مع خالص التقدير لبو وليد

تحيه طيبه للجميع
هذه الابيات ردا على جمله اخي هبوب الشمال(ابووليد)
في مروره الكريم على مشاركتي (لاتحسبنا نفترق يامهنا)
بجملته قلبك خضر يالموج ؟

ياعلي يا القرم بنشدك عينت الحبيـب=بشروا قلب (ن)جريح تزايـد علتـه
لا لفيت اديارهم يا علي منت بغريب=واهنيك ياعلي لا شربتـوا دلتـه
صاحبي في ديرة لا بعيد ولا قريـب=شدة القلـب الشقـي باليديـن وتلتـه
يا علي يالقرم ذييب عوا لعواه ذيـب=مير قلب الذيب حـر اللهايـب ملتـه
ياعلي مذهب وأدور مع العالم ذهيـب=والمـدور ياعلي ماتغيـر ملـتـه
ياعلي( قلبي خضر )والهوى ماله طبيب=ماجـداي الا دمـوع عيونـي هلتـه

وهذه من كلمات وشيلات (المــــوج)مهناالعتيبي التي أشتهرت بديوانية شعراء النبط
بدولة الكويت وحبيت أذكر أخي ابو وليد فيها واضعها بين يدين اخواني أهل تمير والمشاركين
ودمتم
مهنا العتيبي
المــــــــــوج

حياك ربي يالموج معنا ونشاء الله نشوفك على طول وبو وليد يستاهل كل خير تحياتي لك

طيب اخوي وين الابيات التي ذكرتها

لم ارى شيء منها

اخوك الراااايق

مرحبــــــــــــا يالنادر ومرورك شرف لي
وانشاء الله نكون عند حسن ظن الجميع
تقبل تحياتي وتقديري
أخوك / مهنا العتيبي
المــــــــــــوج

مرحبا يالرااايق
ومرحبا بمرورك الكريم
والابيات هي المعلنه على الصفحه
ومطلعها( ياعلي يالقرم )
والموضوع مشروح في اعلا المشاركه
لك تقديري واحترامي
أخوك/ مهنا العتيبي
المــــــــــوج

صح لسانك يامهنا والله لايهينك
تحياتى

ابــــــــــو لافي
أشكرك على تواصلك ومروك الكريم
والاهنت وصح بدنك
الشكرفان والعرفان لشخصك الكريم
أخوك/ مهنا العتيبي
المـــــــــــوج

صح لسانك يابو مهنا قصيده بروعة حضورك

دمت ودام ابداعك

ننتظر قادمك

تحيتي لك

الاخـــــــــــت الكريمه /عهـــــــــــود

صح بدنك ولاهنتي على اطرائك ومرورك المشرف

وللتصحيح يا أخت عهـــــــــــود أنا ابو صالح واسمي مهنا
هههههه

ودمتي ودام قلمك وابداعك

أخوك/ مهنــــــــــــــــــــــــــاالعتيبي
المــــــــــــوج

ما شا الله عليك

ردك جميل

وصح لسانك على هالابيااااااااات


سلام