مي لو ما قلـت فيهـا بيـت واحـد ماتضايـق

مي هذي مثل طل الصبـح لأغصـان الحدايـق

يبتسـم قطـر النـدى لا باسـتـه أو باسـهـا

مي هذي بنت لا من شفت صدر الليـل ضايـق

أدري إن عيـون مـي اليـوم طـال نعاسـهـا

من هنا تصحي ويصحى الحب في عيون الخلايق

ومن هنا تغفي وتنسى الأرض ضحكـة ناسهـا

يسعد الله قلب مـي اللـي كثـر ماهـو بايـق

من قلوب الخلـق ماأذكـر مـر يـوم وداسهـا

لأن مي أرق بنت ولـو قسـت ماهـو بلايـق

حيرتنـي مـي الأجمـل هـي ولا أحساسـهـا

بالها لا ضاق زانت كيف لا من صـار رايـق

فـي إنتباهتهـا بـراءه كيـف هـو جاسـهـا

العمر لو كـان ضحكـة مـي تكفينـي دقايـق

بس أخاف إن مت تحنـي مـي فوقـي راسهـا

مي لـو تبكـي لموتـي مالـي إلا فـز فايـق

من قبل لا أمـوت اكثـر مـن نشيـج أنفاسهـا

مي لا تعطين بال لمـن يقـول المـوت عايـق

الجسـد موتـه يفـك الـروح مـن حراسـهـا

ما أحبك فـوق الأرض وبـس ياكـل الخلايـق

حتى تحت الأرض أحبك يا بعـد مـن داسهـا

مي لو ما قلـت فيهـا بيـت واحـد ماتضايـق

لأن مالي شعـر ينشـد لـو رفـض كراسهـا

أتمنى أن تروق لذائقتكم

سلمت ياسويد على ذائقتكْ المترفه ..

سلمتَ على الآختيار والذوق الرائع
يعطيك العافيه

تسلم يا سويد على الاختيار..