دخيلك في نصف دربٍ جمعنا لاتخليني

دخيلك وش ورى كثرالعناد الاجفا وابعاد

دخيلك لاتعذنبي وتتعبني وتشقيني

ترفق في خفوقن منك ماهو لزعل معتاد

ترى بسمه من شفاتك بنظرة شوق تكفيني

انا لاغبت عن ليلي بدى ليلي حزن واحداد

اعاني قسوة ايامك وحيد ومن يواسيني

فلا تحسب ليالاً غبتها تحسب علي وتعاد

زماناً غبت به عني مهو من جملة سنيني

سكن حبك وسط فج الضلوع الناحفات وساد

بدى ينبض غلاك بكل عرقٍ من شراييني

يكفي ياغلا روحي زعل ومعاتبه وعناد

انا لوتهت بدروبك تجاهلني عناويني

على قو التحمل والصبر والجد والاجهاد

ياليت اللي عطا قلبك قسى ينصف ويعطيني

احبك واعترفلك بالخفى وابعد عن النقاد

احسب انك معي تشقى كثر ماانته مشقيني

ملكت الروح لك وحدك فلا تسمع ولاتنقاد

ورى ناسٍ تحاول عنك تشغلني وتغريني

يمنيني غرامك بالسعد والود والميعاد

واقول انه يجيلك يوم تنصفني وتوفيني

اعاني لاهب الشوق الغريب الحارق الوقاد

وليال العمر لوطالت بقربك ماتكفيني

مدام استوطنت روحي بروحك والسنين امداد

دخيلك في نصف دربٍ جمعنا لاتخليني

انا لاغبت عن ليلي بدى ليلي حزن واحداد

اعاني قسوة ايامك وحيد ومن يواسيني
ابيات رائعه
شكرا كبيره هاااوي تمير

صح لسانك ولسان قايلها
شكرا هاااوي تمير

اقتباس: المشاركة الأصلية كتبت بواسطة كحيلان التميمي    انا لاغبت عن ليلي بدى ليلي حزن واحداد اعاني قسوة ايامك وحيد ومن يواسيني ابيات رائعه شكرا كبيره هاااوي تمير

العفوه اخوي على الرد الراقي

اقتباس: المشاركة الأصلية كتبت بواسطة جار القمر    صح لسانك ولسان قايلها شكرا هاااوي تمير

العفو اخوي جااار القمر

ياليت اللي عطا قلبك قسى ينصف ويعطيني

احبك واعترفلك بالخفى وابعد عن النقاد

شكرا قليله ولك ماتنقال يالغالي الله يوفقك
عوآآآآآآفي

ابيات رائعه
شكرا لك

اقتباس: المشاركة الأصلية كتبت بواسطة ريسوو    ياليت اللي عطا قلبك قسى ينصف ويعطيني احبك واعترفلك بالخفى وابعد عن النقاد شكرا قليله ولك ماتنقال يالغالي الله يوفقك عوآآآآآآفي

تسلم لمررررورك العطر

اقتباس: المشاركة الأصلية كتبت بواسطة حلاي معذب غيري    ابيات رائعه شكرا لك

مشكوره على الطله الرائعه