ياللي تهدد تبي فرقاي وش ردك

ياللي تهدد تبي فرقاي وش ردك = مهوب انا اللي على الفرقا تهددني
ان كان ماجاء على بالك ولا ودك = ثمّن كلامك ولا تغلط تعاندني
ماتشفع عيونك الخدرات في صدك = عندي كرامه وتبطي لو توددني
لكني ابنشدك وش الذي حدك = وانت انشد ان كان في خاطرك تنشدني
اشوف دمعآ تحدر من على خدك = هذي ديون الهوى واليوم سددني
يازين فصّل لك ثيابآ على قدك = والحب كلمه عليها لا تشهدني
لا تحسبني معك والا ترى ضدك = خطاك يومك بغيت انك تقلدني
واظن ياصاحبي جاك الذي سدك = ماعاد تقدر على الفرقا تهددني

السنافي

مشكور

وقصيدة رائعة ومشاركاتك دائما

لها روح خاصة

العفو يالمدرس وشاكر لحضورك المتميز لكن الساحه ماتشجع على التواصل .

تحيااااااااااااتي

السنافي اسم على مسمى

مشكووور وما قصرت

ابداع جميل

وتستحق الثناء عليه




سلام

	يازين فصّل لـك ثيابـآ علـى قـدك والحـب كلمـه عليهـا لا تشهدنـي لا تحسبني معـك والا تـرى ضـدك خطاك يومـك بغيـت انـك تقلدنـي واظن ياصاحبي جـاك الـذي سـدك ماعاد تقـدر علـى الفرقـا تهددنـي تسلم السنافي على القصيده الروووووووعة

الاخ هادي/ ماعليك زود وشاكر لحضورك


الاخ / ولد عنبر الروووووووووووعه في حضورك المتميز

تحياااااااااااااااااااااتي

استغرب كلماتك

وسوف تحدث نقلة بمشاركانكم

قريباً

ماتشفع عيونك الخدرات فـي صـدك
*********** عندي كرامه وتبطـي لـو توددنـي


ياعيني على ها الكلام


تسلم يمناااااااااااك وصححححححح لسااااانك مليووووون

صح بدنك ومرورك ياوارث الطيب وسام اعتز به

تحيااااااااااااااااااااتي

صح لسانك مليون
ولاهنت

ننتظر جديدك دوماً