قلبي خذاه مورد الخد واغداه

الشاعر محمد البرجس الناصر من أشهر شعراء الغزل في نجد له الكثير من القصائد الغزلية الرائعة اخترت لكم هذه القصيدة أتمنى تكون بمستوى تذوقكم

قلبي خذاه مورد الخد واغداه = ليته ترفق فيه حتى أني أرجيه
اتلى الخبر به يوم شده بيمناه = وأقفا بمعلوقه يتله ويلويه
عز الله انه عذب القلب واشقاه =ما راف به يوم اخرجه من محانيه
وجفنٍ يفوح وسيل الخد من ماه = من هجر محبوبٍ يوده ويغليه
الله على من وافقه عقب فرقاه = حتى أني آخذ منه مامد واعطيه
حبه لجا بين المعاليق ما انساه = ذا ناظري من جاري الدمع محفيه
بالله ياهل ............ =ردو سلام اللي لضا الحب كاويه
اللي كما ضبيٍ توحش بمضباه = يحير به صبري من العجز والتيه
طفلٍ عواشيق القبايل تمناه = لا معرّض بسمه ولا نيب مطريه
كن العسل مجناه من بارد شفاه = لو ذاق فاه اللي به الموت يبريه
الله يا هجره على العين ما قساه = يا مدني اللي بالسموات تدنيه
والعفو ياريقه على الريق محلاه = ما جربوه أهل القلوب المداليه
أشرق بريقي كل ما حل طرياه = وأجض من بعدي وعيني تراعيه
يا ويل من مثلي نقل داه برداه = يموت محدٍ دارينٍ عنه وش فيه
معذبٍ ينخا صديقه ولا اجداه = ولهان واللي واقع فيه مخفيه
قالوا لي العذال جز منه واسلاه = خله بدربه وأنت لا عاد تتليه
يمكن إلى جنبت تصلح بلياه = الناس قبلك كلٍ أعذر بغاليه
قلت أن ريدي كامل الوصف ما القاه = زينه على معناه ما فيه تمويه
عليه أجاوب نايح الورق ببكاه = هو مجهدٍ يبكي صديقه وأنا أبيكيه
رمحه تمثنا ثومة القلب ما اخطاه = وحبه سكن في ضامري وين أوزّيه
هو شري اللي صاطيٍ في ودواه = كن الله اللي في عذابي موصيه
أقدم على قتلي بسيفه وشلفاه = يصيبني بسهوم عينه وأنا اخطيه
مدعج ربه بصر به وسواه = سحرٍ بموقه راحته ما تغطيه
أقول لا منه تعزل ببمشاه = أحمدك ياربٍ من الملح معطيه
وأوجست يوم أنه بلاني ببلواه = صوتٍ براسي له لجاجه وتدويه
الهم يلحاني وأظن أني أنصاه = يمكن يساعدني إلى جيت ناصيه
طول علي الوقت وانا اتحراه = ليته إلا منه عطا العلم ينهيه
ما يرحم اللي قاربٍ منه بحماه = بحلٍ بحاله مالقى من يداويه
يالله على ما نالني منه تجزاه = وتصخره لي لين يكمل حسانيه
جايهك باللي سخر الغيم وانشاه = اللي تمنيني من العام عطنيه
ما نيب من ينكر عشيره ويجفاه = أوفي مع الوافي إلى غاب وأرضيه
وإلا كثير الناس مانيب وياه = حاضر وغايب مجزلٍ عنه ما ابغيه
عساي ما افقد من حرمني ولا انعاه = أجوز أنا وياه مانيب شاكيه
يا عين حرٍ بان في راس مبداه = نداويٍ ما يمرح الليل راعيه
أقفى غياب الشمس يطرد حباراه = وحال الوعر دونه وزلت حراويه
دعاه صقاره ولا سمع لنداه =يسوق راسه ردت الراس تلهيه
نصت به اللابه وحاصت وهو تاه = علق بسبار ركونه تناديه
الصبح هد وصاد خربٍ تغداه = جايع وطيب خاطره من ثناديه
وطرت له الحومه وتاليه خلاه = متنوين يبي تهامه مماسيه
امصبحٍ راعيه واقطع عقلاه = عقلاه من عقلاي لونٍ وتشبيه
كل الولع هذي حلاياه وقراه = حاذور من طول الغرام وتماديه
السالم اللي سالمٍ منه ماجاه = ياقف على ما صاب غيره ويكفيه

يا عين حرٍ بان في راس مبداه = نداويٍ ما يمرح الليل راعيه
أقفى غياب الشمس يطرد حباراه = وحال الوعر دونه وزلت حراويه
دعاه صقاره ولا سمع لنداه =يسوق راسه ردت الراس تلهيه

[/QUOTE]


مشكووووور على هالقصيده

ومشكووور على نقلها لنا

وعز الله انها جميله


سلام

العفوووو ياا هادي

وهذا واجبنا ننقل لكم القصايد اللي نتمنى انها ترتقي لمستوى تذوقكم

والحمد لله اللي اعجبتك القصيدة

لك كل التقدير

تقبل تحياتي

اخوي امير الحروف

اختيار رااائع

تسلم

وننتظرك دائما

امير الحروف

أبيات رااااائعة

من احساس مرهف

ومشاعر رقيقة

صاغت الحروف

والكلمات بكل سحر وجمال

فلا تحرمنا من قوافيك الجميلة

وبانتظار جديدك دائما

أشرق بريقي كل مـا حـل طريـاه
وأجض من بعدي وعيني تراعيـه
يا ويل من مثلـي نقـل داه بـرداه
يموت محدٍ دارينٍ عنـه وش فيـه



قصيدة من الروعة قررت ان أحفظها

لك الشكر

نقاااا هشااال

مشكووور أخوووي على مرورك

تواصلك يسعدني

تقبل تحياتي

ولد عنبر

الله يعطيك العافية يالغالي على الحضور المميز كعادتك دائماً

لا حرمني الله تواصلك

لك كل الشكر

تقبل تحياتي

المدرس

مشكووور على المرور

واعجابك بالقصيدة اثلج صدري

كنت انتظر ردك على نار

مااا قصرت يا الغالي

تقبل تحياتي

مشكور أخوي

اميرالحروف على القصيدة الجميله

ويعطيك الف عافيه على الجهود المبذوله

وان شاء الله دوم على النشاط المتميز

وسلمت اناملك على النقل