|
|
|
|
|
|
 |
 |
|
|||||
 |
 |
|
|
|
|
||||||||||
|
|
|
| المنتدى الترفيهي وتختص بالدردشة والنكت وقصص الفكاهة وسعة الصدر |
آخر 10 مشاركات
|
 |
|
|
أدوات الموضوع |
26 / 08 / 2004, 25 : 01 AM
|
#1 | |
|
VIP
|
حوار العائله على الماسنجر
بسم الله الرحمن الرحيم
بعد التحيه المعطره بدهن العود حق جدي اللي كل شوي يعطي ريحه شكل حبيت انزل موضوعي هذا لاشرح لكم معاناة عانيتها مع العائله بشكل ودي حليناها اولا حالة الطقس بالموضوع / الرياح / كان هنالك ددسن يفحط خلف عماير الراجحي توقعنا انها اغبره ورياح قادمه لكن اتضح لنا بالاخير انه بزر من المبزره يفرغ شحنة في خاطره بتلك الددسن الامطار / لا يوجد امطار اللهم بالسطر الخامس فيه سطل مويه منتثر : الطقس / حار كلما نزلنا لاخر الموضوع بارد في اوائل الاسطر كمية غاز الكاثو لين / 2.9 % كمية نسبة الهواء بالجو / 11% كمية غاز البروتوفين / 22.6 % لا سحب ولا اتربه ولا شموس توحش اللي مايتوحش امطار على اربع منازل فقط والبقيه لا كما يوجد ثلج كثيف على منزلين بحي الريان ويوجد نجم ساقط بسطح احد المنازل 000 الى هنا نصل الى حالة الطقس بالموضوع نبدأ بالموضوع / انا واهلي عائله راقيه بكل ماتحمله معاني راقيه من معنى دباشة حرية مطلقه فخامه اتيكيت ارتقاء << بيسجل هدف على ارتقاء ذي المهم القصه باختصار كان اجتماع خاص للاهل لحل مشكلة حدثت عندما اجتمعوا الاهل في منزل جدتي 00 ذلك المنزل المتجرد من معاني التماسك العائلي طبعا صار النقاش كله بالمسنجر باضافة محادثه لنا جميعا اضافتنا جدتي بمسنجرها وكان الموضوع الاساسي لاضافتها لنا للنقاش عن من سرق عباية امي يوم الاجتماع 00 المشكله هالعبات تقل علاتسته بقره من كثر الجلسه على عباته تحت في مؤخرة العباة كرمشه من القهر اللي يشوف العباة يحسبه طالعة من قوطي ببس لا والمشكله عمانيه << ان تبطي ياشيخ المهم مالكم بالطويله انحدروا واقروا وش انا كاتبه الموجودين على مسنجر جدتي لذلك اليوم هم كالتالي وكلا على حسب النك الشخصي المكتوب بالمسنجر وايميلها / 1-- جدتي وايميلها والنك نيم حقها بالمسنجر / www.العجوز الفاتنه .com النك نيم / اطقع ما اشوف شيبان قريح كلمة اقولها واوقف عندها 00 ======== 2-- امي << الوالده / www.شرشف صلاتي احمر. com النك نيم /الرز مايحترق والقدر مقصّر عليه *** وابونا عيى يشتري لنا زيت للكشنه ======= 3-- خالتي موضي / www.موضي القشرا . com النك نيم / لاصار خشمك مرتفع يابو سليمان علينا *** رح نظف خشمك ترى مافيه الا وصخ ======= 4-- خالتي هيله / www.هيلة القرما.com النك نيم / مامليت ايدي مجاول واسوارتين *** الا وراك شيء تبي تسويه يالشين ======= 5 -- خالتي رشا / www.