أوصـــــــــاف الــرجــال

يوم إستمرت لـي بيـوت القصيـده=
وصف الرجال صعيـب للـي يريـده=
رجل معك بالحيـل والحـال والمـال=
يمشي معك بالروح في لاهب الـلال=
ورجلٍ ليا منه بغـى منـك ضحـاك=
يبـور بـك تالـي زمانـه ويجفـاك=
ورجلٍ رويغـي ماتصيـده محابيـل=
ماقط ضالـو فـي محلـه مشاكيـل=
ورجـلٍ كريـم ودائمـا مرحبـانـي=
يملا بصنـف الأبيضيـن الصيانـي=
ورجلٍ ربادي يفعل الزيـن والشيـن=
يواعدك بالسبت ويجي يوم الأثنيـن=
ورجلٍ فقير وينفق الصبـح والليـل=
والرزق ياتي لـه مـن الله تساهيـل=
ورجلٍ غنـي لكـن مايفعـل الجـود=
ليامات عن ماله محاسـب ومنشـود=
ورجـلٍ تعلـق خافقـه بالمسـاجـد=
يالله عسى أمثاله من النـاس واجـد=
اللـي مسـك دينـه وربـه يخافـه=
مؤمن قوي ماهوب مؤمـن ضعافـه=
ورجـلٍ معقـد غاطـسٍ فالحمـاقـه=
فـي كـل يـومٍ قاطعـيـنٍ بنـاقـه=
ورجلٍ يغامر ميـر مامـن مخاريـج=
حيث العلوم إلهـا سلـوم ومداريـج=
ورجلٍ حسود ولا يبا الخيـر للنـاس=
علة نحر قاصر نظر خاوي الـرأس=
ورجلٍ نمـوم يجمـع الهـرج دايـم=
كـم غافـلٍ يرمـي عليـه الظلايـم=
ورجـلٍ كـذوب وكلمتـه ماتـعـدي=
ولاينحسـب قولـه حقيقـي وجـدي=
ورجلٍ جزوع أ يّات شـيءٍ يروعـه=
لوقلت وش رأيك ، تصافق ضلوعـه=
ورجـلٍ صبـورٍ فالشدايـد ليـاحـد=
في واجبه ماقط عـن واجبـه صـد=
ورجلٍ نصوبٍ رز عنقه على مـاش=
أن فتح باب المجد يجفـل وينحـاش=
ورجلٍ صميـدع فالمهمـات صامـل=
لياشـاف ميـلات الخطـا مايجامـل=
ورجلٍ مشاغب كـل يـومٍ دعـاوي=
وسـط الدوايـر كـل يـومٍ يعـاوي=
ورجلٍ معنى ماكسـب حظـه الخيـر=
ودايم يجيله فـي طريقـه عواثيـر=
ورجلٍ طموع ولا يفـرق فالأطمـاع=
للسحـت جمّـاعٍ وللخيـر مـنـاع=
ورجلٍ على ماقيـل سـارق ومـزاح=
أن حصل الفرصه بـرم كـل مفتـاح=
ورجـلٍ عنـادي مايطيـع النصايـح=
دايـم مكلـح ضاريـاً بالكـلايـح=
ورجـلٍ حليـم وخاطـره مايضيقـي=
وليا نطـق ينطـق بهـرجٍ حقيقـي=
هـاذي مثايـل والمثـايـل دلايــل=
ولانـي بناطـورٍ علـى كـل عايـل=
لاشـك فيـنـا غـيـرةٍ ماقـدرنـا=
يـالله لا تعمـي بصايـر بصـرنـا=
المعرفه برهـان والشعـر لـه دور=
والعبـد منهيـاً مـن الله ومامـور=
مابه إثنين بقلـب واحـد يعيشـون=
أقولهـا والنـاس غيـري يقولـون=
الله خلق ماشـي وزاحـف وطايـر=
وحنا على نوعيـن ، وافـي وبايـر=
لوحضّر الأنسـان كامـل إحساسـه=
أقل شـيء يشيـب ويـدوخ رأسـه=
ومـن لا قنـع لابـد يقنـع بيومـه=
ماعـاد معـه إلا صلاتـه وصومـه=

مختارات عهود

والله ما بقى وصف للرجال ماورد بالقصيدة

تسلمين عهود على القصيدة الجميلة

وسبق وتم نشرها هنا بالساحة

بس الزين ماينمل

لك كل الشكر

وحنا على نوعين ، وافي وبايـر
والحق حق وماعدا الحـق بطـلان


لوحضّر الأنسان كامـل إحساسـه
بعقل ود رس كـل الوقائـع دراسـه


مشكووووووره عهود على هذي المعلقه

اختيااااار موفق

سلام

الاخت عهود

ما شاء الله تبارك الله

تسلمين والله

وصح لسانك

مشكوره يالطيبه

تحيااااااااااتي

سمسار 15

مرحبا بكم اعزائي جميعا


وتسلمون على ردودكم

وشكرا لمروركم

تقبلوا تحياتي

ما تقدميه يعتبر من روائه الشعر الشعبي

ربي يسلمك

;)بنـ الشيوخ ــت;)

ع هــ و د ،،،

السلام عليكم ورحمة الله وبركاتة

تحية معطرة بالورد أهديها إليك
كل هطول لك يدهشنا

ويشعل قناديل التوهج في المساحات
لتغردي وتغردي بتميز
ولتنسجي أروع الكلمات

فقط أحببت أن أسجل أعجابي ومروري
دعواتي لك بالتوفيق والنجاح

تقبلي أرق تحياتي مقرونة بالورد

أخـــ البلوي ــــوك

مرحبا بك اختي الغاليه بنت الشيوخ

رائع حضورك الكريم وتسلمي اختي

تقبلي تحيتي وعظيم شكري

وعليكم السلام والرحمة

اهلا بك عزيزي البلوي

وشكرا لاعجابك بالقصيده

اتمنى لك دوام التوفيق

تقبل تحيتي واحترامي

ما بقى وصف للرجال ماورد بالقصيدة

تسلمين عهود على القصيدة الجميلة

وسبق وتم نشرها هنا بالساحة

بس الزين ماينمل

نقل رائع