلبون

وربي شي مو معقول انا مابي اقطع رزقهم بس اتمنى من الاداره تكلمهم ان يجون مرتين مره قبل وقت الزياده وينظفون ومره لما يطلعون الزوار بس وغيره لا

مو كل دقيقه ناطين على المريض حتى وهو نايم مايخلونه يرتاح

اتمنى بس تفهمونهم ماتقطون رزقهم

يعطيك العافيه

على الملاحظه الغير مستغربه على عاملات المستشفى

وإن شاءالله ينسمع صوتك ويتم معاقبتهن

السلا م عليكم
والله ماألوم هالعاملات راتب 300 ريال وتتأخر كم شهر
بس يبيلهم توجيه مع الشكر

اي والله صدقتي الحريم صارو مايحبون يتنومون منهم

ينطون بوجيهم كل حزه ليل ونهار يدهرون

عاد كود احد يرد عليك الصوت ويسنعونهم

ياحلوكم من جد يجبوون الظغط مايخلون احد ياخذ راحتها مع الاهل يجون يبون شي ياكلونة نعطيهم بس ؟؟؟؟ ولا وكل دقيقة ينظفون من زود النظافه عندهم انقشع البلاط من كثر التنظيف والله المفروض وقت الوجبة والزيارة يمنع اي احد يدخل على المرض وبس

الموت فيه اختراع جديد اسمه جرس تظغطين عليه وقت الحاجه يعني وش حاجتها
كل شوي ناطه عندك ماطلبتي منها تجي لقافه وبس ولايبون شي على العموم اتمنى يسمعون
صوتك احتراامي,,,

اتمنى يأختي يسمعونك ويشوفون حل معهم ..

مشششكورين على مروكم وان شاء الله يسمعون الادراه ويكلمونهم

وفيه شي بعد نسيت اقوله ان الغرفه يجون يمسحونها بمطهر ويرحون والغرفه يطلع فيها كم صرصور مايحطون شي يقتله في الحمام وانتم بكرامه :@

أول شي الحمد لله على سلامتكم.

ثانياً: هالعاملات تعود من كرم أهل تمير

كل ماجت حرمه من حريمنا الكبار لفزت في يدها خمسه أو عشره أو إللي يجي في يدها
وما ينلامن هالمسيكينات يبون يعيشون ..
وهم تراهم مهب مثلنى متربين على الأحترام.
أهلهم في ديرتهم مهوب يفكرون أنهم يربونهم على الأحترام أهم شي يلقون لهم شي ياكلونه وبأي طريقه وأظنهم شابو على هالشيئ,ولابد منى أنا نتحملهم ونكلمهم بالكلام الزين أحسن من أنا ننزر عليهم لأنهم مايهتمون بنزرت الواحد منا.

وما اقول إلا كان الله في عون الجميع.

ماقلت انزروهم انا قلت يجون الادراره ويفهمونهم

ان المريض لازم يرتاح حتى في نومه مايخلونه يرتاح مو معقوله وهو نايم يدخلون عليه ويخرعونه

اتوقع مالها حاجه تدور في الغرفه تشوف وش جابو الضيوف من للمريض

وفيه وحده لما عطينها اكل قالت مابيه ابرميه في الزباله قلنا لها خلاص نعطي غيرك اذا راح ترمينه


قالت سعودي مافي يعطي هديه يعني تبي فلوس ماتبي اكل