بنت القوايل بالحوش منسدحه.com النك نيم / ياويلي مانجحت مزنه الخبله *** اجل تبي كلية الطب هالشينه قلعته ============== بداية الحوار / << الحوار والا حاشي جدتي/ سلام عليكم يابنات بليس وحده تلو الاخرى بعدين انتي ووجهتس يارشا وراتس حاطتن حظر علي تبيني اجي اتمردغ ببطنتس واذبحتس بالمفضله وارميتس بين المستندات يا ام جدايل لو صقعتك مع جبهتك بمخمس انعقدن جدايلك سوى يالشويلا 00 كلنا / وعليكم السلام هلا وغلا بأمنا الكبيره واللي يحط علامة ورد واللي يحط علامة وجه يبتسم واللي يحط وجه يصيح مهابة وخوف من تلك العجوز وانا حطيت واحد يدخن احسبه بتقبل المزح جدتي / ماش ماهناش يامن الطبيله وش هالتتن اللي انت راسمه جعلك بالصفاة تعلق جدتي/ المهم الظاهر انكم تخبرون يوم تجتمعون عندي بالبيت يوم الخميس ليلة الجمعه طلعتوا كلكم بدري من عندي وبقى منكم اختكم موضي وقد سرقت عبايتها 00 نعنبوا بليسكم انا والدتن حراميه والا قطاعين طرق نعنبوكم بمصر حنا والا ساكنين بتوبيس كله حونشيه انا مضنيتكم بشارع الهرم لا رحم الله وجيهكم اليوم تسرقون بعض باتسر القى صوركم مع المطلوبين يابنات قريح وبا زنه والا عازمتكم بحوش غنم والا مقيول لكم ان بيتي ملجأ للحراميه يا اوباش وياحثالة المجتمع 0 قسم بالله لو ماطلعت عباة اختكم الليله وترسلونها برساله خاصه لي على الايميل والا قسم بالله ماتشوفون خير كلكم اني لا ارسل فيروسات على اجهزتكم واخلي اللي مايشتر ي يتفرج << طبعا تسمع بالرسايل على الايميل جدتي / ابغى اسمع تعليق كل وحده منكم 000 بالدور تكلموا 00 خالتي هيله / مسيك بالخير يمه عساني ما اشوف زوجي الليله عساني تحت تريله والا عساه بعير داعس مايوقف الا ببطني اني ماشفت عبايتها 00 عسى ثلاثه من عيالي يتحرولون واربعه ينسون اسمي وسته ينفصلون من المدرسه بعد خالتي رشا / جعلني ازلق بسراميك صالة بيت خويتي عبير اني ماشفت عباتها وجعل سريري ينقلب فرن واصير دجاجه بالفرن اني ما شفت شيء جعلي انام جنب جرذي اذا اني شفت عبايتها جدتي / برب << مهب بسيطه العجوز كلنا / تيت جدتي / باك << ولو راعية تشات كلنا / يسلموووو جدتي بكل تبختر / اجل جاء جني واخذه والا ظنكم ابريق الشاهي كان سحري ورجع للبريق 000 قسم بالله يا جحلّط لو ماتطلع العباة اني لا احرمكم من تبويس راسي ثلاث اعياد واحرمكم من الجلسة بالحوش واذا زرتوني بالبيت طول الزياره واقفين ومحد يفصخ عباته واخلي دخولكم لبيتي باشتراكات وتذاكر دخول وسحب على جوائز << خربته العجوز امي / يمه ممكن مداخله << اوخص مهب بسيطه وانا لازقه معها جدتي / ترنا ماسمعنا وش قلتي عطينا العلم اللي عندتس وبعدين المداخله امي / عسى كبتي جهنم 00 اني مادري والعباة جعلي اصير زي عتاب والا فطومه 00 جعلي اسوق سياره ان كاني ادري وين عباتها 00 عسى ابعد ما اشوف هدب عيوني بعد جدتي / طيب وش المداخله اللي عندك انجزي الاتصال عندي ضعيف << مواعده شايب رشا / يعني عندك خويه هاه جدتي / رشا كولي تراب لا اجي اتمرجح ببطنتس خالتي موضي / يمه انا اقول ندخل بالموضوع ساحر هو اللي بيكشف السارق جدتي / الساحر ابخليه اخر حل جدتي / اصبري هذا ام الجيران دخلت المسنجر هي سيرت علينا ابنشده جدتي / ابشركم لقينا العباة طلعت ام سلووم الحولا لخبطت بالعباة جدتي / عن اذنكم انا جهازي يهنق وابروح افرمته وانتم خلونا نشوفكم الخميس الجاي <<< بدت تصرف العجوز دخل المسنجر شايب جدتي / باي << اخس كلنا / بمان الله 0 مايستفاد من الموضوع / 1- لاتضيف اقاربك عندك بالمسنجر 0 لان زواج الاقارب مهب زين 2- يجب ان تمسك