حــلــــي وتـــرحـــالــــي

30 / 11 / 2009, 59 : 03 AM

يا الربع خلوني أسلا دامني سالي=عز الله أن دمعتي ما فارقت عيني
خلوني أضحك وأسولف مالك ومالي=ياللي تدق الوتر تبغى تبكيني
قلبي من الحزن شال خفاف وإثقالي=تذري عليه السوافي والبخت شيني
شاب الدقن شاب راسي تحت دسمالي=وجر صوتي ولا به من يلاحيني
وغزاني الهم رجليه وخيالي=ونخاني القلب وخربت بينه وبيي
قمت أتحدى وزماني شرب فنجالي=وصارع الوقت وحظي كسر إيديني
لاكن شموخي بقاء عزي وتمثالي=ما ينثني الراس حتى للمحبيني
فوالله ما أبكي على حلي وترحالي=ولا سال دمعي ضعف ولا من الديني
ولا همني ضحكة الشامت على حالي=ولا همني العدا لوهم ملاييني
ما هل دمعي سوا من علة الغالي=رجله عطيبه وزادوها المداويني
يبغى يوقف على كفه ولا أحتالي=وأن ون كنها الخناجر في الشراييني
فمانسأل الا الشفاء من ربنا الوالي=من غيره إللي على الشده يواسيني
فخلوني أضحك وأسولف وأبسط سالي=وعز الله أن دمعتي ما فارقت عيني