يامـــــــل قلب

يامل قلب كل ماقلت جازي=غنى مثل ما جابت الورق جابه
بين الظماير صار فيه اهتزازي=اليا دق هاجوسه يغلق ظبابه
هو من أول كان داله وعازي=لين هاجوس الظماير بدابه
وهيظ علي القاف والقلب جازي=الشاعر اللي ساع جاني جوابه
نجبت له فرد جديد الطرازي=ممتاز طرزه سايقه ساع جابه
ممتاز طرزه ماعليه امتيازي=منوة غريب مطول في غيابه
جلده مع الخد الرقاق العزازي=جلد المطر من مدلهم السحابه
ملفاك ابومقحم اليا جيت فازي=ماهوب خطو اللي يحسب حسابه
وقله من أول يوم طرد الجوازي=كلن على كيفه يفصل ثيابه
تعبت في طرد المها لين حازي=وأقفى وعاد الصيد صعب صوابه
أنشدك يوم انك سكنت الحجازي=عن صيده اللي خابره في هضابه
صيد شناح الصدر فيه ارتكازي=دايم ويم الحس عوج ارقابه
أخبرك وأرجي اللي عليه اعتنازي=والسيف قوة ضربته من نصابه
ولو التمنى قدمي فريج البرازي=قام يتوجد لين وجده غدابه
عجل علي رد الخبر بالنجازي=ترى الصديق يسر بالي كتابه

اخوي مهنا


اشكر لك مشاركاتك الجميلة

وأنت مكسب للمنتدى

بارك الله فيك

يامرحبا يالمدرس تراحيب المطر

مرورك بحد ذاته شرف

والمكسب معرفة مثلكم وشرواكم

لاهنت يالقرم على تواصلك

اخوك
مهنا العتيبي
الموج

هلا وغلا بالشاعر مهنا العتيبى وصح لسانك

قصيده ممتازه والله لايهينك
تحياتى

صح بدنك يابو لافي
ولاهنت يالقرم على هذا التواصل الذي أعتز فيه

لك تقديري واحترامي

أخوك

مهنا العتيبي
الموج

تعبت في طرد المها لين حازي
..........وأقفى وعاد الصيد صعب صوابه
أنشدك يوم انك سكنت الحجازي
........عن صيده اللي خابره في هضابه
صيد شناح الصدر فيه ارتكازي
............دايم ويم الحس عوج ارقابه
أخبرك وأرجي اللي عليه اعتنازي
..........والسيف قوة ضربته من نصابه


الله الله يعيني عليك ياالمووووج

صحححححححح بدنك ابيات جزله ومرهفه

يامرحبا يا وارث الطيب

شرف لي مرورك هذا وشرف لي اطرائك

لاهنت وأبرك الساعات يالقرم

تقديري واحترامي لك

مهنا العتيبي
الموج

	مهنا العتيبى يعطيك العافيه اخي على اتحافنا بهذه القصيده الرائعة

أخي الكريم
ولد عنبـــــــــــــــر
الله يعافيك ولاهنت أخي على مرورك المشرف لي

ومرورك بحد ذاته روعه ومكسب

لك التقدير والاحترام
أخوك
مهنا العتيبي
الموج