المرءه عبايتها بيدها اذا جت تسير على احد 0 3- يجب عليك ان لاتضيف بمسنجرك اي شخص 0 واحرص على قل البنات بالمسنجر 4- لاتعطي جدتك وجه 0 وحاول دائما تدخل بالملفات والمستندات بجهازه 5- ارسل فيروسات لجهاز جدتك على انه(( حنا ))جديد نازل بالسوق 0 ========== هذا الموضوع برعاية / قرووب ابو ماهر لفن المحادثات -- قرووب فضيحه -- مؤسسة الهوتميل كوووم -- مؤسسة وراكم جالسينن بالمسنجر ماجلستو بسطح المكتب -- مؤسسة تراي اتسذب جدتي ما تعرف للنت مؤسسة تبون نرسل لكم صور حلوة عطونا ايملاتكم -- مؤسسة احظر اللي ماتبيه ولا عليك من احد -- مؤسسة وراي اناديك بالمسنجر ماترد -- مؤسسة البال توك انتبهوا منه -- مؤؤسة تراك اشغلتنا انت وموضوعك 0 ======================== آسفه على الاطاله مو ان كاتببته |
|
|
|
26 / 08 / 2004, 52 : 04 AM
|
#2 | |
|
ضيف
|
ههههههههههههههههههههههه قمورة
اما حوار صراحه فلللللللللللللللللله:0101: يسلمووووووووووو مررره قموره على الموضوع الحلوو |
|
|
|
|
26 / 08 / 2004, 31 : 10 AM
|
#3 | |
|
موقوف
|
حشى مو انتى قمر تمير
انت كرانى حق الاحوال الجوية الى يجى فية القناة الاولى وبعد الاخبار وتغطى عنة جدتى هههههههههههه وش سالفتك مستلجة هاليومين عائلتك عائلة بن بطوطة خخخخخخخخخخخ حقيقة مواضيعك تجنن مولد نجمة جديدة فى ساحة الصرقعة |
|
|
|
|
26 / 08 / 2004, 37 : 11 AM
|
#4 | |
|
تميراوي سوبر
|
تمـــ قمر ــــير
انا هالحين وش اسويبس الضغط واصل عندي الف لا واللي قاهرني زووووود خالاتها رشا وموضي تكفون وش اسوي تقطع الشماغ من كثر العض موضوع جميييييييييييييييل وتسلمييييييييييييييييين تحيه وتقدير سمسار 15 |
|
|
|
|
26 / 08 / 2004, 18 : 06 PM
|
#5 | |
|
VIP
|
انت قهرتك رشا وموضي
انا قهرني هيله بعد لكن هين يا قمر بنردها لك بس اصبري بس دوختني السالفه مشكوووره على الدردشه سلام |
|
|
|
|
27 / 08 / 2004, 41 : 01 PM
|
#6 | |
|
موقوف
|
خلو نحجرها جميع
هاادى سمسار هبوب ونقطع راسها وناخذ منها التفخات اللى معها خخخخخ |
|
|
|
|
28 / 08 / 2004, 29 : 02 PM
|
#7 | |
|
تميراوي
|
يا طول هالحواار طولاااااه
الله لو انكم في مؤتمر قمه كان حليتو المشكلة بس خطيره هالجده عندها سخصيه قويه غطت على تاتشر |
|
|
|
|
29 / 08 / 2004, 10 : 09 AM
|
#8 | |
|
VIP
|
هههههههههههههههههه
والله صادقي تصدون من ندخل عليها وحنا خذ تبويس في الراس العالم تصفق للكلمات الحلوه واحنا نقوم  :smilies: ونحب راسها والله من الذراقه :::04:::وتسلموووون جميعا |
|
|
|
|
03 / 09 / 2004, 49 : 03 PM
|
#9 | |
|
تميراوي نشيط
|
((((((((((((( قمر ))))))))))))))
مصرقعة من جد ............. دخلت على العنوان وانا مصدق،،، يااااااااااااااااااااااااااااااا مصرقعة ..... ياااااااااااااااااااااااا حظ والديك فيك الظاهر ما يملون من كثر القرقر.. ((( اعذري مداخلتي أختي قمر مشاركة جميلة وفكاهية))) لا تؤاخذين قلمي لعله نسي بعض كلماته من كثرة ضحكة على مقالك ... تقبــــــ تحياتي ـــــــــلي البلوي |
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
 |
 |
 |
